Iyohaichish 55
55
55. Iyohaichish.
Shinotcha esapane guru gusu; ka oma arektep. Dabid kara Maskir.
1AA Kamui, ku ki inonno-itak nu wa en kore; Iteki ku koramkorobe otta yainuina wa en kore.
2En orun ikokanu bine ese wa en kore.
Ku iunin wa gusu shini eaikap, orowa, ku nuwap;
3En epokba guru koro hawe gusu,
Wen utara en ramushitnere gusu ne na;
Nei utara en kashiketa irarape omare,
Irushka wa en keshke ruwe ne gusu ne na.
4En onnaigeta ku keutum anak ne iunin,
Rai-i gusu ku ishitoma ruwe ne.
5Ku kimatek wa ku tusushke,
Ishitoma ambe en kamure ruwe ne.
6Orowa, kusuwep nei no tekkup ku gorohumi, sekoro ku ye nisa!
Yakun, ku hopuni wa arapa hine, ku shini kusu ne na.
7Tuima no an ushike orun ku arapa wa,
Nup otta ku reushi kusu ne na. [Sera.]
8Yupke rera newa itasayupkep gusu,
Tunashino ayaishishire ushi orun ku arapa.
9Aa Utarapa, nei utara isamka wa koro parumbe pereba wa en kore:
Nei machiya otta niwen iki ambe newa sakayo ku nukan nisa ruwe ne gusu ne na,
10Tokap-to ta hene kunne-to ta tane nei utara anak ne machiya tumama kata paye:
Wen-buri newa irarape anak nei oshiketa okai ruwe ne.
11Wen-buri anak ne nei oshiketa an:
Chinishteramukorep newa shungep anak ne koro machiya un ru wano shomo paye.
12En kosakayokara guru anak ne en epokba guru shomo ne;
Nei no ne yakun yaishiporore eashkai:
Shui, en epeka no yaiporore gurʼ anak ne en etunne guru shomo ne;
Nei no ne yakun, shinuma otta ku yainuina kusu ne na.
13Koroka, eani ne, en eirepak ainu ne,
En tura no an guru, ku ikateomare nimaraha ne ruwe ne.
14Ukoiram no chi utara ramuhauge ukoramkoro shiriki okai,
Awa, inne utatʼ tura no Kamui kora kenru orun apkash nisa ruwe ne.
15Ekushkonna rai ambe anak ne nei utara otta hetukure,
Shiknu rapoketa Sheo orun arangere yan:
Inambe gusu ne yakun, wenbe anak ne nei oshiroma-i ta an, nei onnaigeta an ruwe ne gusu ne na.
16Koroka, kuani anak Kamui otta ku konishuk kusu ne:
Aige, Ehoba anak ne en kashiobiuki kusu ne na:
17Onuman hene, kunneiwano hene, tokap noshiketa hene, ku oroman wa nuwap ku ki kusu ne:
Orowa, shinuma ku hawe nu kusu ne na.
18Tumi ku goro ita anak ne, Shinuma itomo sange wa ku ramat kikiraye nisa ruwe ne;
Inne utara en kopiuki nisa ruwe ne gusu ne na.
19Kamui anak ne nu wa anrapokikara ki kusu ne,
Shinuma fushko wano an ap ne, [Sera.]
Nei utara chiitasare shomoki,
Kamui ko-oripak shomoki ruwe ne.
20Nei guru anak ne itomo koro guru kopiuki gusu teke turi nisa;
Aki uitaknup koatcha nisa ruwe ne na.
21Koro paroho anak ne kiripu korachi teshnatara ruwe ne,
Koroka, keutum ta tumi an:
Koro itak anak ne shum kasu no hapuru ruwe ne,
Yakka, aetaye an rangetam nepkoro ne ruwe ne na.
22Ehoba kata e koro ashikerep omare, yakun, Shinuma echi koshiratki kusu ne:
Oupeka utara ramma pakno shomo amoimoyegere kuni ne Shinuma ki kusu ne na.
23Koroka Aokai, Aa Kamui, nei utara aisamka kuni ne nei shui oro range kusu ne:
Kemnure rusui newa shungep ki utara anak ne shiknu kuni toho nimara pakno shomo okai kusu ne;
Koroka, kuani anak ne Aokai orun yaikopashte kusu ne na.
Currently Selected:
Iyohaichish 55: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
