2 Wa 13
13
Joakaz, wa peyi Izrayèl
1Joas, pitit wa Okozyas, t'ap mache #2 Wa 10.35 sou venntwazan depi li t'ap gouvènen peyi Jida a lè Joakaz, pitit Jeou, moute wa nan peyi Izrayèl. Li gouvènen pandan disetan nan lavil Samari. 2Men, #1 Wa 12.28-30 li te fè sa ki mal nan je Senyè a, li te lage kò l nan fè menm peche ak Jewoboram, pitit Nebat la, li lakòz pèp Izrayèl la peche tou. Li pat sòti pou l te kite vye chemen sa a. 3Se #Jij 2.14; 2 Wa 8.12; 13.22,24 konsa li fè Senyè a fache sou moun peyi Izrayèl yo. Se sa ki fè Senyè a te lage yo nan men Azayèl, wa peyi Siri a, ak nan men Bennadad, pitit li, anpil fwa. 4Lè #Egz 3.7,9; 2 Wa 14.26; Sòm 78.34 sa a, Joakaz lapriyè nan pye Senyè a. Senyè a reponn li paske li te wè jan wa peyi Siri a t'ap toupizi moun peyi Izrayèl yo. 5Senyè a #Jij 3.9; Ney 9.27 voye yon moun pou sove pèp la. Se konsa, moun peyi Izrayèl yo sòti anba men pèp Siri a. Yo tanmen viv ankò ak kè poze tankou anvan. 6Atousa, #1 Wa 14.16; 16.33 yo pat sispann fè peche fanmi Jewoboram yo te lakòz pèp la te fè. Yo lage kò yo nan fè menm peche yo tou. Estati Astate a te toujou kanpe lavil Samari.
7Lame Joakaz te rete avèk sèlman senkant kavalye, dis cha lagè ak dimil (10.000) sòlda apye, paske wa peyi Siri a te touye tout lòt yo, li te pilonnen yo anba pye l tankou pousyè.
8Rès istwa Joakaz la ansanm ak tou sa li te fè, n'a jwenn yo ekri nan liv Istwa Wa peyi Izrayèl yo. 9Lè Joakaz mouri, yo antere l lavil Samari. Se Joas, pitit gason l lan, ki moute wa nan plas li.
Joas, wa peyi Izrayèl
10Wa Joas t'ap mache sou trannsetan depi li t'ap gouvènen peyi Jida lè Joas, pitit Joakaz la, moute wa peyi Izrayèl. Li gouvènen peyi a pandan sèzan nan lavil Samari. 11Men, li te fè sa ki mal nan je Senyè a, li te lage kò l nan fè menm peche ak Jewoboram, pitit Nebat la, li lakòz pèp Izrayèl la peche tou. Li lage kò l pi rèd ladan l. 12Tout #2 Wa 14.8-15 rès istwa Joas la, tout sa li te fè, jan li te vanyan sòlda lè li t'ap fè lagè ak Amasya, wa peyi Jida a, tou sa te ekri nan liv Istwa Wa peyi Izrayèl yo. 13Lè li mouri, yo antere l menm kote ak lòt wa peyi Izrayèl yo lavil Samari. Se Jewoboram ki moute wa nan plas li.
Lanmò pwofèt Elize
14Elize #2 Wa 2.12 tonbe malad. Se maladi sa a ki te pou pote l ale. Joas, wa peyi Izrayèl la, al wè l. Wa a kriye, li lage kò l sou figi Elize, li di konsa:
— Papa mwen! Papa mwen! Ou menm ki te tankou yon gwo lame pou pran defans peyi Izrayèl la, w'ap mouri vre!
15Elize di li:
— Pran yon banza ak kèk flèch.
Wa a pran yon banza ak kèk flèch.
16Lè sa a, Elize di l konsa:
— Pare ou pou ou tire yon flèch.
Wa a pare. Elize mete men pa l sou men wa a. 17Li di l:
— Louvri fennèt ki bay sou solèy leve a.
Wa a louvri fennèt la. Elize di li:
— Kounyeya tire!
Wa a tire flèch la, lè sa a Elize pale byen fò li di:
— Men flèch Senyè a voye pou bay delivrans lan, flèch ki pral kraze peyi Siri a! Ou pral bat moun Siri yo lavil Afèk jouk ou a fini ak yo.
18Apre sa, Elize di wa a:
— Pran lòt flèch yo!
Wa a pran lòt flèch yo. Elize di li:
— Frape yo atè.
Wa a frape yo atè twa fwa epi li rete. 19Lè sa a, pwofèt la fache sou li, li di l konsa:
— Se pou ou te frape atè a senk fwa osinon sis fwa. Konsa, ou ta bat moun peyi Siri yo jouk ou ta fini nèt nèt ak yo. Kounyeya, ou pral bat yo twa fwa ase.
20Elize #2 Wa 1.1; 3.7 mouri, yo antere l. Chak lanne moun Mowab yo te konn fè bann pou vin fè piyay nan peyi Izrayèl la. 21Yon lè moun peyi Izrayèl yo ta pral antere yon moun mouri, yo wè yonn nan bann moun Mowab yo, yo prese lage kadav la nan tonm Elize a epi yo met deyò. Kadav la al tonbe sou zosman Elize yo. Lamenm, mò a leve vivan, li kanpe sou de pye l.
22Azayèl, #2 Wa 8.12 wa peyi Siri a, te maltrete pèp peyi Izrayèl la pandan tout reny Joakaz. 23Men, #Egz 2.24,25; 32.13; 2 Wa 14.27; 17.20,23 Senyè a te aji byen ak moun peyi Izrayèl yo, li te gen pitye pou yo. Li pat kite moun fini ak yo, li te ede yo poutèt kontra li te pase ak Abraram, Izarak ak Jakòb. Li pa janm bliye pèp li a, jouk lè sa a.
24Lè Azayèl, wa peyi Siri a, mouri, se Bennadad, pitit li, ki moute wa nan plas li. 25Wa #2 Wa 10.32; 14.25; Am 1.4 Joas, pitit gason Joakaz la, repran nan men Bennadad tout lavil Azayèl te pran yo lè li t'ap fè lagè ak Joakaz la, papa l. Joas bat Bennadad an twa fwa, li reprann tout lavil peyi Izrayèl yo nan men l.
Currently Selected:
2 Wa 13: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
