Markos 8

8 Ik.

1Nei toho ta shui poro inne utara okai, awa, aep isama, nei ita orota Shinuma koikara utara shihekote hotuyekara wa ene itak-hi :— 2Inne utara rampokiwen wa Ku kore na, tane rereko ta En tura no okai wa nep ne yakka ibe shomoki nisa ruwe ne gusu ne na: 3shomo ramnu ki no Ku payere chiki, ru hontomota sambe-toranne nangoro; samata, ehangeko no an-i wano araki utara okai ruwe ne, ari itak. 4Orota koikara utara ese wa ene itak-hi :— Nei wano teda tan kim un ushiketa aep ani tan okai utara kironnure eashkai ya? sekoro itak. 5Orowa, Shinuma pantak hempakbe echi koro ya? ari nu. Orota, arawanbe an ani nei utara itak. 6Orowa, inne utara shiri kata rok kuni Shinuma kashpaotte; aige, Shinuma nei arawan pantak uk, awa, yaiiraige ki okere chiki, meshpa hine inne utara kotchaketa sange gusu koro koikara utara otta koropare nisa ruwe ne; awa, nei utara anak ne inne utara kotchaketa sange nisa ruwe ne na. 7Samata, cheppo anak moyo no kon ruwe ne; nei ambe Shinuma nunuke okere chiki, chep ne yakka utara kotchaketa sange kuni ikashpaotte nisa ruwe ne. 8Orowa, utara ibe wa akironnure: orowa, ameshpa wa ikashima uibe arawan saranip pakno umomare nisa ruwe ne. 9Nei utara pishkihi aukotama chiki shi sen nin ne ainu ne: orowa, Shinuma nei utara payere nisa ruwe ne na. 10Orowa, nani Shinuma koro koikara utara tura chip o wa Darmanuta un kotan orun ek nisa ruwe ne na.

11Orowa, Parisee un utara araki wa Shinuma ko-uwepekennu heashi, aige, koramnukara wa kando orowa no aki shirosh ek kuni hunara ruwe ne. 12Awa, Shinuma keutum osshi wano tanne heisei ki wa ene itak-hi :— Nep gusu tan ainu ikiri shirosh hunara ya? Son no echi otta Ku ye, tan ainu ikiri otta shirosh 13akore shomoki kusu ne ruwe ne, ari itak. Orowa, Shinuma nei utara moshima no ande wa chip orun ahun hine ikush un arapa nisa ruwe ne na.

14Orowa, pan koro kuni oira; samata, tura no chip oshiketa shine pantak kasu no pan isam ruwe ne. 15Awa, Shinuma nei utara kashpaotte wa ene itak-hi :— Ingarʼan, Parisee un utara koro pan-dane hene Herod koro pan-dane hene yaitubare yan. 16Orowa, nei utara utashpa uwe-upaore wa, — Pan isam gusu ne, ari itak. 17Yesu tambe eramu an wa orota ene itak-hi :— Hemanda gusu pan sak gusu echi upaore ya? Naa shomo echi eramu hemhem ki ramepakari hemhem ki ya? 18Echi keutum anishtere ya? Shiki koro wa shomo echi nukara? Kisara koro wa shomo echi nu? 19Shomo echi eshkarun ya? Go sen nin ne ainu otta ashikne pantak Ku meshpa ita, nei ameshpa uibe umomare wa ani hempak no okai saranip echi shikte ya? Orota, tu saranip ikashima wan saranip ne, ari itak. 20Orowa, shi sen nin ne ainu otta arawan pantak an ita ameshpa uibe ani hempak saranip echi shikte ya? 21Orota nei utara, Arawanbe, ari itak. Orota Shinuma ene itak-hi :— Naa shomo echi ramepakari ya? 22Orowa, Betsaida kotan orun araki nisa ruwe ne. Aige, utara anak ne shik-nak guru shinen Shinuma otta tura hine, Shinuma tomooshma kuni koramkoro. 23Orowa, Shinuma nei shik-nak guru koro teke kishma wa kotan soige un itura; aige, shiki kata topsekara chiki kashiketa teke ande koro, nepka e nukara ya, ari uwepekennu. 24Nei guru hepuni ingara wa, utara ku nukara, chikuni nei no anukarabe apkash korʼan-hi ku nukara na, ari itak. 25Orowa, shui Shinuma nei guru shiki kata teke ande ruwe ne; orowa, shinuma irammakaka ingara koro aiwangere, aige, nep ne yakka irammakaka nukan nisa ruwe ne na. 26Orowa, koro uni orun Shinuma nei guru omande hine ene itak-hi :— Iteki kotan otta ahun poka ki yan, ari itak.

27Orowa, Yesu newa koro koikara utara anak ne paye wa Kaisarea Piripos kotan otta ahup nisa ruwe ne: awa, ru hontomota koikara utara otta Shinuma uwepekennu wa ene itak-hi :— Kuani anak ne nen ne kuni utara ye ya? 28Orota nei utara ene ye-hi :— Baptisma kore Yoannes ne ari ye utara okai: Ericha ani ye utara okai; koroka, moshima utara anak, uweingara utara tumuge un shine uweingara guru E ne ruwe ne, ani ye ruwe ne, sekoro itak. 29Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :— 30Aokai anak ne Kiristo ne ruwe ne. Orowa, tan orushpe iteki moshima guru otta nure kuni Shinuma kashpaotte nisa ruwe ne. 31Orowa, Ainu Poho poron no aramushitnere wa ekashi utara orowa no hemhem, Kamui kora kenru esapane utara orowa no hemhem, kambi-nuye utara orowa no hemhem aemaka hine araige, samata, rereko an ita hetopo-shiknu kuni orushpe nei utara otta epakashnu heashi nisa ruwe ne. 32Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne. 33Koroka, Shinuma hosari wa koro koikara utara nukara hine Petros orun ko-sakayokara wa ene itak-hi :— Satan, En oshmake un oman; eani anak ne Kamui orushpe esanniyo shomoki no ainu orushpe esanniyo ruwe ne gusu ne na, ari itak. 34Orowa, orota inne utara newa koro koikara utura tura shibekote hotuyekara wa otta ene itak-hi :— En osh ek kuni esanniyo guru an chiki, yaikota yaiesbina hine koro utasap ani wa En oshi ekte yan. 35Inambe gusu ne yakun, kon ramat shiknure kuni esanniyo gurʼanak ne nei ambe turainu kusu ne: orowa, Ku rengap gusu hemhem pirika shongo rengap gusu hemhem kon ramat turainu gurʼanak ne, nei ambe shiknure kusu ne gusu ne na. 36Ainu anak moshirʼebitta eyaiepirikare, aige, kon ramat turainu chiki nep aeyaiepirikarep an ruwe he an? 37Samata, kon ramat shirihine ainu anak ne nep itasa kore kusu ne ya? 38Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Currently Selected:

Markos 8: AINU

Highlight

Copy