Iyohaichish 17
17
17. Iyohaichish.
Dabid ki inonno-itak.
1AA Ehoba, oupekap nu, ku ashte hawe nu wa en kore;
Shunge sak no an patoi wano oashin ku ki inonno-itak nu wa en kore.
2En gusu an Aokai esanniyop en nure;
Oheuge sakbe orun ingara wa en kore.
3Aokai anak ne ku keutum shiruwande nisa; anchikara ta Aokai en orun ek nisa ruwe ne;
En turusakte wa nep ka shomo E nukara;
Ku paroho shomo ohaita kuni ne ku ramu-oshitchiu ruwe ne.
4Utara iki ikip gusu, kuani anak ne E koro patoi un itak ani
Niwen utara ruhu ku yaiohaitare nisa ruwe ne.
5Kuani kiroro-yupu wa E kon ruhu otta ku apkash,
Ku kema anak ne oshitteshu shomoki nisa ruwe ne na.
6Aa Kamui, kuani E konishuk nisa, Aokai en orun ese kusu ne gusu ne na.
E kisara en orun atte wa ku ye itak nu wa en kore.
7Aokai gusu eyaikopashte utara koro shimon teke ani epokba utara orowa no ohaitare wa kashiobiuki Kamui,
E koro poro omap an ramuhauge irenga eyaiyupki wa en kore.
8E koro kunne-shik-num korachi en shikkashima,
E tekkup sempiriketa en nuina wa en kore.
9En eikoisamka wen utara orowa no,
En raige rusui wa en nikkotama epokba utara orowa no en ohaitare wa en kore.
10Nei utara yaikota koro keutum seshke; koro paro ani pakesara ambe ye ruwe ne.
11Chi paye ash koran rapoketa nei utara un nikkotama,
Shiri kata pakno un hachire kuni ne shikihi atte ruwe ne na.
12Koro aep ibe-ehunara shishi chikoikip ukoheraye,
Nuina no an ushiketa yongororo upen shishi korachi ne.
13Aa Ehoba, bopuni, aige, nei utara iyetokush wa hachire,
E koro rangetam ani wen utara wano ku ramat ohaitare wa en kore;
14Aa Ehoba, E teke ani ainu utara,
Moshirʼun utara, koro kunip tam moshirʼotta akore utara wano en ohaitare wa en kore;
E sange kashnukarape ani nei honihi Aokai shikte ruwe ne:
Aeramushinne pakno nei utara anak ne po koro,
Aige, koro aeoteknup aiai eikeshkore ruwe ne.
15Kuani anak ne oupeka wa E nanuhu ku nukara kusu ne:
Ku mosh ita E katuhu ku nukara wa ku eramushinne kusu ne na.
Currently Selected:
Iyohaichish 17: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
