Mapisarema 20
20
Munyeŋgetero kuti mambo akunde.
Kumutuŋgamiriri wokuimba. Pisarema raDavidi.
1Jehova ŋgaakupindure nomusi wokutambudzika;
Zita raMŋari waJakobo ŋgarikuise pakakwirira;
2Ŋgaakutumire ruɓatsiro runobva panɀimbo tȿene,
Akutsigire nesimba rinobva Zioni.
3Ŋgaaraŋgarire ɀipiriso ɀako ɀose,
Agamucire ɀiɓayiro ɀako ɀinopiswa;
4Ŋgaakupe ɀinoɗikanwa nomŋoyo wako,
Ŋgaaite seɀawakafuŋga.
5Ticafara kwaɀo nokukunda kwenyu,
Ticasimudza mireza yeɗu nezita raMŋari weɗu;
Jehova ŋgaaite ɀose ɀawakakumbira.
6Ɀino ndinoziʋa kuti Jehova unoponesa muzodziwa wake;
Ucamupindura ari kuɗeŋga kwake kutȿene
Nesimba roruʋoko rwake rworudyi, rinoponesa.
7Ʋamŋe ʋanoʋimba neŋgoro, ʋamŋe namabiza;
Asi isu ticareʋa zita raJehova Mŋari weɗu.
8Iʋo ʋakotamiswa, ʋawira pasi;
Asi isu tasimuka, timire ɀakanaka.
9Ponesai, Jehova;
Mambo ŋgaatipindure kana ticiɗana.
Currently Selected:
Mapisarema 20: SUB1949
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1949, 2018
