1 Samyèl 9
9
Sayil kontre ak Samyèl
1Te gen yon nonm nan branch fanmi #1 Sam 14.51; 1 Kwo 8.33 Benjamen an yo te rele Kich. Se te pitit Abiyèl, pitit pitit Zewò ki te pitit Bekora, pitit pitit Afya. Kich te yon grannèg. 2Li #1 Sam 10.23; 16.12 te gen yon pitit gason ki te rele Sayil, yon bèl gason byen kanpe. Pat gen moun nan pèp Izrayèl la ki te pi bèl pase l. Li te pi wo pase yo tout.
3Kich te gen manman bourik li yo ki te pèdi. Li di Sayil konsa:
— Pran yonn nan esklav mwen yo avè ou, al bouske bourik yo pou mwen.
4Yo mache nan tout mòn Efrayim yo ak nan tout peyi Chalicha a, men yo pa jwenn bourik yo. Y'ale nan tout peyi Chaalim lan, yo pa jwenn yo. Y'ale nan tout peyi Benjamen an, yo pa jwenn yo. 5Lè #1 Sam 10.2 yo rive nan peyi Souf, Sayil di domestik ki te avè l la:
— Ann tounen lakay pou papa m pa gen tèt chaje pou nou jouk pou l ta rive bliye bourik li yo.
6Domestik #Det 33.1; 1 Sam 3.19; 1 Wa 13.1 la reponn li:
— Gen yon bon sèvitè Bondye nan lavil sa a. Se yon nonm tout moun respekte paske tou sa li di rive vre. Ann al jwenn li. Ou pa janm konnen, li ka di nou kote pou n ale pou n jwenn bourik yo.
7Sayil #Nonb 22.7; 1 Wa 14.3; 2 Wa 4.42; 5.15; 8.8 di domestik la:
— Dakò! Nou pral jwenn li. Men, kisa pou nou pote ba li? Nou pa gen pen ankò nan ralfò nou. Nou pa gen anyen pou n fè sèvitè Bondye a kado.
8Domestik la reponn li:
— Mwen gen yon ti pyès ajan sou mwen, m'a ba li l. L'a di nou kote n'a jwenn yo.
9Nan #Jen 25.22; 2 Sam 15.27; 2 Wa 17.13; 1 Kwo 29.29; Eza 30.10 tan lontan, lè yon moun te bezwen mande Bondye kichòy, li te konn di: Ann al kay divinò a, paske lè sa a se konsa yo te konn rele pwofèt Bondye yo.
10Sayil di domestik li a:
— Sa ou di a bon wi! Ann ale!
Se konsa y'ale nan lavil kote sèvitè Bondye a te ye. 11Pandan #Jen 24.11 yo t'ap moute ti pant ki mennen lavil la, yo kontre ak kèk jenn fi ki t'ap sòti lavil la pou y'al nan dlo. Yo mande medam yo:
— Eske divinò a la nan lavil la?
12Jenn #1 Sam 10.5; 16.2; 20.29; 1 Wa 3.2-4 fi yo reponn:
— Li la wi. Gade, men li la devan ou lan. Fè vit, li fenk rive lavil la, paske jòdi a se jou pou moun yo al touye bèt pou Bondye sou lotèl ki sou ti mòn lan. 13Rive n'a rive lavil la, n'a jwenn li anvan l'al manje sou ti mòn lan. Pèp la p'ap manje toutotan li pa rive, paske se li ki pou beni ofrann bèt la anvan. Lè li fini, moun yo envite yo va manje. Prese ale kounyeya pou nou ka jwenn li.
14Se konsa yo moute ale lavil la. Antan yo t'ap antre lavil la, yo wè Samyèl ki t'ap vin devan yo, sou wout pou l'al sou mòn lan.
15Men, #1 Sam 15.1 lavèy jou Sayil rive lavil la, Senyè a te fè Samyèl yon revelasyon. Li te di l konsa:
16— Denmen, #Egz 2.25; 3.7,9; 1 Sam 10.1; Tra 10.19-20 vè lè konsa, m'ap voye yon moun ki sòti nan peyi Benjamen an bò kote ou. W'a vide lwil sou tèt li, w'a mete l apa pou l chèf pèp mwen an, chèf pèp Izrayèl la. Se li ki va delivre pèp mwen an anba men moun Filisti yo. Mwen wè jan pèp la ap soufri, mwen tande jan y'ap rele mande sekou.
17Lè #1 Sam 16.12 Samyèl wè Sayil, Senyè a di l konsa:
— Men nonm mwen t'ap pale ou la. Se li ki pral gouvènen pèp mwen an.
18Sayil mache sou Samyèl ki te toupre pòtay la. Li mande l:
— Tanpri, moutre m kay divinò a.
19Samyèl reponn li:
— Se mwen menm divinò a! Pran devan m, moute sou mòn lan. W'a manje avè m jòdi a. Denmen maten, m'a reponn tout kèsyon ou gen sou kè ou. Apre sa, m'a kite ou al fè wout ou. 20Kanta #1 Sam 9.3; 10.16 manman bourik ou te pèdi depi twa jou yo, ou pa bezwen bat kò ou, paske yo jwenn yo deja. Men, ki moun pèp Izrayèl la ap chache li menm? Se pa ou menm ak tout fanmi papa ou yo?
21Sayil #Jij 6.15; 20.46; 21.6; 1 Sam 15.17; Sòm 68.27 reponn li:
— Mwen se moun branch fanmi Benjamen an, yonn nan pi piti branch fanmi nan pèp Izrayèl la. Lèfini, fanmi pa m lan, se li ki pi piti nan tout fanmi Benjamen yo. Poukisa w'ap di m tout bagay sa yo?
22Samyèl pran Sayil ansanm ak domestik li a, li fè yo antre nan gwo pyès kay la, li fè yo chita nan premye plas bò tab la ansanm ak tout envite yo. Te gen trant gason konsa yo te envite. 23Epi Samyèl di chèf kizin lan:
— Pote moso vyann mwen te ba ou mete apa pou mwen an.
24Chèf #Egz 29.22,27; Lev 7.32,33; Eze 24.4 kizin lan pran jigo a avèk tout vyann ki te avè l la, li mete l devan Sayil. Samyèl di li:
— Gade, men moso yo te sere pou ou a. Manje l, paske se pou ou mwen te fè mete l apa lè mwen t'ap envite pèp la.
Se konsa Sayil manje ansanm ak Samyèl jou sa a. 25Apre #Tra 10.9 sa, yo desann sòti sou mòn lan, y'al lavil la. Yo ranje yon kabann pou Sayil sou teras ki anwo kay la. 26Nan denmen yo leve byen bonè.
Samyèl konsakre Sayil wa
Lè bajou kase, Samyèl rele Sayil sou teras la:
— Leve non. Mwen pral voye ou ale lakay ou.
Sayil leve, epi yo tou de yo sòti nan lari a ansanm. 27Lè yo rive sou limit lavil la, Samyèl di Sayil konsa:
— Di domestik ou a pran devan nou.
Domestik la pran devan, epi Samyèl di Sayil ankò:
— Ou menm, rete la yon ti moman pou m ka fè ou konnen sa Senyè a di.
Currently Selected:
1 Samyèl 9: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
