Iyohaichish 132
132
132. Iyohaichish.
Payekai shinotcha.
1AA Ehoba, Dabid ki obitta no okai aeshirikirap
Eshkarun wa en kore;
2Shinuma Ehoba orun shiyuppa no ekambakte,
Yakob koro okirashnu nep otta uitaknu ki nisa ruwe ne:
3Son no newa ku kot chisei ne kash orun shomo ku ahun, Ku shotki kata shomo ku hotke;
4Ku koro shikihi shomo ku mokore,
Ku shikkap shomo ku yainuratte;
5Ehoba gusu ushike ku nukara pakno,
Yakob koro Okirashnu nep koro kash ku pa pakno ene ne kusu ne na.
6Ingarʼan, Epraim ta an sekoro chi nu:
Nei nitai oshiketa an nup ta chi nukan nisa.
7Chi utara anak ne Shinuma koro kash otta ahup;
Shinuma koro kema aandep samaketa ongami ki kusu ne na.
8Aa Ehoba, hopuni wa E koro shini kuni ushike orun arupa;
Aokai newa E koro okira gusu an shuop tura,
9E kora kenru otta yaishieiwangere wa okai utara oupekap ani utomchiure yan;
Orowa, E koro Ashkanne utara nupetne gusu hawe ashte wa en kore.
10E koro uitek guru ne Dabid gusu,
E koro kashiaota guru koro nanuhu iteki oyake un hosarire wa en kore.
11Ehoba anak ne sonep ani Dabid gusu shiyuppa no ekambakte;
Aige, Shinuma nei ambe shomo eshishi kusu ne:
E koro netobake orowa no hetuku guru e koro amset kata ku are kusu ne na.
12E koro poho utara anak ne ku koro uitaknup newa,
Ku epakashnu ekambakbe shikkashima chiki,
Nei utara koro poho otusashuishiri pakno e koro amset kata rok kusu ne.
13Inambe gusu ne yakun, Ehoba anak ne Zion numge nisa;
Otta oshiroma gusu kon rusui ruwe ne.
14Tambe anak ne otusashuishiri pakno an ku shini ushike ne:
Teda ku oshiroma kusu ne; nei ushike ku kon rusui ruwe ne gusu ne na.
15Shinuma koro aep nuye an no kuni ne shipiraspare:
Amam ani koro irapokkari utara ku ramushinnere kusu ne.
16Koro Kamui kora kenru otta yaishieiwangere utara kashiobiuki-hi ani ku utomchiure kusu ne:
Orowa, Shinuma koro Ashkanne utara yaikopuntek wa anu no haukore hunitara kusu ne na.
17Dabid koro kirau kenituk ku hetukure kusu ne:
Ku goro kashiaota guru gusu ratchako ku etoko-oiki okere.
18Shinuma epokba utara yainikoroshrna ambe ani ku utomchiure kusu ne;
Koroka, Shinuma kashiketa koro inaoru shipirasa kusu ne na.
Currently Selected:
Iyohaichish 132: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
