Mak 12
12
Parabòl move kiltivatè yo
(Matye 21.33-46; Lik 20.9-19)
1Apre sa, Jezi pran rakonte yo #Mat 21.33-46; Lik 20.9-19 yon #Eza 5.1,2 parabòl.
— Vwala se yon nonm ki te gen yon jaden rezen. Nonm lan leve lantouray klotire jaden an. Li fouye yon basen pou kraze rezen. Li bati yon kay bay moun k'ap veye jaden an. Apre sa, li antann li ak kèk moun pou okipe jaden an. Lèfini li pati l'al nan vwayaj. 2Lè sezon rekòt la rive, li voye yon domestik bò kote moun ki t'ap okipe jaden an pou li. Li te voye chache pòsyon pa l nan rekòt rezen an nan men yo. 3Yo mete men sou domestik la, yo bat li byen bat, epi yo voye l tounen bay mèt jaden an san yo pa ba l anyen. 4Mèt jaden an voye yon dezyèm sèvitè kote yo ankò. Fwa sa a menm, se nan tèt ase yo bat li, epi yo vekse li byen vekse. 5Mèt jaden an voye yon twazyèm domestik, yo touye si la a. Li voye anpil lòt ankò: gen sa yo bat, gen sa yo touye. 6Sèl moun mèt jaden an te rete pou l te voye, se pitit gason li te renmen anpil la. Li voye l an dènye bò kote yo. Li t'ap di nan kè l: Omwen y'a gen respè pou gason m lan. 7Men mesye yo antann yo yonn ak lòt epi yo di: Men eritye a. Annou fè yon jan ak li. Konsa jaden an va vin pou nou nèt. 8Yo #Eb 13.12 mete men sou li vre. Yo touye li epi yo jete kadav la deyò jaden an.
9Bon! Ki aksyon nou kwè mèt jaden an ka fè? L'a vini, l'a fè touye mesye yo epi l'a bay lòt moun travay jaden an. 10Eske #Sòm 118.22,23 nou pa li pawòl ki ekri a? Mwen sèten nou li l deja:
Wòch moun ki t'ap bati yo te voye jete a,
se li menm ki tounen wòch ki kenbe kay la.
11Sa se travay Mèt la.
Se bèl bagay pou nou wè sa.
12Chèf jwif yo t'ap chache mete men sou Jezi paske yo te konprann byen se pou yo li te bay parabòl sa a. Men yo te pè reyaksyon foul la ka fè sou yo. Se pou sa yo kite li al fè wout li.
Lajan pou peye Seza
(Matye 22.15-22; Lik 20.20-26)
13Yo #Mat 22.15-22; Lik 20.20-26 te #Mak 3.6 voye kèk farizyen ak kèk patizan Ewòd kot Jezi pou wè si yo te ka rache yon pawòl nan bouch li pou antrave li. 14Yo vin di l konsa:
— Mèt, nou konnen ou se moun ki kare, ou pa pè pèsonn, paske ou pa gade sou figi moun. Men, ou moutre chemen Bondye a jan li ye a. Manyè di nou: eske lalwa pèmèt nou peye Seza lajan kontribisyon an? Eske nou dwe peye li? Wi ou non?
15Men Jezi te konnen yo gen lòt lide dèyè tèt yo. Li reponn yo:
— Poukisa n'ap chache pran m nan pèlen konsa? Pote yon pyès lajan ban mwen pou m gade yon bagay.
16Yo pote yon pyès lajan ba li. Jezi mande yo:
— Pòtre ki moun ak non ki moun ki sou pyès lajan an?
Yo reponn li:
— Se pòtre Seza ak non Seza.
17Lè #Wòm 13.7 sa a, li di yo:
— Bay Seza sa ki pou Seza, bay Bondye sa ki pou Bondye.
Pawòl sa a te fè yo pi sezi ankò.
Kèsyon rezireksyon an
(Matye 22.23-33; Lik 20.27-40)
18Sadiseyen #Mat 22.23-33; Lik 20.27-38 yo se yon gwoup jwif ki di moun mouri pa leve. Yo vin bò kote Jezi ak yon kèsyon. Yo di l konsa:
19— Mèt, #Det 25.5,6; Jen 38.8 Moyiz te ekri lòd sa a ban nou: Yon nonm ki gen frè, si l mouri kite madanm li san pitit, frè a gen pou l marye avèk madanm defen an pou li sa fè pitit pou frè l ki mouri a. 20Se konsa, te gen sèt frè. Premye a marye, li mouri san l pa kite pitit. 21Dezyèm lan marye avèk vèv la. Li mouri tou san l pa kite pitit. Menm bagay la rive twazyèm lan tou. 22Konsa konsa, tout sèt frè yo marye ak fanm lan epi yo yonn pa kite pitit. Apre yo tout fin mouri, li menm tou fanm lan mouri. 23Lè mò yo va gen pou yo leve, madanm kilès nan yo li pral ye la a, paske li te madanm tout sèt frè yo?
24Jezi reponn yo:
— Nou nan lerè wi. M'ap di nou poukisa: Nou pa konprann sa ki ekri a, nou pa konnen pouvwa Bondye. 25Lè mò yo va gen pou yo leve, fanm ak gason pa nan marye ankò. Tout moun pral viv tankou zanj Bondye nan syèl la. 26Pou #Egz 3.2,6; Mat 8.11; Lik 16.22 kèsyon mò yo k'ap leve vivan ankò a, eske nou pa li nan Liv Moyiz la sa Bondye te di l bò touf bwa a: Mwen se Bondye Abraram, Bondye Izarak, Bondye Jakòb? 27Bondye se Bondye moun vivan li ye, li pa Bondye moun mouri. Nou wè nou nan lerè anpil, pa vre?
Kòmandman ki pi konsekan an
(Matye 22.34-40; Lik 10.25-28)
28Yonn #Mat 22.34-40; Lik 20.39,40 nan #Lik 10.25-28 dirèktè lalwa yo te tande jan yo t'ap diskite. Li wè Jezi te byen reponn sadiseyen yo. Lè sa a, li pwoche bò kote l, li mande li:
— Kilès nan tout kòmandman yo ki pi konsekan an?
29Jezi #Det 6.4,5 reponn li:
— Men kòmandman ki pi konsekan an: Koute, nou menm pèp Izrayèl: Mèt la, Bondye nou, se li ki sèl Mèt la. 30Se #Jan 15.12 pou ou renmen Mèt la, Bondye ou, avèk tout kè ou, avèk tout nanm ou, avèk tout lide ou, avèk tout fòs ou. 31Men #Lev 19.18 dezyèm kòmandman an: Se pou ou renmen frè parèy ou tankou ou renmen pwòp tèt pa ou. Pa gen lòt kòmandman ki pi konsekan pase sa yo.
32Lè #Det 4.35; 6.4 sa a, dirèktè lalwa a di li:
— Se sa menm, Mèt. Sa ou di a se vre. Mèt nou an se sèl Bondye ki genyen. Pa gen lòt pase li. 33Jan #1 Sam 15.22 ou di a, se pou nou renmen l ak tout kè nou, tout lespri nou, tout fòs nou, epi se pou nou renmen frè parèy nou tankou nou renmen pwòp tèt pa nou. Sa pi bon lontan pase tout ofrann n'ap boule pou Bondye ansanm ak tout lòt bèt n'ap ofri pou touye pou li.
34Jezi #Tra 26.27-29 wè nonm lan te fè l yon repons moun ki gen konprann, lè sa a li di li:
— Ou menm, ou pa lwen peyi kote Bondye Wa a non.
Apre sa, pèsonn pat gen odas poze l kèsyon ankò.
Eske Kris la se pitit David?
(Matye 22.41-46; Lik 20.41-44)
35Pandan #Mat 22.41-46; Lik 20.41-44 Jezi t'ap moutre moun yo anpil bagay nan tanp lan, li di yo:
— Ki jan dirèktè lalwa yo fè di Kris la se pitit pitit David li ye? 36Poutan, #Sòm 110.1; 2 Sam 23.2; Jan 7.42 men sa David te di (se Sentespri menm ki te fè l di l):
Bondye te di Senyè mwen an: Chita la sou bò dwat mwen,
jouk tan mwen fè lènmi ou yo tounen yon ti ban pou lonje pye ou.
37Si David rele Kris la Senyè, ki jan pou Kris la ta ka pitit pitit David?
Jezi denonse dirèktè lalwa yo
(Matye 23.1-36; Lik 11.37-54; 20.45-47)
Yon pakèt moun t'ap koute Jezi avèk plezi. 38Nan #Mat 23.1-39; Lik 20.45-47 sa li t'ap moutre moun yo, li di yo konsa:
— Pran prekosyon nou avèk dirèktè lalwa sa yo. Yo renmen pwonmennen avèk wòb long yo, yo renmen moun di yo bonjou jouk atè lè yo sou plas piblik. 39Lè y'al nan sinagòg, yo chita kote pou tout moun wè yo. Nan resèpsyon yo chache pi bon plas la. 40Se piye y'ap piye malerèz yo, anmenmtan y'ap plede fè lapriyè byen long pou parèt pi bon. Kondannasyon yo pral pi rèd.
Ofrann vèv la
(Lik 21.1-4)
41Apre #Lik 21.1-4 sa, #2 Wa 12.9 Jezi te chita vizavi ak bwat kote yo mete ofrann nan tanp lan. Li t'ap gade moun yo ap mete lajan ladan li. Plizyè moun rich t'ap mete anpil lajan. 42Yon pòv vèv vin rive tou. Li lage de ti pyès senk kòb. 43Lè sa a Jezi rele disip li yo, li di yo:
— Sa m'ap di nou la a, se vre wi: Pòv vèv sa a bay plis pase tout moun ki mete ofrann nan bwat la. 44Paske, #2 Kor 8.12 tout moun sa yo mete sa yo pa bezwen. Men li menm, nan tout mizè li, li bay tou sa l te genyen, tout sa l te gen pou l viv.
Currently Selected:
Mak 12: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.