Iyohaichish 45
45
45 Iyohaichish.
Shinotcha esapane guru gusu; Shoshannim orota; Kora poho karape: Maskir. Omap oma shinotcha.
1PIRIKAP okai gusu ku keutum purupuruge ruwe ne:
Esapane guru gusu ku karape ku ye kusu ne:
Ku parumbe anak ne chashnu no nuye guru koro nuyep ne ruwe ne.
2Utara poho kasu no Aokai anak ne shiretok korobe ne;
E koro papush wano irenga aechikiki ruwe ne:
Tambe gusu Kamui anak ne ramma pakno e nunuke nisa ruwe ne na.
3Aa kiroro-ashnu guru, e om kata rangetam kutpokechiu yan,
E koro nupeki e koro araguru sange yan.
4E koro sonep newa ramurotcha ambe newa oupeka ambe gusu,
Chitomte no o wa paye hine annokara ki yan:
Yakun, E koro shimon-tek anak ne ashitomap aepakashnu kusu ne na.
5E koro ai eenbe ne,
E choropoketa utara hachiri wa okai ruwe ne;
Esapane guru epokba utara koro sambe otta eenbe ne.
6Aa Kamui, E koro amset anak ne otusashuishiri wano otusashuishiri pakno an ambe ne:
Aokai esapane kuni mondum anak ne oupeka mondum ne ruwe ne.
7Aokai anak ne oupekap omap wa, wenbe etunne nisa ruwe ne;
Tambe gusu, Kamui anak ne, E koro Kamui anak, E tura no okai utara akkari wa,
Yaikopuntek an shum ani E kashiota nisa ruwe ne.
8Obitta no okai E koro mipihi anak ne motsuyaku newa, rokwai newa, nikkei newa gusu hura an ruwe ne;
Zōge ani akara chashi ta okai ka oma arektep e yainuchattekka nisa ruwe ne.
9E koro aeoripak an shiwentep utara tumugeta, Moshiri esapane matne po okai ruwe ne:
E shimon-tek samata Opir un kongani ani amire wa an Moshiri esapane guru koro shiwente guru ash ruwe ne.
10Aa matne po, inu yan, yaikoshiramse yan, kisattarara yan;
Koro utara newa, koro michi kot chisei oira yan;
11Yakun, Esapane guru anak ne e shiritokbe kon rusui:
Shinuma anak ne e koro Utarapa ne; Shinuma orun ko-ongami yan.
12Orowa, Turos koro matne po ayangep koro wa an;
Utara tumugeta okai oteknu utara ne yakka e koro irenga koramkoro kusu ne na.
13Chashi ta okai Esapane guru koro matne po shiritomte ne:
Kongami ari koro mipihi akan na.
14Shinuma anak ne chikarakarabe ani ami wa Esapane guru orun atura kusu ne:
Shinuma osh paye tura no okai hoku sak mat utara E orun atura kusu ne na.
15Nupetne wa yainuchattek hine nei utara atura kusu ne:
Moshiri esapane guru koro chashi orota ahup kusu ne.
16Echi koro ekashi shirine koro poho utara ani
Moshiri ebitta esapanere utara ne akara kusu ne na.
17Obitta no okai ainu ikiri tumugeta e kon reihei ku eshkarunde kusu ne:
Tambe gusu, ramma pakno moshiri uirup anak ne E koiramye kusu me na.
Currently Selected:
Iyohaichish 45: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
