Ezayi 63

Senyè a pral kraze lòt nasyon yo

1Kilès sa a k'ap vini sot lavil Bozra #Sòm 68.7; Eza 34.6 nan peyi Edon an,

ak yon rad tou wouj sou li a?

L'ap mache byen bwòdè ak bèl rad li sou li.

L'ap mache tèt li byen wo, l'ap pile tè a byen fò.

Se mwen menm, Senyè a,

ki gen pouvwa pou delivre moun lan,

k'ap pale sou koze delivrans lan.

2Poukisa #Rev 14.20; 19.13 rad sou ou yo wouj konsa,

tankou rad moun k'ap kraze rezen anba pye yo pou fè diven nan basen?

3Senyè a #Jowèl 3.13 reponn:

— Mwen te pou kont mwen ap kraze nasyon yo anba pye m, tankou rezen nan basen. Pat gen yon moun nan pèp mwen an ki te la avè m. Mwen fè kòlè, mwen mache sou yo, m pilonnen yo anba pye m sitèlman mwen te fache. San yo benyen tout rad mwen, li tache yo byen tache. 4Mwen #Eza 34.8 te chwazi nan kè m jou pou m te tire revanj pou pèp mwen an. Lè pou m te pini lènmi l yo te rive. 5Lè m' #Eza 59.16 gade, mwen te sezi. Pa te gen yon moun pou ban m' yon koutmen. Pa te gen pesonn pou ban mwen konkou. Men mwen te sitèlman ankòlè, mwen jwenn kont fòs nan ponyèt mwen. Mwen kenbe jouk mwen fin delivre yo. 6Mwen #Eza 49.26 fè yon sèl kòlè, mwen kraze yon bann pèp. Mwen dechèpiye yo sitèlman mwen te fache. Mwen fè dlo kò yo benyen kò yo.

Ala bon Senyè a bon pou Izrayèl

7M'a #Sòm 145.7 chante pou m fè konnen tout bèl bagay Senyè a fè pou nou.

M'a fè lwanj li pou tou sa li fè pou nou,

pou jan li bon pou moun fanmi Izrayèl yo.

Li moutre nou jan li gen kè sansib pou nou, jan li renmen nou anpil.

8Senyè a te di se pèp mwen yo ye, m sèten yo p'ap fè m wont. Se konsa, li delivre yo 9nan #Det 7.7,8; 32.10-12; Jij 10.16 tout tèt chaje yo. Se pat yon moun ni yon zanj li te voye fè travay la pou li. Se li menm menm ki te vin delivre yo. Li sitèlman renmen yo, kè l sitèlman fè l mal pou yo, se li menm menm ki te vin delivre yo. Nan tan lontan, li te toujou pran swen yo. 10Men, #Sòm 78.17,40,56; Eze 20.8; Tra 7.51; Ef 4.30 yo te fè wòklò avè l, yo te fè l lapenn anpil. Se konsa Senyè a te tounen yon lènmi pou yo, li fè yo lagè.

11Men, #Egz 14.19-22; Sòm 77.11-20 yo chonje tan lontan, yo vin chonje Moyiz. Yo mande kounyeya: Kote Bondye ki te rale yo sot nan lanmè a, Bondye ki te mete Moyiz mache devan yo tankou yon gadò pou bann mouton l yo? Kote Bondye ki te bay Moyiz pouvwa lespri li a? 12Kote #Ney 9.10 Bondye ki te kanpe aladwat Moyiz pou fè gwo mèvèy ak fòs ponyèt li lè li te fann dlo a devan yo pou tout moun te ka chonje sa li te fè a?

13Lè Bondye te fè yo mache nan fon lanmè a tankou chwal nan sab dezè, san yo pa janm bite, 14tankou #Nonb 10.33 bèt yo lage desann al manje, se konsa lespri Senyè a te mennen yo kote pou yo poze. Wi, se konsa Senyè a te kondi pèp li a pou tout moun te ka nonmen non li pou jan li gen pouvwa.

Lapriyè pou mande padon

15Senyè, #Det 26.15; Eza 59.17 antan ou nan syèl la, nan bèl kay apa ou la, tanpri, voye je gade nou non! Kote jalou ou jalou pou nou an? Kote fòs ou gen pou nou an? Apa zantray ou pa fè ou mal pou nou ankò! 16Se #Det 32.6 ou menm ki papa nou. Abraram pa konnen nou. Izrayèl pa rekonèt nou! Se ou menm, Senyè, ki papa nou. Se ou menm ki toujou delivre nou! 17Poukisa #Sòm 90.13; Jan 12.40 atò ou kite nou pèdi chemen ou te mete devan nou an, ou kite nou lage kò nou nan raje? Poukisa ou kite nou fè tèt di, ou kite nou pèdi krentif nou te gen pou ou a? Tanpri, tounen vin jwenn nou non, poutèt moun k'ap sèvi ou yo, poutèt pèp ki toujou moun pa ou la!

18Nou poko chita, lènmi nou yo te gentan pran peyi a nan men nou, yo derespekte Tanp ou a. 19Depi kèk tan ou sèvi ak nou tankou si se pa ou ki chèf nou ankò, tankou si nou pa pèp ou a ankò.

Currently Selected:

Ezayi 63: HAT98

Highlight

Copy