Iyohaichish 48
48
48. Iyohaichish.
Shinotcha; Kora polio kara Iyohaichish.
1CHIKORO Kamui koro machiya otta, koro ashkanne nupuri otta,
Ehoba anak ne pase ne, shi no aramye kunip ne.
2Zion nupuri matneau kotoro,
Poro Sapanep koro machiya,
Bi wa eram asu, moshirʼ ebitta nupetnerep ne ruwe ne na.
3Kamui anak ne nei chashi orota
Ri ushike ne sekoro yaikota yaieamkirire nisa ruwe ne.
4Ingara yan, moshiri esapane utara anak ne yaiuwekarapare,
Ukoiram no isam ne ruwe ne na.
5Nei utara nei ambe nukara wa iyokunnure:
Kimatek wa ara ishitoma nisa ruwe ne na.
6Nei utara anak ne toan ita tusushke,
Tane po koro shiwentep nei no iunin nisa ruwe ne.
7Menash ari,
Aokai anak ne Tarshish un chip wende ruwe ne.
8Inne topaha utara koro Ehoba koro machiya otta, chikoro Kamui koro machiya otta,
Anu korachi chi nukan nisa:
Ramma pakno Kamui nei ambe ashte kusu ne na. [Sera.]
9Aa Kamui, E kot chisei ta,
Chi utara anak ne E koro omap-an-ramuhauge-hi esanniyo ash nisa ruwe ne na.
10Aa Kamui, E reihei korachi,
Moshiripa pakno moshirigesh pakno Aokai ramuayere na:
E koro shimon tek anak oupeka-i ani eshik ruwe ne.
11E koro esanniyo-hi gusu,
Zion nupuri yaikopuntek yan,
Yuda koro matne-po nupetne yan.
12Shinuma okari ta apkash wa,
Nei ri ushike pishki yan.
13Hetuku kushki ainu ikiri orota anure kuni gusu,
Koro chashi pirika no ingara,
Koro tumbu esanniyo yan.
14Inambe gusu ne yakun, tan Kamui, tan chikoro Kamui anak ne otusashuishiri wano, otusashuishiri pakno an Kamui ne:
Shinuma anak ne ramma pakno un tura kusu ne na.
Currently Selected:
Iyohaichish 48: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
