Iyohaichish 42
42
42. Iyohaichish.
Shinotcha esapane guru gusu: Kora poho koro Maskir.
1APKA anak ne nai oma ushike eyaikatekara korachi,
Aa Kamui, ku ramat anak ne Aokai gusu eyaikatekara ruwe ne.
2Ku ramat anak ne Kamui gusu, ishu Kamui gusu, eyaikatekara shiri ki:
Hembara kuani ek wa Kamui kotchaketa anukara ya?
3Tokap to ta hene kunne to ta hene ku nupe anak ne ku aep ne,
Nei utara to ebitta en orun ene ye-hi: —E koro Kamui neita an a?
4Kuani anak ne nupetne newa reika hau koro hine shini wa topaha utara tura,
Uwatte no an utara tura, Kamui kora kenru orun ku arapa nisa ruwe ne ambe,
Tap okaibe ku eshikarun wa ku oshike un ramat ku ohetke ruwe ne na.
5Aa ku kon ramat, nep gusu eani anak ne oknatara ya?
Nep gusu en onnaigeta ramu-kittarage ruwe he an?
Kamui gusu chipachipa yan: Shinuma ku ko-yai-iraige ki kusu ne gusu ne ne na,
Shinuma anak ne ku iporo pirikare Kamui ne.
6Aa ku goro Kamui, en onnaigeta an keutum anak ne oknatara ruwe ne:
Tambe gusu, Yorodan kotan wano hemhem, Hermon wano hemhem,
Nei pori nupuri wano hemhem, kuani E eshikarun ruwe ne na.
7E koro puira humi gusu ooho ushi anak ne ooho-i orun hawe ashte ruwe ne:
Obitta no okai E koro riri, E koro poro wakka, en kamure ruwe ne.
8Yakka, Ehoba anak ne tokap-to ta koro omap-an-ramuhauge-i sange kusu ne,
Orowa, kunne-to ta shinuma koro shinotcha ku ki wa
En shiknure Kamui orota inonno-itak ku ki kusu ne na.
9Ku goro Watara ne Kamui otta ene ku ye-bi: — Hemanda gusu en oira ya?
Nep gusu en epokba guru en keshke hine ku yaituwashkarap shiriki?
10Ku pone orota rangetam aomare korachi en ramushitnere utara en pashirota ruwe ne;
Ramma-kane en orun, e koro Kamui nei ta an a? ari itak na.
11Aa ku kon ramat, nep gusu e oknatara ya?
Nep gusu en onnaigeta ramu-kittararage ruwe he an!
Kamui gusu chipachipa yan: Shinuma ku koyaiiraige ki kusu ne gusu ne na;
Shinuma anak ne ku iporo pirikare ku goro Kamui ne ruwe ne.
Currently Selected:
Iyohaichish 42: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
