1 Kwonik 26

Gad pòtay Tanp lan

1Men jan yo te separe travay la pou moun Levi ki t'ap sèvi tankou gad nan pòtay Tanp lan. Nan branch fanmi Kore a, te gen Mechelemya, pitit gason Kore a ki te yon pitit Ebyasaf. 2Mechelemya #1 Kwo 9.21 te gen sèt pitit gason: Zakari pi gran an, Jedyayèl dezyèm lan, Zebadya twazyèm lan, Jatniyèl katriyèm lan. 3Elam senkyèm lan, Joanan sizyèm lan ak Elyoenayi setyèm lan.

4Te #1 Kwo 16.38 gen Obèd-Edon tou. Bondye te beni l, li te ba li wit pitit gason: Chenaja premye a, Jeozabad dezyèm lan, Joa twazyèm lan, Saka katriyèm lan, Netaneyèl senkyèm lan. 5Amiyèl sizyèm lan, Isaka setyèm lan ak Peoultayi uityèm lan.

6Chemaja, premye pitit Obèd-Edon an, te gen sis pitit gason: Se yo ki te chèf nan branch fanmi yo paske yo te vanyan sòlda ak anpil ladrès. 7Men non pitit Chemaja yo: Otni, Refayèl, Obèd, Elzabad, Eliyou ak Semakya. De dènye yo te vanyan sòlda. 8Se tout fanmi Obèd-Edon an sa ansanm ak pitit yo ak frè yo. Yo tout te vanyan sòlda ak anpil ladrès pou fè travay yo. Te gen swasannde moun antou nan fanmi Obèd-Edon an.

9Nan fanmi Mechelemya a, te gen antou dizwit gason, tout vanyan sòlda.

10Nan #Jen 48.13-20; 1 Kwo 16.38 branch fanmi Merari a te gen Oza ki te gen kat pitit gason: Se te Chimri ki te chèf fanmi an. Se pa li ki te premye pitit gason, men se papa l ki te mete l chèf fanmi an. 11Ilkija dezyèm lan, Tebalya twazyèm lan, Zakari katriyèm lan. Sa te fè antou trèz frè ak pitit gason nan fanmi Oza a.

12Travay gwoup moun sa yo se fè pòs nan pòtay Tanp lan. Yo te bay chak gwoup travay pa yo nan sèvis Tanp lan, tankou yo te fè l pou lòt moun Levi yo. 13Chak fanmi, gwo kou piti, fè tiraj pou konnen nan ki pòtay y'ap fè travay yo. 14Chelemya sòti pou pòtay ki bay sou solèy leve a. Pòtay nò a sòti pou Zakari, pitit gason l lan, ki te konn bay moun bon konsèy. 15Pòtay sid la sòti pou Obèd-Edon. Pitit gason l yo te gen depo yo sou kont yo. 16Pòtay solèy kouche a ak pòtay Chalechèt ki bay sou chemen ki moute a te sou kont Choupim ak Oza. Chak faksyonè, yonn apre lòt, te genlè sèvis pa yo. 17Chak jou, te gen sis gad pou pòtay bò solèy leve a, kat gad pou pòtay nò a, kat gad pou pòtay sid la ak de gad pou chak depo yo. 18Pou pòsyon kay ki bay sou solèy kouche a, te gen kat gad pou wout la ak de gad pou pòsyon kay la menm. 19Men travay yo te bay moun fanmi Kore yo ak moun fanmi Merari yo.

Lòt travay moun Levi yo

20Gen #1 Kwo 28.12; Ney 10.38 lòt moun Levi yo te mete reskonsab trezò Tanp lan ak depo kote yo mete tout bagay ki apa pou Bondye yo. 21Layedan, #1 Kwo 29.8 yonn nan pitit Gèchon yo, te zansèt anpil fanmi. Yonn ladan yo te fanmi Jekiyèl yo. 22Pitit #1 Kwo 23.8 Jekiyèl yo ak pitit frè l yo, Zetam ak Jowèl, te reskonsab trezò Tanp Senyè a.

23Yo #1 Kwo 23.12 te bay pitit Amram yo, pitit Isa yo, pitit Ebwon yo ak pitit Ouzyèl yo travay pa yo tou. 24Chebwèl, #1 Kwo 23.16 yonn nan fanmi Gèchòm, pitit gason Moyiz la, te premye reskonsab trezò Tanp lan. 25Sou #1 Kwo 23.17,18; 24.21 bò Elyezè, tonton li, li te fanmi ak Rekabya, pitit Elyezè a, ki te papa Jezaja. Jezaja sa a te papa Joram, Joram te papa Zikri, Zikri te papa Chelomit. 26Se #2 Sam 8.11 Chelomit sa a ansanm ak fanmi l yo ki te reskonsab depo tout bagay wa David, chèf fanmi yo, kòmandan rejiman mil sòlda yo, kòmandan divizyon san sòlda yo ak tout lòt gwo chèf nan lame a te mete apa pou Senyè a. 27Nan bagay yo te pran nan lagè, yo te mete kèk ladan yo apa pou fè Tanp lan pi bèl. 28Te gen bagay Samyèl, pwofèt la, wa Sayil, pitit gason Kich la, Abnè, pitit Nè a, ak Joab, pitit Sewouya a, te mete apa pou sèvis Bondye. Tou sa te sou kont Chelomit ak fanmi l yo.

Travay lòt moun Levi yo

29Nan #Det 16.18; 1 Kwo 23.4; Ney 11.16 branch fanmi Jizeya a, te gen Kenanya ak pitit gason l yo ki te reskonsab travay ki fèt an deyò Tanp lan pou pèp Izrayèl la. Se yo ki te kenbe tout papye konsekan yo, epi ki te rann jijman nan tribinal.

30Nan branch fanmi Ebwon an, te gen Asabya ak fanmi l yo, antou milsètsan (1.700) vanyan gason ki te reskonsab enspekte zòn peyi Izrayèl ki te sou bò solèy kouche larivyè Jouden an, pou wè si tout bagay ki gen rapò ak sèvis Senyè a ansanm ak zafè wa a t'ap mache byen. 31David #1 Kwo 6.81; 24.23 te gen karantan depi li te wa, lè yo mennen yon ankèt nan branch fanmi Ebwon an. Lè sa a, yo jwenn te gen anpil vanyan sòlda nan fanmi sa a ki t'ap viv lavil Jazè nan zòn Galarad. Chèf fanmi Ebwon an te rele Jerija. 32Nan #2 Kwo 19.11 fanmi an, te gen antou demilsètsan (2.700) vanyan gason ki te chèf fanmi yo. Wa David te mete yo reskonsab branch fanmi Riben lan, branch fanmi Gad la ak mwatye nan branch fanmi Manase a ki t'ap viv lòt bò larivyè Jouden sou bò solèy leve, pou wè si tout bagay ki gen rapò ak sèvis Bondye ansanm ak zafè wa a t'ap mache byen.

Currently Selected:

1 Kwonik 26: HAT98

Highlight

Copy