Mikas 1
1
Esang ipiyasurat it Ampuꞌang Diyus it prupitaꞌ nga si Mikas
1Ituy ampang nga ipiyaꞌrut it AMPUꞌANG DIYUS it ki Mikas nga taga Moreset pasar it mabetangan it Samaria baw Jerusalem, iyan timpu it nakapagꞌadiꞌ duꞌun it Juda nga si Joatam, si Acaz, baw si Ezequias.
2Pagnegan mi tu, kamu nga mga bangsa nga magtataꞌid kat sinirungat langit. Pagnegan mi i pamatuud it AMPUꞌANG DIYUS nga kuntraꞌ it imyu. Duꞌun kanya magꞌampang it ega basta-bastang Templo ya. 3Wayan i AMPUꞌANG DIYUS, magpanliꞌwan nga garing duꞌun it subrang mabantug nga rugar ya. Manlampud baw mapanaw-panaw duꞌun it siyagpawan it mga bukid situt banwa. 4Baw mga bukid ngaytu nga panaw-panawan ya, matunaw na nga subung it tadu nga madangdang it apuy. Makutkutan nay mga piyagtengaꞌan it bukid sabap it burus it mga natunaw na nga bukid nga atnat kensad.
5Talagang magꞌabut tu i muꞌsa ngaytu sabap it mga kasalaꞌan it bangsa nga Israel, mga tungtung-inapuꞌ ni Jacob. Ta, siyuy garing it mga kasalaꞌan ngaytu it Israel? Daꞌga baꞌ Samaria nga puꞌun nga siyudad ya i giyaringan kaytu? Baw siyuy puꞌun it kasalaꞌan it mga taga Juda ngaytu nga pagsambaen i mga pagbete-beteꞌen nga diyus duꞌun it kamumungsuꞌan? Daꞌga baꞌ Jerusalem ngaytu nga puꞌun nga siyudad nira?
Currently Selected:
Mikas 1: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
