Roukos 21

21 Ik.

1Orowa, Shinuma hepuni ingara wa oteknu utara kamui yange ichen shuop otta korarape omare shiri nukan nisa ruwe ne. 2Awa, nei shuop oshiketa tu reptos omare shine otek-sak shiyompiyara shiwentep nukara. 3Aige, Shinuma ene itak-hi :— Son no newa echi otta Ku ye, obitta no okai nei utara kasu no tan otek-sak shiyompiyara shiwentep anak ne naa poron no omare nisa ruwe ne; 4inambe gusu ne yakun, obitta no tan okai utara anak ne ikashima an ambe orowa no korarabe otta omare: koroka, nei shiwentep anak ne korobe obitta omare nisa ruwe ne gusu ne na, ari itak.

5Orowa, Kamui kora kenru anak ne hemanda pirika shuma newa ayangep ani atomtere wa an katu ye korʼan utara okai rapoketa, otta Shinuma ene itak-hi :— 6Tan okai echi nukarape gusu anak, ahachiri shomoki no teda an ukata-ukata okai shuma shinep ne yakka shuma ukata aande shomoki toho ek kusu ne na. 7Orowa, Shinuma otta nei utara uwepekennu wa ene itak-hi :— Epakashnu guru, tambe gusu, tap okaibe hembara pakita hetuku ya? Orowa, tap orushpe auweomare kuni kusu ne paha ta hemanda shirosh an kusu ne ya? ari itak. 8Orowa, Shinuma ene itak-hi :— Iteki moshima guru echi kokandama kuni ne yaitubare yan: inambe gusu ne yakun, inne utara Ku reihei ani hine araki wa :— Kuani Shinuma ne, ani itak pakihi ehange no an: nei utara otta iteki paye yan. 9Orowa, tumiram newa sakayo orushpe echi nu chiki, iteki ishitoma yan: inambe gusu ne yakun, tap okaibe hoshiki no hetuku kusu ne ap; toroka, okesehe anak naa tunash shomo ne ruwe ne.

10Orowa, nei utara orota Shinuma ene itak-hi :— Uirup anak ne uirup kotumi koro, moshiri anak ne moshiri kotumi koro: 11orowa, poro shirishimoye an, usaine okai ushiketa keman newa turuse tashum an: samata, kando orowa no aeishitomap newa poro shirosh an kusu ne. 12Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne. 13Nei ambe anak ne echi otta paweteshu ne kusu ne. 14Tambe gusu, nei etokota nekon a echi ese ya iteki yaikoshiramse kuni echi keutum ta oshitchiu yan: inambe gusu ne yakun, 15Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na. 16Koroka, echi utara anak ne eshikop orowa no hene, iriwak orowa no hene, utara orowa no hene, nimaraha orowa no hene poka aekoshi kusu ne; samata, echi tumugeta okai sereke an utara aronnure kusu ne ruweme. 17Orowa, Ku reihei ankushkerai gusu echi utara obitta no okai utara orowa no aetunne kusu ne. 18Orowa, echi sapa un shine otop tu ne yakka aisamka shomoki. 19Echi yaishiporore wa kon ramat echi koro kusu ne.

20Koroka, tumi-koro utara ikiri Yerusarem kotan nikkotama wa okai shiri echi nukara chiki, nei kotan wenderep ebange no an katu echi eramʼan yan. 21Nei ita Yudea un utara nupuri otta kokira: orowa, nei oshiketa okai utara soyumba yan: orowa, kimta okai utara iteki nei orun ahup yan. 22Inambe gusu ne yakun, tan toho anak ne chieshinnuye wa obitta no okaibe auweomare kuni ikemnu toho ne ruwe ne gusu ne na. 23Nei toho ta shinnai kat iyeunu wa okai utara hemhem, to nonde wa okai utara hemhem eyaisambepokash humi! inambe gusu ne yakun, moshiri kata poro aramusarakkap an, tan okai utara kata irushkap an kusu ne gusu ne na. 24Orowa, nei utara emush notaku ani araige hemhem ki, obitta no okai moshiri uirup otta teke-a-pashte hemhem ki: orowa, Oya uirup utara pakihi anak ne auweomare pakno Yerusarem anak ne Oya uirup orowa no aotereke kusu ne na. 25Orowa, tokap chup otta hene, kunne chup otta hene, nochiu otta hene shiroshi okai kusu ne; riri newa atui sash humi gusu sambe-kokuruse wa moshiri kata okai uirup yairamhekonro kusu ne; 26moshiri otta araki kusu ne okaibe araki kuni esanniyo gusu, utara ishitoma wa ramu-rai kusu ne: kando un kiroro anak ne ashuyeshuye kusu ne gusu ne na. 27Orowa no, Ainu poho anak ne kiroro newa poro nupeki koro wa nishkuru otta ek shiri anukara kusu ne. 28Koroka, tap okaibe hetuku heashi ita anak ne, hepuni un ingara, echi koro sapa puni yan; echi koro kikiaraye-i karange no ek ruwe ne gusu ne na.

29Orowa, nei utara otta Shinuma itak-maukushte-itak ye :— Ichijiku chikuni hemhem, obitta no okai chikuni hemhem ingara yan: 30nei ambe anak ne tane chuchu hetukure chiki, echi nukara wa tane sak un pa ehange no an shiri echi utara yaikota eraman ruwe ne. 31Nei no korachi echi utara anak ne tap okai orushpe hetuku-hi echi nukara chiki, Kamui moshiri ehange no an shiri echi eramu yan. 32Son no echi otta Ku ye :— Nep ne yakka an okaibe auweomare pakno, tan okai ainu ikiri isam shomoki kusu ne. 33Kando newa toi anak ne isam kusu ne, koroka, Ku itak anak ne isam shomoki kusu ne na.

34Koroka, echi keutura anak ne ibeshikasure ambe ani hene, ihoshki ambe ani hene, shiknu gusu an okaibe enishomap ambe ani hene shomo aeshik kashpa wa iteki akbe korachi ekushkonna echi orun nei toho ek kuni ne yaitubare yan: 35inambe gusu ne yakun, moshirʼebitta no okai utara uwesamamba gusu nei ambe anak ne nei no korachi ek kusu ne na. 36Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

37Orowa, kesto Shinuma anak ne Kamui kora kenru ta an wa epakashnu ki korʼan nisa ruwe ne; awa, kes anchikara soine wa Kanran-ush ani aye nupuri otta reushi ruwe ne. 38Orowa, obitta no okai utara anak ne, Shinuma nu gusu aro-kunneiwano Kamui kora kenru orun araki nisa ruwe ne na.

Currently Selected:

Roukos 21: AINU

Highlight

Copy