Ezekyèl 5

Ezekyèl koupe tout cheve nan tèt li

1Senyè a di mwen ankò:

— Ras #Eza 7.20; Eze 44.20 Adan! Pran yon nepe, file li fè razwa pou fè bab ou epi koupe cheve ou. Lèfini, pran balans peze tout plim cheve ou koupe yo. W'a fè yo fè twa pil menm fòs. 2Lè #Eze 4.1,8; 12.14 y'a sispann sènen lavil la, w'a boule yon premye pil nan mitan lavil la. W'a pran yon dezyèm pil, w'a koupe l ti moso ti moso avèk nepe a pandan w'ap fè tou lavil la pa dèyò. Dènye pil cheve a menm, w'a voye l anlè pou van pote yo ale. Mwen menm, m'a kouri dèyè yo ak nepe mwen. 3W'a #Jer 40.6; 52.16 sere yon ponyen cheve, w'a koud li nan woulèt rad ou. 4Lèfini, w'a pran de twa branch cheve nan sa ou te sere yo, w'a voye yo jete nan dife pou yo boule. Dife a ap gaye nan tout peyi Izrayèl la.

5Men sa Senyè a, Bondye ki gen tout pouvwa, di ankò:

— Gade lavil Jerizalèm! Mwen te mete l kanpe nan mitan latè ak tout lòt nasyon yo bò kote l. 6Men, #Eze 16.47; 38.12 Jerizalèm revolte kont kòmandman ak lòd mwen yo. Li fè pi mal pase lòt nasyon ki bò kote l yo. Moun li yo derefize swiv prensip mwen te ba yo. Yo pa fè sa m te ba yo lòd fè a.

7Se #Eze 11.12 poutèt sa, nou menm moun lavil Jerizalèm, men sa Senyè ki gen tout pouvwa a, di nou: Nou pa swiv lòd mwen yo, nou pa fè sa m te mande nou fè. Konsa, nou fè pi mal pase moun lòt nasyon ki bò kote nou yo. Nou pa menm swiv lòd moun lòt nasyon yo gen lakay yo. 8Se #Eze 11.9; 13.8 poutèt sa, men sa Senyè a, Bondye nan syèl la, di ou: M'ap leve dèyè ou tou, mwen pral pini ou devan tout lòt nasyon yo. 9N'ap #Lam 1.12; Da 9.12; Am 3.2 fè yon bann bagay mwen pa vle wè menm. Se poutèt sa m'ap pini lavil Jerizalèm jan mwen poko janm pini l, jan mwen p'ap janm pini l ankò. 10Se #Det 28.64; Jer 19.9; Lam 2.20 poutèt sa, nan lavil Jerizalèm papa ak manman va manje pwòp pitit yo, pitit va manje papa ak manman yo. M'ap pini nou, m'ap gaye rès moun ki va rete yo toupatou.

11Se #Jer 7.30; Eze 7.20; 11.18 poutèt sa, jan nou konnen mwen vivan vre a, se mwen menm Senyè, Sèl Mèt la, k'ap pale: Paske nou derespekte Tanp mwen an ak tout vye bagay degoutan ansanm ak bann bagay mwen pa vle wè menm nou te fè ladan l yo, mwen fè sèman, mwen menm tou m'ap san pitye pou nou. M'ap voye nou jete, mwen p'ap kite nou yonn chape. 12Pèp #Jer 9.16; Eze 6.11,12 la ap fè twa pòsyon, yon pòsyon pral mouri anba maladi ak grangou nan lavil la, yon lòt pòsyon pral mouri nan lagè lòt bò miray ranpa lavil la. M'ap gaye rès la nan tout direksyon. Lèfini, m'ap kouri dèyè yo ak nepe.

13M'a #Lam 4.11; Eze 16.42; 36.6 tire revanj mwen, m'ap kraze yo dèske yo fè m fè kòlè, m'ap move sou yo jouk mwen pa kapab ankò. Lè sa a, y'a rekonèt se mwen menm Senyè a ki te pale konsa ak yo, paske yo te pouse m fè jalouzi, mwen te fache sou yo jouk mwen pa kapab ankò. 14M'ap #Jer 22.5; Eze 22.4 fè nou tounen yon dezè nan mitan tout lòt peyi yo, yon wont pou moun k'ap pase bò kote nou ye a.

15Lè #Jer 24.9; Eze 14.8; 25.17 m'a fè kòlè a, lè m'a move anpil sou nou an, lè m'a pini nou rèd mare jan mwen te vle l la, m'ap avili nou, m'ap fè nou tounen yon wont. N'a sèvi yon avètisman pou tout nasyon ki bò kote nou yo, y'a sòti pè lè y'a wè sa ki rive nou. Se mwen menm Senyè a ki di sa.

16M'ap #Det 32.23,24; Eze 4.16 koupe viv nou, m'ap kite nou mouri grangou. Nou pral santi doulè grangou a tankou si se flèch yo voye sou nou pou touye nou. 17M'ap #Lev 26.22; Eze 14.15 voye grangou ak bèt nan bwa k'ap touye tout pitit nou yo. Move maladi pral tonbe sou nou, y'ap mete san nou deyò. M'ap voye lènmi vin fè nou lagè. Se mwen menm Senyè a ki pale.

Currently Selected:

Ezekyèl 5: HAT98

Highlight

Copy