Mikas 5

Esa siꞌ nga paꞌrut it Ampuꞌang Diyus pasar it ipatindeg nga Manriribri

1Tingpeden mi i mga sundaluꞌ mi, mga taga Jerusalem, ka kiyulung tami na it mga kalaban ta. Palabayen nira it masakit nga kaꞌeꞌyaꞌan i pagbayaꞌen it Israel. 2Temed ikaw Betlehem Efrata, maski na maat kaꞌuyutan ka it mga piyakadekeyeꞌ nga mga lansangan it Juda, asan it imu i liꞌwanan it kanya nga magꞌadiꞌ it bangsa nga Israel. Kanya ngaytu, garing paꞌ it tagnaꞌ pang banar nga timpu i giyaringan ya it magpanliꞌwan.#5:2 Si Cristo i pagpaꞌiguꞌan kaytu (Mateo 2:6). Kat pasepsep it beken nga mapipikir, puntuꞌ it sugi-sugid ngaytu, puyra it timpu ngayti nga limniꞌwan si Cristo nga simnakit duꞌun it Betlehem, garing it tagnaꞌ paꞌ may mga timpu nga naꞌasitu kanya nga gimnaring duꞌun it langit. Alimbawa, iyan nagguna kanya it banwa (Juan 1:2-3, Colosas 1:16), baw iyan nagpakikita kanya duꞌun it ki Abraham (Genesis 18:1).

3Aypaꞌ ka, bangsa ngaytu nga Israel, ibgay na it Ampuꞌang Diyus kat alima it mga kalaban nira seked it ipanganak nat esang babay i madaragen ngaytu nga, pagdakulaꞌ ya, magꞌadiꞌ kanya. Bawnga, iyan naꞌped it mga kaduguꞌ ya nga taga Juda, paꞌuliꞌ siꞌ duꞌun it Ampuꞌang Diyus, sang siraan it beken nga mga Israelita. 4Pagkapatindeg it itu nga adiꞌ, pamaalaꞌan yay mga taawan ya kat keseg it kakayaan nga ibgay it AMPUꞌANG DIYUS it kanya, baw kat ega basta-bastang kabantugan it AMPUꞌANG DIYUS ngaytu nga pagsirbiyan ya. Mga taawan ya ngaytu, mangaꞌgenan sira it maꞌimbeng nga pangaꞌgenan sabap, iyan nga adiꞌ, kilalaen kanya nga mabantug kat muꞌsang banwa situt sinirungat langit. 5aKanya i garingan it kaꞌimbengan nira.

Currently Selected:

Mikas 5: TBWONT

Highlight

Copy