Jòb 34
34
Dezyèm koze Eliyou a
1Eliyou pran lapawòl ankò. Li di konsa:
2— Nou menm moun lespri yo, koute sa m'ap di nou!
Nèg save yo, louvri zòrèy nou!
3Zòrèy #Jòb 12.11 konnen lè pawòl bèl
menm jan bouch konnen lè manje gou.
4Annou #1 Tes 5.21 wè kote jistis la ye.
Ann mete rezon an kote pou l ye a.
5Jòb #Jòb 27.2; 33.9 pretann li nan dwa li,
se Bondye ki derefize rann li jistis.
6Li #Jòb 6.4; Sòm 38.2 di: Si m di m antò, se manti m'ap bay.
Mwen malad pou m mouri. Men, m pa fè anyen ki mal.
7Ou #Jòb 15.16 janm jwenn yon moun tankou Jòb?
L'ap pase verite Bondye a nan betiz alèz tankou si se dlo l'ap bwè.
8Li #Sòm 1.1 fè bann ak moun k'ap fè mechanste yo.
L'ap pwonmennen ansanm ak malveyan yo.
9Se #Jòb 9.22; 21.15; 35.3; Mal 3.14 li menm menm ki di ak bouch li:
Sa pa rapòte anyen, lè yon moun
ap chache fè volonte Bondye.
10Nou #Jen 18.25; Det 32.4; Sòm 92.15; Wòm 9.14 menm ki gen lespri, koute sa m'ap di.
Bondye pa ka fè mechanste.
Bondye ki gen tout pouvwa a pa ka nan patipri.
11Li #Sòm 62.12; Jer 17.10; Eze 33.20; Mat 16.27; Wòm 2.6; 2 Kor 5.10; 1 Pyè 1.17; Rev 22.12 bay chak moun sa yo merite dapre sa yo fè.
Li aji ak yo dapre jan yo mennen bak yo.
12Non! #Jòb 8.3 Bondye pa janm fè sa ki mal.
Bondye ki gen tout pouvwa a pa nan paspouki.
13Se #Jòb 38.4-7 pa yon lòt moun ki te bay Bondye pouvwa pou l gouvènen latè,
ni se pa yon lòt moun ki te mete tou sa ki egziste sou kont li.
14-15Si #Sòm 104.29; 146.4 Bondye #Jen 2.7; 3.19 te kenbe souf ki bay lavi a pou tèt li,
yon sèl kou a, bèt kou moun ta mouri.
Yo ta tounen pousyè tè ankò.
16Si nou gen bon konprann, koute sa byen.
Louvri zòrèy nou pou nou tande sa m'ap di.
17Eske n'ap kondannen Bondye ki gen tout pouvwa a, epi k'ap rann jistis la?
Eske yon moun ki pa vle wè jistis ka gouvènen?
18Bondye #Egz 22.28 pini wa yo lè yo fè sa ki mal.
Li pini gwo chèf yo lè yo fè mechanste.
19Li #Det 10.17; Jòb 31.15; Tra 10.34; Ef 6.9; Kol 3.25; Jak 2.5; 1 Pyè 1.17 pa nan achte figi chèf yo.
Ou te mèt pòv, ou te mèt rich, pa gen diferans pou li,
paske se li menm ki fè yo tout.
20Yo #Jòb 21.13; 27.20; Lam 4.6; Da 8.25 rete konsa yo mouri, yo ale nan mitan lannwit.
Pèp la annik souke kò l, yo disparèt.
Bondye touye gwo chèf yo san li pa leve ti dwèt li.
21L'ap #Jòb 31.4 veye tout vire tounen lèzòm.
L'ap gade tout kote y'ap mete pye yo.
22Pa #Sòm 139.12; Am 9.2,3; Eb 4.13 gen okenn fènwa, ni okenn lonbray
ki ka anpeche l wè sa mechan yo ap fè.
23Ou pa bezwen gade yon moun anpil non
pou konnen si li koupab devan Bondye.
24Li #Jòb 5.9; 8.19; Sòm 2.9 pa bezwen nan chache konnen pou l kraze chèf yo,
lèfini pou l mete lòt moun nan plas yo.
25Paske li konnen dènye sa moun fè.
Yon jou lannwit konsa, li desann yo.
Li pilonnen yo anba pye li.
26Li souflete yo tankou malfektè
nan mitan lari pou tout moun ka wè.
27Paske #1 Sam 15.11; Sòm 28.5; Eza 5.12 yo te vire do ba li,
yo te fè tankou yo pa konnen lòd li bay yo.
28Yo #Egz 3.7; 22.23; Jòb 35.9; Jak 5.4 fè, yo fè jouk pòv yo rele mande Bondye sekou,
jouk Bondye tande jan piti yo ap rele anba men yo.
29Men, #Sòm 94.13 si Bondye rete san l pa fè anyen,
ki moun ki ka di l kichòy?
Si li kache kò li, ki moun ki ka wè l!
Men, pa pè! L'ap veye sou tout moun nan tout peyi.
30Li p'ap kite move chèf gouvènen yo,
li p'ap kite yo tann pèlen pou pèp la.
31Men, si yon mechan pale ak Bondye, si li di l:
— Wi, mwen te fè sa ki mal. Mwen p'ap fè sa ankò.
32Tanpri. #Jòb 35.11; 36.22; Sòm 86.11 Louvri je m. Fe m wè sa m fè a.
Si mwen te aji ak mechanste, mwen p'ap rekonmanse ankò.
33Dapre #Jòb 33.32 ou, Jòb, eske se pou Bondye pini l?
Mwen mande ou sa paske m konnen ou pa dakò ak sa Bondye fè a.
Men, se ou menm ki pou deside. Pa mwen menm.
Manyè di m sa ki nan kè ou.
34Moun lespri ansanm ak moun bon konprann k'ap
koute m yo va di m konsa:
35Jòb #Jòb 35.16 ap pale anpil, men li pa konn sa l'ap di.
Tou sa l'ap di yo pa gen ni pye ni tèt.
36Egzaminen byen tou sa Jòb di la a.
N'a wè li pale tankou yon moun ki mechan nan kè l.
37Li #Jòb 27.23 fin fè kont peche l, kounyeya l'ap kenbe tèt ak Bondye.
L'ap seye fè nou konprann li pa antò.
L'ap plede fè Bondye remoutrans.
Currently Selected:
Jòb 34: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
