Levitik 5

Sakrifis pou kalite peche sa yo

1Men nan ki sikonstans pou yo fè ofrann #Pwo 29.24; Mat 26.63 bèt pou peche moun fè san yo pa konnen:

Si yon moun fin fè sèman nan tribinal pou l di sa ki pase epi li refize pale sa l te wè ou ankò sa li vin konnen, li gen pou l peye pou sa li fè a.

2Si #Lev 11.24-39; Nonb 19.11-16 yon moun rive manyen, san li pa konnen, yon bagay moun k'ap sèvi Bondye pa gendwa manyen, tankou kadav yon bèt ki pa bon pou moun k'ap sèvi Bondye, li te mèt yon bèt nan bwa, li te mèt yon bèt kay, li te mèt yon bèt k'ap trennen sou vant, lè l rive konnen sa l fè a, li menm tou li pa nan kondisyon pou fè sèvis pou Bondye, epi li antò pou sa l fè a.

3Si, #Lev 12.1-8; 13.1-59; 15.1-33 san li pa konnen, li rive manyen yon nonm ki pa nan kondisyon pou fè sèvis pou Bondye, nenpòt ki jan moun lan te ka rive nan eta sa a, lè pita li vin konnen sa l fè a, li antò pou sa l fè a.

4Si #1 Sam 14.24; 25.22; Mak 6.23; Tra 23.12 yon moun kite bouch li mennen l, epi li sèmante, li di l'ap fè yon bagay, se ka yon move bagay osinon yon bon bagay, lè l vin rekonèt sa, se pou l peye sa l fè a.

5Lè #Lev 26.40; Nonb 5.7; Esd 10.11 yon moun rive antò paske li fè yonn nan bagay sa yo, se pou l rekonèt devan tout moun sa l fè a mal. 6Apre sa, l'a peye pou peche li fè a, l'a pran yon fenmèl nan mouton pa l yo, osinon nan kabrit li yo, l'a ofri l bay Senyè a pou peche li te fè a. Prèt la va fè ofrann bèt pou wete peche nonm lan.

7Men, #Lev 12.8; 14.21,22 si nonm lan pa ka bay yon mouton osinon yon kabrit, l'a pote yon pè toutrèl osinon yon pè pijon pou peye pou peche a. L'a ofri yo bay Senyè a, yonn pou yo touye pou peche a, lòt la pou yo boule nèt sou lotèl la. 8L'a #Lev 1.15,17 pote yo bay prèt la. Prèt la menm va ofri zwazo pou peche a anvan. L'a kase kou zwazo a, san li pa separe tèt la ak rès kò a. 9L'a voye ti gout nan san an bò lotèl la. Epi l'a vide rès san an nan pye lotèl la. Se va yon ofrann bèt yo touye pou wete peche a. 10Apre sa, l'a ofri dezyèm zwazo a, l'a boule l dapre regleman yo. Se konsa prèt la va fè ofrann bèt pou wete peche moun lan te fè a, epi Bondye va padonnen l sa l te fè a.

11Si #Nonb 5.15 moun lan pa ka bay de toutrèl osinon de pijon pou peye pou peche li fè a, l'a pote de liv bon farin. Li p'ap bezwen mete ni lwil oliv ni lansan sou li, paske se yon ofrann pou wete peche l'ap fè. 12L'a #Lev 2.2 pote l bay prèt la, prèt la va pran yon ponyen nan farin lan ki va sèvi pou Senyè a pa janm bliye moun ki fè ofrann lan. L'a ofri l bay Senyè a, l'a boule l sou lotèl la tankou yon ofrann yo boule bèt pou Senyè a. Se va yon ofrann yo fè pou wete peche a. 13Se konsa, prèt la va fè ofrann pou wete peche moun lan te fè a, Bondye va padonnen l sa l te fè a. Rès farin lan va rete pou prèt la, tankou lè y'ap fè ofrann manje.

Sakrifis pou sa moun fè ki mal

14Senyè a pale ak Moyiz, li di l konsa:

15— Si #Egz 30.13; Lev 22.14; Esd 10.19 yon moun fè yon peche san li pa fè espre, si li fè sa li pat dwe fè, tankou lè li bliye bay sa li te dwe bay pou Senyè a, l'a fè yon ofrann pou repare bagay li te fè ki mal la. L'a pran yon belye mouton nan bèt li yo, yonn ki san okenn enfimite. Y'a di konbe bèt la vo, dapre lajan yo sèvi nan kay Bondye a, epi l'a ofri l bay Senyè a. Se sa yo rele yon ofrann pou peye pou sa yon moun fè ki mal. 16Se #Lev 4.26; 6.5; Nonb 5.7 pou l peye tou sa li te bliye bay Senyè a, plis ven pou san anwo li. L'a pote l bay prèt la. Prèt la menm va ofri bouk la, l'a touye l pou peye pou sa moun lan te fè ki mal, epi Bondye va padonnen l sa.

17Si #Lev 4.2 yon moun fè peche san l pa konnen, si li fè yon bagay Senyè a te bay lòd pa fè, atout li pat fè espre, li antò. Se pou l peye pou sa l fè a. 18L'a pran yon belye nan bèt li yo, yonn ki pa gen okenn enfimite, l'a pote l bay prèt la. Prèt la menm va ofri l pou peye pou sa moun lan te fè ki mal. Y'a kalkile pri bèt la dapre sistèm lajan yo sèvi nan kay Bondye a. Prèt la va fè ofrann lan pou peye pou sa moun lan te fè san l pat konnen an, epi Bondye va padonnen l sa. 19Se yon sakrifis moun fè pou peye mal yo fè kont Senyè a.

Currently Selected:

Levitik 5: HAT98

Highlight

Copy