Iyohaichish 19
19
19. Iyohaichish.
Shinotcha rekte esapane guni gusu; Dabid kara Iyohaichish.
1KANDO anak ne Kamui nupeki atte,
Aoingara moshiri Shinuma ki ikip nukare ruwe ne.
2Tokap anak ne tokap otta hawe ash, anchikara anak ne anchikara otta wayashnu ambe ashte ruwe ne.
3Kutchama isam, itak isama;
Koro hawe anu eaikapbe ne.
4Nei ambe koro rue anak ne shiri ebitta kush,
Koro itak moshiri gesh pakno oman ruwe ne.
Nei oshiketa Shinuma anak ne tokap chup gusu kash kara nisa ruwe ne na.
5Aige, tane mat koro guru koro tumbu wano soine korachi nep,
Kiroroashnu ainu uwetushmak ki-i enupetne korachi ne ruwe ne.
6Nei hetuku ushike anak ne kando pake i ne,
Pakno apkash-i anak kando gesh-i ne ruwe ne:
Orowa, koro seisek mau otta anuinap isam ruwe ne.
7Ehoba tuitak anak ne oupeka wa ramat shiturire ambe ne;
Ehoba koro ekambakbe tumashnu ne, ramu-sak guru wayashnure ambe ne ruwe ne.
8Ehoba ipawetenge oupeka wa sambe nupetnerep ne:
Ehoba ikashpaotte turu-sakbe wa shikihi pekerekap ne ruwe ne.
9Ehoba ishitomap anak ne ashkanne wa ramma aokere shomoki:
Ehoba aesanniyop anak ne sonep ne shi no oupeka ambe ne ruwe ne.
10Kongani kasu no, poron no okai pirika kongani kasu no akon rusui kunip ne:
Soyai ninge ne wa soyai set ka kasu no shisakbe ne ruwe ne.
11Samata, E uitek guru nei ambe gusu aepakashnu:
Nei ambe shikkashima chiki iwai poron no an ruwe ne.
12Yaikota koro haita buri eraman guru nen ne ruwe he an?
Ku ki nuina wa okai wen-buri isamka wa en kore.
13Shui, E koro uitek guru iteki hokamginʼno katpak ki kuni ne kara wa en kore;
Nei ap iteki en esapanere wa en kore: yakun kuani aeramushinne kusu ne,
Orowa, nei poro okaitap ku ki shomoki kusu ne na.
14Aa ku goro Ehoba, ku watara, ku goro en kikirayep,
Ku paro un itak, keutum ta ku esanniyo yainu-hi E tek samata an wa E nupetnere kuni ne kara wa en kore.
Currently Selected:
Iyohaichish 19: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
