Markos 5

5 Ik.

1Orowa, atui kushta Gerasene un utara koro moshir ta shirepa nisa ruwe ne. 2Awa, chip yan koro, nan tushiri orowa no ek Ichakkere ramat shikatkari guru shinen Shinuma etunangara, 3nei guru tushiri ani uni ne kon nisa ruwe ne: orowa, shinuma tupetupe eashkai guru isam, kani shinkop ani ka tupe eaikap ruwe ne; 4nei guru kanna-kanna chikiri eok shinkop newa kani shinkop ani atupetupe, yakka kani shinkop yasa chikiri eok shinkop kaye nisa ruwe ne gusu ne ne; samata, shinuma ratchire gusu eipak kiroro koro guru isam ruwe ne na. 5Orowa, kunne-to ta hene, tokap-to ta hene shinuma ramma tushiri otta hene nup otta hene an wa hawe ashte hemhem ki shuma ani yai-tuye hemhem ki ruwe ne. 6Nei guru tuima no an ushike wano Yesu nukara, awa, hoyupu hine orota ko-ongami; 7orowa, rui hau ani hawe ashte wa ene itak-hi :— Iyotta rik un Kamui Poho Yesu, E otta nep irengaʼku an a? Iteki Aokai en panakte kuni ne Kamui ani ku E ikashpaotte ash na, ari itak. 8Inambe gusu ne yakun, — Ichakkere ramat, nei guru orowa no oashin yan, ani an itak ani Shinuma ye nisa ruwe ne gusu ne na. 9Orowa, nekon a reihei e koro ya, ari Shinuma nu. Chi utara inne ne gusu, ku reihei anak ne Region ne ruwe ne, ari itak. 10Orowa, iteki nei moshiri wano shinuma utara aokeuba kuni gusu nei ainu poron no Shinuma koramkon nisa ruwe ne. 11Nei nupuri kotoro ta ibe wa okai poro buta topaha an ruwe ne. 12Ichakkere, ramat utara Shinuma koramkoro wa ene itak-hi :— Buta oshiketa chi ahup 13ash kuni ne un payere wa un kore. Orowa, Shinuma ramu-oshma. Awa, Ichakkere ramat oaship hine buta oshiketa ahup: aige, buta topa range ushike rap wa atui orun ahup; nei pishki-hi anak ne wan shine wan hotne ehange ruwe ne; nei okaibe atui otta a-eteyeba nisa ruwe ne. 14Orowa, nei buta reshpa utara kira wa machiya otta hene kotan otta hene nei orushpe assuru ashte nisa ruwe ne. Orowa, nekon a orushpe hetuku nisa ruwe he an ingara gusu utara anak ne araki nisa ruwe ne. 15Aige, Yesu otta araki wa nitne kamui shikatkari guru, hoshiki no nei Region koro guru a hine mi ambe ami wa keutum yai eashirikara wa an-i nukara: awa, ishitoma nisa ruwe ue. 16Orowa, nei okaibe nukara utara anak ne nitne kamui shikatkari guru orushpe hene, buta orushpe hene nure nisa ruwe ne. 17Awa, koro kotan wano Yesu paye kuni ne nei utara koramkoro heashi. 18Orowa, chip oruu ahun korʼan ita hoshiki nitne kamui shikatkari guru Shinuma ukoiram no an-i koramkoro. 19Aige, ramu-oshma shomoki no orota ene itak-hi :— E uni un, e koro utara orun oman wa eani gusu Utarapa nekon a porobe ki ambe newa e erainpokiwen wa kore ambe nure yan, ari itak. 20Orowa, nei guru oman wa, Yesu shinuma gusu nekon a porobe ki-i, Dekaporis kotan ta assuru ashte heashi, orowa, utara obitta enushkari nisa ruwe ne na.

21Orowa, Yesu chip o wa shui ikushun atui tomotuye chiki poro inne utara Shinuma otta uwekarapa: awa, Shinuma anak ne atui samta an ruwe ne. 22Aige, Yairos ani an reihei koro, Uwekarapa chisei esapane shine ainu ek hine Yesu nukara koro, kema samaketa hachiri, aine, koramkoro wa ene itak-hi :— 23Ku pon matkachi rai ehange ruwe ne: shinuma kashi-a-obiuki wa ashiknure kuni gusu ek wa kashiketa tekehe ande wa en kore, ari itak. 24Orowa, nei guru tura Shinuma oman; aige, inne utara nei osh paye wa Shinuma eukonumba nisa ruwe ne.

25Orowa, tu pa ikashima wan pa kemnu tashum 26ki wa inne potara guru gusu poron no aiuninkare, 27orowa, korobe obitta eiwangere, yakka, apirikare shomo ne no, koroka, naa tashum yupke shine shiwentep Yesu gusu an orushpe nu chiki Shinuma oshmaketa okai inne utara tumugeta ek hine koro amip tomooshma nisa ruwe ne. 28Inambe gusu ne yakun, Shinuma mipihi poka ku tomooshma katap ku iwange kusu ne, ari itak. 29Aige, nani nei kem hetuku ushike sat nisa ruwe ne; orowa, nei shiyeye aisamka wa an kuni kon netobake ta eramʼan ruwe ne. 30Orowa, nani yaikota orowa no kiroro oashin ari an ambe, Yesu keutum ta eramʼan wa inne utara orun hosari hine, Ku mipi tomooshma guru anak inan guru ne ruwe he an, sekoro itak. 31Orota, koikara utara anak ne inne utara E eukonumba katu E nukara, yakka, — En tomooshma guru nen ne ruwe he an ani E ye ya? 32Orowa, nei ambe ki guru nukara gusu hosari wa inganʼnisa ruwe ne. 33Koroka, nei shiwentep ishitoma wa tusushke hine otta akarabe eramʼan, aige, ek wa Shinuma kotchaketa hachiri hine son no an okaibe obitta nure nisa ruwe ne. 34Orota Shinuma ene itak-hi :— Matne-po e koro eishokoro-i anak ne e kaobiuki nisa ruwe ne, ino no paye wa e ki shiyeye eshini yan, ari itak.

35Shinuma itak an aine Uwekarapa chisei esapane guru koro uni wano utara araki wa ene itak-hi :— E koro matne-po rai okere ruwe ne: nep gusu naa Epakashnu guru shingere ya? 36Koroka, Yesu anak ne nei ye itak shiramsamte wa nei esapane guru otta, Iteki ishitoma yan, eishokoro patek ki yak pirika na, ari itak. 37Orowa, Petros newa Yakob newa Yakob koro iriwak ne Yoannes moshima nen ne yakka tura no paye katu Shinuma etokotuye nisa ruwe ne. 38Awa, nei sapane guru koro chisei ta shirepa, aige, sakayo anukara, poron no chish an rai-chishkara hau an ruwe ne. 39Orowa, Shinuma ahun chiki utara orota ene itak-hi :— Hemanda gusu sakayo hemhem ki, chish hemhem echi ki ya? Pon guru anak ne rai an ka shomo ne, mokon ruwe ne, ari itak. 40Okai utara Shinuma emina esapse nisa ruwe ne. Koroka, Shinuma nei utara obitta soyumbare okere chiki poho ona newa unu tura no okai utara ani wa poho an ushike un ahun. 41Orowa, pon guru tekehe kishima wa orota, Tarita kumi, ari an itak an itak: tan itak ibehe anak ne, Matkachi, hopuni ani ku itak, sekorʼan itak ibehe ne ruwe ne. 42Orowa, nani nei matkachi hopuni wa apkash: shinuma tu pa ikashima wan pa pakno epa matkachi ne ruwe ne gusu ne na. Aige, utara anak ne nani poro aeoyamoktep ani oyamokte nisa ruwe ne. 43Orowa, iteki moshima utara otta tan orushpe nure kuni ne Shinuma yupke no ikashpaotte nisa ruwe ne: samata, aep iere gusu ye nisa ruwe ne na.

Currently Selected:

Markos 5: AINU

Highlight

Copy