Ezayi 34
34
Bondye pral pini lènmi l yo
1Nou menm moun tout nasyon yo, pwoche pou n koute!
Tout pèp sou latè, louvri zòrèy nou!
Se pou tout moun ansanm ak tout bagay ki sou latè yo koute!
2Senyè a fache sou tout nasyon yo nèt,
ansanm ak lame sòlda yo.
Li kondannen yo tout pou yo mouri,
pou yo touye yo tankou bèt y'ap ofri pou touye pou li.
3Yo #Jowèl 2.20 p'ap antere kadav moun mouri yo.
Y'ap kite yo pouri santi.
Tout mòn yo pral wouj ak san.
4Tou #Jowèl 2.31; Mat 24.29; Rev 6.13,14 sa ki nan syèl la, solèy, lalin ak zetwal yo, pral disparèt.
Yo pral woule syèl la tankou yon woulo papye pote ale.
Tou sa ki nan syèl la pral tonbe
tankou fèy pye rezen ak fèy pye fig frans lè y'ap jete fèy.
5Nan #Eza 63.1-6; Jer 49.7-22; Mal 1.2-4 syèl la, nepe Senyè a mande san.
Men l'ap desann sou peyi Edon an
pou l pini moun mwen menm, Senyè a, mwen te kondannen pou mouri.
6Nepe #Sof 1.7 Senyè a pral benyen ak san yo
tankou san mouton ak san bouk yo touye pou li.
Li pral kouvri ak grès tankou grès wonyon belye yo touye pou li.
Yo pral fè yon ofrann bèt pou Senyè a lavil Bozra.
Yo pral fè yon gwo masak nan peyi Edon.
7Moun pral mouri tankou gwo towo bèf mawon ak jenn ti towo.
Tè a pral plen san, li pral kouvri ak grès.
8Paske, #Eza 61.2 se jou Senyè a pral pran revanj li sou lènmi peyi Siyon yo.
Se jou li pral fè yo peye sa yo te fè a,
pou l ka delivre moun Siyon yo.
9Tout dlo larivyè nan peyi Edon pral tounen goudwon.
Pousyè tè a ap tounen souf.
Tout peyi a pral boule tankou goudwon.
10L'ap #Eza 66.24; Rev 14.11; 19.3 boule lajounen kou lannwit.
Lafimen pral sòti ladan l tout tan san rete.
Tè a ap tounen savann pou tout tan tout tan.
Moun p'ap janm pase la ankò.
11Se la koukou ak frize pral fè nich yo.
Se la kaw ak malfini pral rete.
Senyè a pral fè l tounen yon dezè san anyen ladan li.
12P'ap gen grannèg pou chwazi wa ankò pou gouvènen peyi a,
tout chèf yo ap disparèt.
13Pikan #Eza 13.21,22; 32.13 pral pouse nan tout palè li yo,
kwòkachen ak chadwon pral pouse nan tout fò yo.
Se la chen mawon pral rete.
Se la grangozye #34.13: otrich: Se pi gwo zwazo ki gen sou latè. Li pa janm vole, men pou kouri, li konn kouri. Se nan grantè Lafrik yo jwenn li. pral fè nich yo.
14Bèt k'ap viv nan dezè yo pral kontre ak chen mawon.
Mal yo, yonn pral rele lòt.
Se la lagrandyab la pral rete.
Se la l'a jwenn yon kote pou l poze kò l.
15Se la koulèv pral fè nich yo, se la y'ap ponn.
Se la y'ap kouve ze yo, se la y'ap okipe pitit yo.
Se la malfini karanklou yo pral sanble.
16Ale gade nan liv Bondye a. Li sa ki ladan l.
Pa manke yon sèl nan tout bèt li kreye yo.
Yo yonn pa pèdi parèy yo.
Se Senyè a menm ki bay lòd sa a.
Se lespri li k'ap mete yo ansanm yonn ak lòt.
17Se #Sòm 78.55 li menm menm ki pral separe tè a ba yo chak pòsyon pa yo.
Y'ap rete nan peyi a pou tout tan.
Peyi a va rele yo pa yo jouk sa kaba.
Currently Selected:
Ezayi 34: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
