Ezekyèl 12

Pwofèt la fè konnen y'ap depòte pèp la

1Senyè a pale avè m ankò, li di m konsa:

2— Ras #Jer 5.21; Eze 2.5; Mat 13.13 Adan! Se nan mitan yon ras moun tèt rèd ou rete. Yo gen je, men yo pa wè. Yo gen zòrèy, men yon pa tande. Paske yo se yon bann ras moun wòklò.

3Kounyeya, ou #Jer 36.3 menm nonm o! Fè pakèt ou tankou yon moun k'ap kouri pou danje. Pati kite peyi a devan je yo gwo lajounen. W'a fè yo tout wè ou ap pati kite kote ou ye a pou ou ale yon lòt kote ou pa janm konnen! Sa ka fè yo rekonèt jan yo gen tèt di. 4Gwo lajounen w'a fè pakèt ou pati, pou yo ka wè ou. Lèfini, kite yo wè ou aswè ap sòti tankou moun y'ap depòte yo. 5Antan y'ap gade ou, w'a fè yon twou nan miray la, w'a pase sòti ladan l ansanm ak pakèt ou a. 6La, #Eze 4.3 devan je yo, w'a mete pakèt la sou zepòl ou, w'a met deyò nan fènwa a. W'a bouche je ou pou ou pa wè kote ou prale. Sa ou pral fè a va sèvi yon siy pou avèti moun pèp Izrayèl yo.

7Mwen fè tou sa Senyè a te ban mwen lòd fè a. Jou sa a, gwo lajounen, mwen fè pakèt mwen tankou yon moun y'ap depòte ta fè l. Nan aswè, mwen fè yon twou ak men m nan miray la, mwen sòti nan fènwa a. Antan tout moun la ap gade m, mwen chaje pakèt mwen sou zepòl mwen, m ale. 8Nan denmen maten, Senyè a pale avè m ankò, li di m:

9— Ras #Eze 24.19 Adan! Lè moun pèp Izrayèl yo, moun tèt kòlòwòs sa yo, va mande ou sa w'ap fè la a, 10w'a #2 Kwo 36.11-13 di yo: Men mesay Senyè Bondye sèl Mèt la voye ba yo. Mesay sa a se va yon avètisman pou chèf lavil Jerizalèm lan ansanm ak pou tout moun pèp Izrayèl ki rete nan lavil la. 11W'a #Eze 24.24 di yo tou sa ou te fè a, se tankou yon avètisman pou sa ki pral rive yo. Yo pral fè yo prizonye, y'ap depòte yo. 12Chèf #2 Wa 25.4; Jer 39.4 k'ap gouvènen yo a pral mete pakèt li sou zepòl li nan fènwa, l'ap chape kò l nan yon twou y'a fè nan miray la pou li. L'ap bouche figi l pou yo pa rekonèt li, li pa menm wè kote l'ap mete pye l. 13M'ap #2 Wa 25.7; Jer 52.11; Eze 17.20 voye privye mwen dèyè li, m'ap pran l ladan l. Lèfini, m'ap mennen l lavil Babilòn nan peyi moun Kalde yo. Men, l'ap mouri nan peyi sa a san li p'ap janm wè l ak je l. 14M'ap #2 Wa 25.5; Eze 5.2,10 gaye tout moun ki te avè l yo, gad pèsonèl li yo ak tout sòlda li yo, y'ap pran kouri nan tout direksyon. Men, m'ap fè lènmi kouri dèyè yo pou touye yo.

15Lè m'a fin gaye yo tout nan mitan lòt nasyon yo, lè m'a fin simaye yo nan divès peyi etranje, lè sa a, y'a konnen se mwen menm ki Senyè a. 16Men, #Eze 6.8 m'ap kite de twa ladan yo chape, yo p'ap touye yo nan lagè, yo p'ap mouri nan grangou, ni anba move maladi. Konsa, lè y'a nan mitan lòt nasyon yo, y'a rakonte jan yo te fè bagay ki derespektan, y'a konnen se mwen menm ki Senyè a.

17Senyè a pale avè m ankò, li di m konsa:

18— Ras #Eze 4.10,11 Adan! Lè w'ap manje, tranble kou fèy bwa. Bwè dlo ou ak kè sote, ak kè sere. 19W'a #Eze 4.16; 7.23 di moun peyi a men mesay Senyè Bondye sèl Mèt la voye bay moun lavil Jerizalèm yo k'ap viv toujou nan peyi a: Y'ap manje ak kè sere, y'ap bwè ak kè sote. Peyi a pral tounen yon savann, p'ap gen anyen ladan l ankò. Tou sa, akòz mechanste moun k'ap viv ladan l yo. 20Yo #Eze 6.6 pral detwi lavil ki plen moun yo. Peyi a ap tounen yon dezè. Lè sa a, y'a konnen se mwen menm ki Senyè a.

Pawòl Bondye te di a pral rive vre

21Senyè a pale avè m ankò, li di m konsa:

22— Ras #Eza 5.19; Eze 11.3; 2 Pyè 3.4 Adan! Poukisa pawoli sa a ap repete nan peyi a: Jou ale, jou vini. Pyès vizyon pa akonpli? 23Kounyeya, di #Eze 7.7,12 yo men mesay Senyè a, Bondye sèl Mèt la, voye ba yo: Mwen pral fè yo sispann repete pawòl sa a. Yo p'ap janm tande l ankò nan bouch moun pèp Izrayèl yo. Di yo: Men jou a rive. Men sa yo te di ki pou rive a pral rive vre! 24Nan #Eze 13.6,7,23 mitan pèp Izrayèl la, p'ap gen moun k'ap fè vizyon pou twonpe moun ankò, p'ap gen pwofèt pou bay manti. 25Se #Eza 13.22; 55.11; Eze 12.2 mwen menm Senyè a ki pral pale ak yo. Sa m'di k'ap rive a, l'ap rive vre. Tande sa byen, bann wondonmon! Anvan nou mouri, sa ap rive. Non, se pa gagay k'ap pran tan ankò pou li rive. Se mwen menm Senyè sèl Mèt la ki di sa.

26Senyè a pale avè m ankò, li di m konsa:

27— Ras #Am 6.3 Adan! Moun Izrayèl yo ap di vizyon w'ap fè yo poko prèt pou rive. Mesaj w'ap bay yo, se pa pou yo. Y'a gentan mouri anvan sa ou di a rive. 28Se poutèt sa, w'a di yo: Men sa Senyè a, Bondye sèl mèt la, voye di yo: Mesay m'ap bay la p'ap pran tan pou l rive vre. Pawòl m'ap di a pral rive. Se mwen menm Senyè a, Bondye sèl Mèt la, ki di sa.

Currently Selected:

Ezekyèl 12: HAT98

Highlight

Copy