ᐊᐸᔅᑕᓚᒡ ᑖᓐ ᐁ ᐃᔑ ᐋᔨᒨᑌᒡ ᐅᑕᐦ ᐆ ᒪᓯᓇᐦᐄᑲᓐ
ᑖᓐ ᐁ ᐃᔑ ᐋᔨᒨᑌᒡ ᐅᑕᐦ ᐆ ᒪᓯᓇᐦᐄᑲᓐ
ᐆ ᒪᓯᓇᐦᐄᑲᓐ ᐊᐸᔅᑕᓚᒡ ᑳ ᐃᔑᓂᐦᑳᑌᒡ ᐁᐅᒄ ᐅᔫ ᐁ ᐊᑎ ᐋᓂᔅᒉᐸᔨᐦᑖᑦ ᓗᒃ ᐅᑎᐹᒋᒧᐎᓐ᙮ ᒌ ᒪᓯᓇᐦᐄᑲᓅ ᐆ ᒪᓯᓇᐦᐄᑲᓐ ᒉᒌ ᒋᔅᒉᔨᐦᑕᒧᐦᒄ ᑖᓐ ᑳ ᐃᐦᑎᑣᐤ ᐊᓂᒌ ᓃᔥᑕᒻ ᑳ ᑖᐺᐦᑕᐦᒀᐤ ᒥᔻᒋᒧᐎᓂᔫ ᑲᔦ ᑖᓐ ᑳ ᐃᔅᐸᔨᔨᒡ ᐌᑖᒡ ᒉᒌ ᐊᑎ ᒥᐦᒉᑎᑣᐤ᙮ ᐐᐦᑕᒻ ᓗᒃ ᑖᓐ ᑳ ᐃᔥᐱᔥ ᒋᔑᐸᔨᔨᒡ ᐁ ᒥᔑᐦᑌᐸᔨᔨᒡ ᒌᓴᔅ ᐅᒥᔻᒋᒧᐎᓐ᙮ ᐋᔨᒨᑌᐤ ᓃᔥᑕᒻ ᑳ ᐯᒋ ᐃᑕᔓᐌᑦ ᑳ ᐸᓓᑭᓰᑦ ᐊᐦᒑᒄ ᑲᔦ ᑖᓐ ᑳ ᐃᔑ ᐋᐸᑎᓰᑦ ᐱᒫᑎᓰᐎᓂᐦᒡ ᐊᓂᔫᐦ ᐊᑆᓴᓪᐦ ᐅᐦᒋ᙮ ᐊᓐᒌ ᐊᐸᔅᑕᓚᒡ ᑳ ᐃᔑᓂᐦᑳᑖᑲᓅᑣᐤ ᑎᐹᒋᒫᑲᓅᒡ ᐅᑕᐦ᙮ ᓃᔓ ᒫᒃ ᐊᓂᒌ, ᐁᐅᒄ ᐲᑕᕐ ᐁᒄ ᒫᒃ ᑆᓪ ᐁᐅᑯᓂᒡ ᒋᐦᒋᐌ ᑌᐹᒋᒫᑲᓅᑣᐤ᙮ ᑎᐹᒋᒨ ᑲᔦ ᓗᒃ ᑖᓐ ᑳ ᐃᔑ ᒫᒥᔥᑳᒡ ᐃᔅᐸᔨᔨᒡ ᑳ ᐸᐹᐐᒉᐙᑦ ᑆᓪ᙮ ᐁᑯᑦ ᐆ ᐙᐦᑖᑯᒡ ᑳ ᐋᓂᔅᒉ ᐐᐦᑕᒧᐙᑲᓅᑣᐤ ᐊᓐᒌ ᐁᑳ ᒎᐗ ᑳ ᐃᑎᔅᑳᓀᓯᑣᐤ ᒥᔻᒋᒧᐎᓂᔫ ᐃᔅᑯᑕᒃ ᐁᑳ ᐙ ᐅᑎᓇᒥᔨᒡ ᐊᓂᔫ ᒎᐗ ᐄᓅᐦ᙮
Currently Selected:
ᐊᐸᔅᑕᓚᒡ ᑖᓐ ᐁ ᐃᔑ ᐋᔨᒨᑌᒡ ᐅᑕᐦ ᐆ ᒪᓯᓇᐦᐄᑲᓐ: JBCNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and Canadian Bible Society, 2001.