2 Kwonik 22
22
Okozyas, wa peyi Jida
(2 Wa 8.25-29)
1Yon bann arab te anvayi kan lame a, #2 Wa 8.24-29 yo #2 Kwo 21.16,17 te touye tout gran pitit gason Joram yo. Sèl Okozyas, dènye pitit gason l lan, te rete. Se konsa pèp Jerizalèm lan fè Okozyas wa nan plas papa l.
2Okozyas #2 Kwo 21.6 te gen venndezan #22.2: venndezan: Dapre kèk ansyen vèsyon ak dapre 2 Wa 8.36, men tèks ebre a bay karanndezan. lè li moute wa. Li gouvènen lavil Jerizalèm pandan yon sèl lanne. Manman l te rele Atali, pitit fi Akab, pitit pitit fi Omri. 3Okozyas tou te mache pye pou pye dèyè moun fanmi Akab yo, paske manman l t'ap ba li move konsèy. 4Li fè sa ki mal nan je Senyè a paske, apre lanmò papa l, se lòt moun fanmi Akab yo ki vin sèvi tankou konseye wa a. Se sa ki pèdi l nèt. 5Li koute konsèy yo, li mete tèt ansanm ak Joram, pitit pitit Akab, wa peyi Izrayèl la, pou al atake Azayèl, wa peyi Siri a. Lame yo kontre yonn ak lòt lavil Ramòt nan peyi Galarad. Moun Siri yo blese Joram. 6Joram tounen lavil Jizreyèl pou l te refè anba blese li te pran nan batay li t'ap mennen kont Azayèl, wa peyi Siri a, lavil Ramòt. Lè sa a, Okozyas moute lavil Jizreyèl pou l vizite Joram, pitit pitit Akab, paske Joram te malad.
Jeou touye Okozyas
(2 Wa 9.27-29)
7Se #2 Wa 9.6,7,21 Bondye ki te fè Okozyas al rann Joram vizit sa a pou l te ka kraze l. Rive Okozyas rive, li pati ansanm ak Joram al kontre Jeou, pitit gason Nimchi a, yon moun Bondye te chwazi pou disparèt tout fanmi Akab la. 8Se #2 Wa 10.11-14 konsa, pandan Jeou t'ap regle ak fanmi Akab la, li kontre kèk chèf peyi Jida ak ti fanmi wa Okozyas yo ki t'ap sèvi nan lame Okozyas la. Li touye tout. 9Apre #2 Wa 9.27,28; 2 Kwo 17.4 sa, li mande pou yo chache Okozyas ki te kache nan peyi Samari a. Yo jwenn li, yo mennen l bay Jeou ki fè yo touye l. Apre sa, yo antere kadav li, paske yo t'ap di se pitit pitit Jozafa ki te fè sa l kapab pou l sèvi Senyè a.
Se konsa pat rete pèsonn nan fanmi Okozyas la ki te ka pran pouvwa a pou gouvènen.
Atali pran pouvwa nan peyi Jida
(2 Wa 11.1-3)
10Lè #2 Wa 11.1-3 Atali, manman Okozyas, vin konnen yo te touye pitit li a, li bay lòd pou yo touye tout rès fanmi wa peyi Jida yo. 11Men, lè yo t'ap touye pitit wa yo, Jozabèt, pitit fi wa Joram lan, pran Joas, pitit gason Okozyas la, li sere l. Li kache l ansanm ak moun ki te sèvi l nouris la nan yon chanm kote moun dòmi nan Tanp lan. Se konsa, Jozabèt, pitit fi wa Joram lan, sè menm papa ak Okozyas, epi ki te madanm Jeojada, prèt la, te sere Joas san Atali pa konn sa, kifè li pat mouri tou. 12Pandan sizan Joas te rete kache nan Tanp lan ansanm ak moun ki te sèvi l nouris la. Atali menm t'ap gouvènen peyi a.
Currently Selected:
2 Kwonik 22: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.