Matiu 1
1
Yeesu Kristo lulla ŋmɛnizii keŋ
(Luuk 3:23-38)
1Abraham biibaal Deevid dee biinii u faa lii.
2Abraham biibaallɛ Aizik.
Aizik ge biibaallɛ Jekɔb.
Jekɔb ge biibaalaa Juda ni u niuna.
3Juda ge biibaalaa Pɛrɛz ni Zɛra. Ba maarɛ Taama.
Pɛrɛz ge biibaallɛ Hɛzrɔn.
Hɛzrɔn ge biibaallɛ Ram.
4Ram ge biibaallɛ Aminadab.
Aminadab ge biibaallɛ Nasɔn.
Nasɔn ge biibaallɛ Salmɔn.
5Salmɔn ge biibaallɛ Bɔaz. U maarɛ Rahab.
Bɔaz ge biibaallɛ Ɔbɛd. U maa sɔnnɛ Ruf.
Ɔbɛd ge biibaallɛ Jɛssɛ.#Ruf 4:17
6Jɛssɛ ge biibaallɛ Deevid la n faa ɛɛ ba koori la.
Deevid ge biibaallɛ Solomɔn. A Solomɔn maarɛ faa Yuria haaŋ.
7Solomɔn ge biibaallɛ Rehoboam.
Rehoboam ge biibaallɛ Abija.
Abija ge biibaallɛ Asa.
8Asa ge biibaallɛ Jɛhɔsafat.
Jɛhɔsafat ge biibaallɛ Joram.
Joram ge biibaallɛ Uzzia.
9Uzzia ge biibaallɛ Jɔtam.
Jɔtam ge biibaallɛ Ahaz.
Ahaz ge biibaallɛ Hɛzɛkia.
10Hɛzɛkia ge biibaallɛ Manasɛ.
Manasɛ ge biibaallɛ Amɔn.
Amɔn ge biibaallɛ Jɔsia.
11Jɔsia ge biibaalaa Jɛkɔnia ni u niuna.
A saŋa, di Jus hina dɔma lauri baa kaali Babilɔn#1:11 Babilɔn sɔŋ bɛllɛ Babɛl. hɛri.
12Baŋ ga du Babilɔn hɛri la, Jɛkɔnia lul Sɛɛltiɛl.
Sɛɛltiɛl ge izi di lul Zɛrubabɛl.
13A Zɛrubabɛl ge biibaallɛ Abayud.
Abayud ge biibaallɛ Ɛliakim.
Ɛliakim ge biibaallɛ Azɔ.
14Azɔ ge biibaallɛ Zadɔk.
Zadɔk ge biibaallɛ Akim.
Akim ge biibaallɛ Ilayud.
15Ilayud ge biibaallɛ Ɛliaza.
Ɛliaza ge biibaallɛ Mattan.
Mattan ge biibaallɛ Jekɔb.
16Jekɔb ge lul Joosɛf. Joosɛf naa faa ɛɛ Mɛɛri la jaarii. Mɛɛri ge lul Yeesu, ba kaa ra yiruu Kristo.
17Awia, di i kur mɛɛ ni u bie di lii Abraham saŋa guŋŋ di wa hel Deevid saŋa la, ba du nɛra fidibanaazu. Di i kaa kpa Deevid ge saŋa guŋŋ wa hel saŋa la baŋ lauri baa kaali Babilɔn la, ba ge kaa du nɛra fidibanaazu. Di i kaa kpa a saŋa guŋŋ wa hel Kristo#1:17 Kristo ɛɛ Giris hina mɔɔrii. Hibru hina ge mɔɔri biinii Mɛsia u zɛɛrɛ nɛr la Kɔraawiizi n lizɛɛ. ge saŋa, ba ge kaa du nɛra fidibanaazu.
Yeesu Kristo lulaa wia
(Luuk 2:1-7)
18Yeesu Kristo lulaa wiarɛ keŋ. Joosɛf faa kpa Yeesu maa Mɛɛrii. U faa haa waa u dia zuuwɛ ú nuu chɔɔ, ka u kpogli hia Kɔraawiizi Dumnanii fɔŋŋa biini. 19U jaari la ɛɛ nɛnaniirɛ. Awia, uŋ wa zummɛ lugɔ u kpogli hiarɛ la, u faa waa nyiŋŋi u duu hiihzi, ka ŋɔ ú vii suahzi vɛɛu. 20Joosɛf n faa ra fɛ guŋ nfɛrɛ la, di Kɔraawiizi mɛlika bɛl ba u be, u nau deeza biini. A mɛlika ŋɔ, “Deevid naana Joosɛf, gilɛɛ ra ɔm Mɛɛri kpai, dikuubɛɛwiai, hia la uŋ kpoglee la, Kɔraawiizi Dumnanii fɔŋŋa biinii u kpogluu. 21U daŋ lul biibaal. Di u wa luluu, í dawuu Yeesu, dikuubɛɛwiai, waabuu niŋ wa lɛɛ u nɛra lii ba wichɔgaa biini.”
22Wia naa maa ɛɛwɔɔ ka wia la Kɔraawiizi n faa gillɛ u dɔgtɛɛ sɛbi dau la wer ɛɛ wibii. U faa ŋɔwɔɔrɛ, 23“Toloori bɛl n waa baal zummɛ daŋ kpogli hia di lul biibaal, bá ra yiruu Imanuɛl.” U sɔŋ hiŋ zɛɛrɛ, “Kɔraawiizi du yaa benii.”#Aiza 7:14
24Denii Joosɛf n wa izi dɔɔ la, u la ga kpa Mɛɛri gunla Kɔraawiizi mɛlika la n ŋɔwɛɛ la. 25Ka u ni u haaŋ hiŋ waa chɔɔwɛ mɔɔ ka u wa lul. Biibaallɛ u lul. Joosɛf dau u sɔŋ Yeesu.
Currently Selected:
Matiu 1: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
