Iyohaichish 31
31
31. Iyohaichish.
Shinotcha rekte esapane guni gusu; Dabid kara iyohaichish.
1AA Ehoba, Aokai gusu ku eyaikopashte; ramma pakno iteki a en yainikoroshmare kuni ne kara wa en kore.
E koro oupeka irenga sange wa en honnere wa en kore.
2E koro kisara en orun atte hine tunashino en kashiobiuki wa en kore:
Aokai anak ne ku goro tumashnu watara, en kaobiuki gusu an chashi ne kuni yaikara wa en kore.
3Aokai anak ne ku watara ne, ku chashi E ne;
Tambe gusu E reihei rengap gusu en ani hine en epakashnu wa en kore.
4Nei utara nuina no en gusu are ya orowa no en etaye wa en kore;
Aokai anak ne ku goro kiroro E ne ruwe ne gusu ne na.
5E teke orun ku ramat ku ande ruwe ne:
Aa Sone Kamui Ehoba, Aokai anak ne en kikiraye nisa.
6Oba raka isambe konoburu utara E etunne:
Koroka, Ehoba gusu ku eyaikopashte nisa ruwe ne.
7Ku yaikopuntek hine E koro rampoken gusu ku enupetne kusu ne:
Aokai anak ne ku ki shirikirap nukan nisa;
Ku ramat yairamhekomo ita Aokai eramu nisa ruwe ne.
8En epokba utara koro teke otta Aokai anak ne shomo en arapare;
Ku koro kema poro ushiketa E ashte nisa ruwe ne.
9Aa Ehoba ku yairamhekomo gusu pirika irenga sange wa en kore:
Ku oknatara gusu ku shikihi nin, ku ramat newa ku netobake ne yakka.
10Kuani ramuoknatara wa moshiri koapkash, nuwap ki wa ku paha isam:
Ku goro kiroro anak ne wen-buri gusu epetchiu nisa, shui, ku pone nin wa isam ruwe ne na.
11Obitta no okai en ramushitnere utara gusu ayainikoroshmap ku ne,
Ruwe ne wa, aota un utara gusu nei no ku an shiri, aeamkiri utara gusu ashitomap ku ne;
Soita ku an wa en nukara utara anak ne en okira nisa ruwe ne.
12Shomo aeshkarun no an rai guru korachi a en oira wa ku an:
Ameshpa sei shintoko korachi ku ne ruwe ne.
13Inne utara ye ohaigekara itak ku nu nisa,
En pishkaniketa aekimatekbe an:
Nei utara en gusu ukoramkoro ita
Ku inotu auk kuni ne esanniyo nisa ruwe ne.
14Koroka, aa Ehoba, E orun ku eyaikopashte nisa,
Aokai anak ne ku goro Kamui ne sekoro ku itak nisa ruwe ne.
15Ku paha anak ne E tekehe ta okai:
En epokba utara orowa no hene, en keshke utara koro teke wano hene en pita wa en kore.
16E koro uitek guru orun E nanuhu hereatte wa en kore;
E koro omap an ramuhauge irenga gusu en kashi-obiuki wa en kore.
17Aa Ehoba, kuani E konishuk gusu, iteki a en yainikoroshmare kuni ne kara wa en kore:
Wen utara ayainikoroshmare wa Sheo oshiketa mo no okai kuni kara wa en kore.
18Pakesara wa esapse,
Shomo yaikatanu no oupeka utara ohaigekara guru
Koro shunge papush shomo itak kuni ne kara wa en kore.
19Utara poho utara shiksamata Aokai gusu eyaikopashte,
E koishitoma utara gusu Aokai eumashnu pirika ambe anak ne nep poro humi!
20Utara oshke esanniyop gusu E an i otta nei utara E nuina kusu ne:
Parumbe sakayo gusu nuina no E koro kash ta ashikkashima kusu ne na.
21Ehoba anak ne anunuke ne:
Tumashnu machiya otta koro aeiyokunnure an omap an ramuhaugep atte nisa ruwe ne gusu ne na.
22Kuani anak, E shiksam wano a en otuye an ari chashnu no ku ye nisa:
Yakka, E orun ku konishuk ita ku ki koramkoro hau E nu nisa ruwe ne.
23Ehoba koro ashkanne utara, Shinuma omap yan:
Ehoba anak ne Oupeka ambe shikkashima
Orowa, pakesara ambe ki guru itasa ambe nuye an no koropare ruwe ne.
24Ehoba gusu echipachipa echi utara,
Yaitumashnure wa koro keutum rametokte yan.
Currently Selected:
Iyohaichish 31: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
