Daniel 2:20-22

Maat ya, “Ampuꞌang Diyus, dapat nga bantugun ka it egay katupusan. Talagang ega basta-basta i kasepsep mu baw keseg it guna mu. Ikaw i magpabaꞌgu it timpu. Ikaw i magpatindeg baw magꞌiriꞌ it mga pagkaꞌadiꞌ. Ikaw i magbegay it kasepsep kat mga masepsep, baw kakayaan gasiꞌ kat mga mapipikir. Ikaw i magpalbaw it mga matꞌed baw mga patagu-taguꞌ nga bagay. Maꞌyag it imu i maski kat kadleman paꞌ, baw duꞌun it imu i muꞌsang kaꞌyagan.