Roukos 2

2 Ik.

1Orowa no, nei toho pakihi ta anak ne ingi-moshirʼun 2utara auwatori kuni Kaizaros Augustos orowa no ipawetenge san, awa; tan auwatori-i anak ne Kurinius Siria moshiri esapane an ita aheashire nisa ruwe ne. 3Orowa, utara obitta yai-uwatori kuni otta hekatu kotan orun paye nisa ruwe ne. 4Awa, Yosep anak ne Dabid sanikiri, Dabid chisei un guru ne wa gusu, shinuma ne yakka yaikota ne yakka akopa-kashnu an shinnai kateiyeunu Maria tura auwatori kuni gusu, 5Gariraya moshiri un Nazaret kotan orowa no Yudea moshirʼun Betrehem ani aye Dabid kotan orota oman nisa ruwe ne. 6Orowa, shinuma utara anak ne nei kotan ta okai rapoketa, Maria po koro kuni pakihi epa nisa ruwe ne. 7Awa, koro kiyanne-po shikore wa tanne anrip kokarakari hine orun tunma eibe kitchi otta hotkere nisa ruwe ne; reushi ushiketa ahup kuni tumbu isam ruwe ne gusu ne na.

8Nei moshiri ta anchikara kimta okai wa koro chikoikip topaha epungine hitsuji chikoikip reshpa utara okai. 9Awa, Utarapa koro shine hauturumbe i samaketa ash, aige, Utarapa nupeki i pishkanike ta atte nisa luwe ne: awa, nei utara toiko ishitoma nisa ruwe ne. 10Tata otta Kamui hauturumbe iotta ene itak-hi :— Iteki ishitoma yan; ingarʼan, echi utara gusu poron no akopuntek kuni shongo echi nure ash na, nei ambe anak ne obitta no okai utara gusu an ap ne kusu ne gusu ne na: 11inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne. 12Aine, tambe anak ne echi gusu an shirosh ne; nei aiai tanne anrip ani akokarakari wa orun umma eibe kitchi otta hotke wa an-i echi nukara kusu ne. 13Tata otta, ekushkonna nei hauturumbe tura inne kando un topaha okai hine Kamui ramye wa ene itak-hi :—

14Iyotta rikun kando otta an Kamui orun nupeki an,

Moshiri kata okai pirika irenga koro utara otta itomo an na, seko-ran itak ani ye nisa ruwe ne.

15Orowa no, uitekbe anak ne nei utara wano paye hine kando orun rikin wa isam okaketa hitsuji chikoikip reshpa utara utashpa ene itak-hi :— Utarapa rui nure tan hetuku wa an orushpe nukara gusu, tane Betre 16hera kotan orun paye anro, sekoro itak. Orowa no, shinuma utara tunashi no araki wa Maria newa Yosep nukara, orowa, otta umma eibe kitchi orota 17hotke wa an aiai nukan nisa ruwe ne. Nei ambe nukara chiki, tan aiai gusu an orushpe assuru ashte 18nisa ruwe ne. Awa, hitsuji chikoikip reshpa utara orowa no aye orushpe nu utara anak ne obitta nei 19itak gusu enushkari nisa ruwe ne. Koroka, Maria anak ne obitta tan okai orushpe koro keutum ta 20shikkashima wa eyaikoshiramse ruwe ne. Orowa, orota aye korachi obitta nukara hemhem ki, nu hem-hem ki gusu, nei hitsuji chikoikip reshpa utara Kamui ko-oripak wa iramye koro hoshippa nisa ruwe ne.

21Orowa, Yesu okarituye buri akore kuni tupesan rereko epa koro anak ne Shinuma naa shomo ehon-koro etokota uitekbe reikore korachi Yesu ani an reihei ani areikore nisa ruwe ne.

22Orowa no, Mose tuitak nei no shinuma utara turusakte buri ki toho epa chiki anak ne, Utarapa otta nei aiai yange gusu, 23(Utarapa tuitak oma kambi kashiketa chieshin-nuye wa an korachi — “Honihi maka okkai po anak ne obitta Utarapa otta turu-sakbe aye kusu ne,”) naa samata, Utarapa tuitak an 24korachi ayange kuni, kim un kusuwep newa chisei un kusuwep-po tup range yange gusu, Yerusarem kotan otta araki nisa ruwe ne. 25Orowa, Yerusarem kotan ta Simeon ani an reihei koro shine ainu an, nei guru anak ne oupeka newa Kamui eoripak ainu ne, Israeru un utara omaoma kunip chipachipa korʼan ruwe ne: 26awa, Ashkanne Ramat shinuma kashiketa an ruwe ne. Nei guru Utarapa koro Kiristo nukara pakno rai shomoki sekorʼambe anak ne Ashkanne 27Ramat ani shinuma aeramande nisa ruwe ne. Nei guru Ramat aani wa Kamui kora kenru orun ahun nisa ruwe ne: orowa no eshikop anak ne atuitak wa an buri nei no ki gusu, 28Kamui kora kenru otta Yesu koro wa araki chiki; shinuma auak ne Yesu temkoro omare wa Kamui nunuke hine ene itak-hi :—

29-30Aa Utarapa, E ye-hi korachi,

Mo no an wa E uitek guru tane E hoshipire na;

31Ingi utara shik samata tambe Aokai etokooiki

E koro kashiobiuki-i ku shikihi anak ne nukanʼnisa ruwe ne gusu ne na.

32Oya utara aekambak an kuni pekere ne,

E koro Israeru un utara nupeki-hi ne ruwe ne,

sekoro itak. 33Orowa, koro ona koro unu anak ne Shinuma gusu aye orushpe enushkari koro an, awa, 34Simeon nei utara nunuke, orowa, koro habo Maria otta ene itak-hi :— Ingarʼan, tan aiai anak ne Israeru un inne utara hachiripa hemhem ki hopumba hemhem ki, samata, gusu sempirike-oitak shirosh ne kuni ne aande ruwe ne; 35ruwe newa, emush anak ekon ramat otke ekushna kusu ne; tambe inne keutum yainu-hi anukara kuni gusu ne ruwe ne, ani itak. 36Orowa, Aser ainu ikiri un Panueru koro matne-po Anna ani an reihei koro shine uweingara shiwentep an ruwe ne (tan shiwentep shi no pa poro guru ne, hoku koro orowa no arawan pa pakno tura an, 37orowa, ine pa ikashima ine hotne pa pakno shiyompiyara ne ruwe ne), nei shiwentep inonno-itak newa shomo ramnu kip ani Kamui otta yaishieiwangere wa kunne-to ta hene tokap-to ta hene Kamui kora kenru orowa no oman shomoki nisa ruwe ne. 38Nei paki ita shinuma ek wa Kamui ko-yaiiraige, samata, Yerusarem kotan kikiaraye kuni chipachipa utara otta Shinuma gusu ye nisa ruwe ne. 39Orowa no, nei utara anak ne Utarapa tuitak gusu an okaibe obitta ki okere chiki, Gariraya nroshirʼun koro kotan Nazaret machiya otta hoshippa nisa ruwe ne na.

40Orowa, aiai shukup wa tumashnu ne, wayashnup ani eshik ruwe ne, orosama, Kamui irenga nei kashiketa an ruwe ne.

41Shinuma koro eshikop anak ne Kamakush marapto an gusu ne pakita kespa Yerusarem kotan orun paye range nisa ruwe ne. 42Orowa, Shinuma tu pa ikashima wan pa epa ita nei marapto buri an gusu Yerusarem kotan otta paye nisa ruwe ne; 43nei marapto an toho aokere chiki hoshippa koro an ita heikachi ne Yesu anak ne Yerusarem kotan ta iyokane nisa ruwe ne; koro eshikop anak tambe eramushkari wa, utara tura an sekoro yainu hine shine to paye, ruwe ne; 44awa, iriwak utara tumugeta hene uonnere utara tumugeta hene Shinuma hunara ruwe ne; 45aige, pa shomoki gusu hunara koro Yerusarem kotan otta hoshippa nisa ruwe ne. 46Awa, rereko okaketa Kamui kora kenru ta okai epakashnu utara tumugeta a wa itak nu hemhem ki, uwepekennu hemhem ki wa an wa anukan nisa ruwe ne. 47Orowa, Shinuma nu utara anak ne obitta nei eramu ambe katu hemhem ese itak ki katu hemhem eoyamokte nisa ruwe ne. 48Orowa, Yesu nukara chiki iyokunnure nisa ruwe, ne; aige, orota koro habo ene itak-hi :— Poho, nep gusu tap korachi un otta E ki ya? E koro michi newa kuani anak ne yairamhekomo wa E hunara ruwe ne, sekoro itak. 49Nei utara otta Shinuma ene itak-hi: Nep gusu echi En hunara ruwe he an? Ku Michihi kora kenru ta Ku an kuni gusu ne ap sekorʼambe echi erampeutek a? ani itak. 50Orota Yesu ye itak ikkewehe nei utara erampeutek nisa ruwe ne na. 51Orowa, Shinuma eshikop tura no oman hine Nazaret kotan ta arapa, orowa, koro eshikop koitaknu nisa ruwe ne; koro habo anak ne tan orushpe obitta koro keutum ta shikkashima nisa ruwe ne.

52Orowa no, Yesu wayashnu ne, shukup ruwe ne; samata, Kamui irenga hemhem, utara irenga hemhem akore nisa ruwe ne na.

Currently Selected:

Roukos 2: AINU

Highlight

Copy