Esdras 6

Yo jwenn lòd wa Siris te bay la

1Se konsa wa Dariyis bay lòd pou yo fè chache nan tout depo kote yo te sere achiv yo ak trezò yo nan peyi Babilòn. 2Epi #2 Wa 17.6 yo jwenn yon woulo papye nan fò Achmeta, yon fòtrès ki te nan pwovens Medi a. Men sa ki te ekri nan woulo papye a:

3— Nan #1 Wa 6.2; Esd 1.2 premye lanne reny li, wa Siris te bay lòd sa a sou Tanp Bondye a nan lavil Jerizalèm: Se pou yo rebati Tanp lan pou l ka sèvi kote yo ka touye bèt ak boule ofrann nan dife pou Bondye. Tanp lan va gen trant mèt wotè, trant mèt lajè. 4Y'a #1 Wa 6.36 moute miray yo an bwa ak wòch, yonn sou lòt, twa ranje wòch pou chak ranje bwa. Y'a pran lajan nan kès wa a pou peye tout depans ki va fèt pou travay la. 5Konsa #Esd 1.7,8; 5.14 tou, y'a renmèt yo tout vèso an lò ak an ajan Nebikadneza te pran nan tanp Bondye a lavil Jerizalèm pou l te pote isit lavil Babilòn, pou tout bagay tounen nan plas yo nan Tanp Bondye a lavil Jerizalèm.

Dariyis bay lòd travay la mache

6Lè #Esd 5.3,6 sa a, wa Dariyis voye repons sa a:

— Pou Tatenayi, gouvènè pwovens lòt bò larivyè Lefrat la, Cheta-Boznayi ak lòt kòlèg yo ki otorite nan Afasak la.

Pa pwoche bò Tanp lan. 7Kite yo travay nan Tanp Bondye a. Se pou gouvènè pèyi Jida a ak chèf fanmi yo rebati Tanp lan sou menm anplasman kote l te ye anvan an. 8Okontrè, men ki jan pou nou boule ak chèf fanmi pèp jwif yo nan travay y'ap fè pou rebati Tanp Bondye sa a: N'a pran lajan nan kès wa ki nan men nou an, ki vle di nan lajan kontribisyon n'a ranmase nan pwovens la, n'a renmèt yo kòb tout depans y'a fè, san wete senk, pou travay la pa rete. 9N'a bay prèt Jerizalèm yo tou sa y'a bezwen pou fè ofrann bèt pou yo boule nèt nan dife pou Bondye ki nan syèl la. Chak jou, dapre sa prèt lavil Jerizalèm yo va di nou, n'a ba yo jenn ti towo, belye, ti mouton ansanm ak ble, sèl, diven, lwil y'a bezwen pou boule pou Senyè a. Pa pote okenn neglijans nan sa. 10Konsa, #Jer 29.7; 1 Tim 2.2 y'a ka ofri sakrifis santi bon ki va fè Senyè a plezi. Y'a lapriyè pou wa a ak pou pitit li yo. 11Men #Da 2.5; 3.29 yon lòd mwen bay ankò: si yon moun refize fè anyen nan sa m mande la a, y'a rache yon poto bwa nan kay li, y'a fè yon pwent li, y'a pèse moun lan pak an pak ak li. Pou kay li a menm, y'a fè l tounen yon pil fatra, poutèt sa li fè a. 12Se #1 Wa 9.3 pou Bondye ki chwazi lavil Jerizalèm pou se la yo bati kay li a jete tout wa, kraze tout nasyon ki ta konprann pou yo pa koute lòd mwen bay la a, epi ki ta detwi Tanp Bondye a ki lavil Jerizalèm. Se mwen menm, Dariyis, ki bay lòd sa a. Se pou yo fè sa mwen bay lòd fè a san wete san mete.

Yo beni Tanp lan

13Tatenayi, gouvènè pwovens ki lòt bò larivyè Efrat la, Cheta-Boznayi ak lòt chèf yo fè sa wa Dariyis te bay lòd fè a san wete san mete. 14Chèf #Esd 5.1,2,13; 7.21 fanmi jwif yo menm rebati Tanp lan san pwoblèm, avèk ankourajman Aje, pwofèt Bondye a, ak Zakari, pitit gason Ido a, t'ap ba yo ak mesay Bondye yo. Se konsa yo fin rebati Tanp lan jan Bondye pèp Izrayèl la te ba yo lòd la, ak jan Dariyis, Siris ak Atagzèsès, tou twa wa peyi Pès la, te ba yo lòd la tou. 15Travay #Estè 3.7 la fini sou twazyèm jou bò mwa fevriye-mas, sou senkyèm lane reny Dariyis. 16Lè #1 Wa 8.63 sa a, tout pèp Izrayèl la, prèt yo, moun Levi yo ak tout rès moun ki te tounen yo fè fèt, yo fè gwo seremoni pou mete Tanp lan apa pou sèvis Bondye. 17Yo #1 Wa 18.31; Esd 8.35 ofri san (100) towo, desan (200) belye mouton, katsan (400) ti mouton pou yo touye pou mete Tanp lan apa pou sèvis Bondye. Yo ofri tou douz bouk kabrit, yonn pou chak branch fanmi pèp Izrayèl la, pou mande Bondye padon pou peche pèp la. 18Apre #Nonb 3.6; 1 Kwo 23.6; 24.1; 2 Kwo 35.5 sa, yo òganize sèvis Tanp Bondye a lavil Jerizalèm. Yo separe prèt yo an divès kategori, yo separe moun Levi yo an divès klas, chak gwoup ak travay pa yo pou yo fè, jan sa ekri nan liv Moyiz la.

Jwif yo fete fèt Delivrans lan

19Katòzyèm #Egz 12.6 jou mwa Nisan an, nan lanne senksankenz (515), jwif ki te tounen sòti nan peyi kote yo te depòte yo a fete fèt Delivrans lan. 20Yo #2 Kwo 30.15; 35.11 te fè yon sèl sèvis pou tout prèt yo ansanm ak tout moun Levi yo pou mete yo nan kondisyon pou fè sèvis Bondye. Yo tout te nan kondisyon pou fè sèvis Bondye: yo touye bèt yo te ofri pou fèt Delivrans lan, yo fè yon sèl seremoni pou tout pèp la, pou prèt parèy yo ak pou yo menm tou. 21Men #Esd 9.1; Ney 9.2; 10.28 moun ki te manje manje Delivrans lan. Se te tout jwif ki te tounen sòti nan peyi kote yo te depòte yo a ansanm ak rès moun pèp Izrayèl yo ki pat janm kite peyi yo men ki te vire do bay vye bagay lòt moun yo t'ap fè nan peyi yo epi ki te vin mete tèt ansanm ak moun ki te tounen yo pou adore Senyè a, Bondye pèp Izrayèl la. 22Pandan #Egz 12.15; 13.6; 2 Kwo 30.21; 35.17; Esd 7.27 sèt jou, yo fete Fèt Pen san ledven an ak kè kontan. Yo te kontan anpil dèske Senyè a te manyen kè wa peyi Lasiri a, #6.22: rwa peyi Lasiri a: Pou di vre, genlè se rwa peyi Pès la yo te vle di, paske lè sa a se li ki t'ap gouvènen tout zòn ki te pou peyi Lasiri a. ki te ankouraje yo anpil nan tout gwo travay yo t'ap fè a pou rebati Tanp Bondye pèp Izrayèl la.

Currently Selected:

Esdras 6: HAT98

Highlight

Copy