Mapisarema 132
132
Kuceŋgetwa kweimba yaDavidi naJehova.
Rwiyo rworwendo.
1Jehova, raŋgarirai Davidi
Neɗambudziko rake rose;
2Namapikire ake kunaJehova,
Nokupika kunaWamasimba waJakobo, aciti:
3Ɀirokwaɀo handiŋgapindi mutente reimba yaŋgu,
Kana kukwira pamubeda wandakawadzirwa;
4Handiŋgatenderi meso aŋgu kuʋata,
Kana mafuŋgiro aŋgu kukotsira;
5Kuȿikira ndawanira Jehova nɀimbo,
Netabernakeri dzaWamasimba waJakobo.
6Tarirai, takaɀinzwa muEfrata;
Takaɀiwana pasaŋgo reJaari.
7Ticapinda mutabernakeri dzake;
Ticanamata pacitsiko cetsoka dzake.
8Simukai Jehova, mupinde pamuŋgazorora;
Imi, neareka yesimba renyu.
9Ʋaprista ʋenyu ŋgaʋafukidzwe nokururama;
Ʋuye ʋatȿene ʋenyu ŋgaʋapururudze nomufaro.
10Nokuɗa kwaDavidi muranda wenyu
Regai kuramba ciso comuzodziwa wenyu.
11Jehova wakapika kunaDavidi;
Haaŋgashanduki paɀiri, aciti:
Ɀiɓereko ɀomuʋiri wako ndiɀo ɀandicaisa pacigaro cako coʋushe.
12Kana ʋana ʋako ʋaciceŋgeta suŋgano yaŋgu
Neɀipupuriro ɀaŋgu ɀandicaʋadzidzisa,
Naʋana ʋaʋo ʋo ʋacagara pacigaro cako coʋushe nokusiŋgaperi.
13Nokuti Jehova wakasanaŋgura Zioni;
Wakariɗa kuti ʋuʋe ʋugaro bgake.
14Pano ndipo pandinozorora nokusiŋgaperi;
Ndicagara pano; nokuti ndakapaɗa.
15Ndicaropafadza ɀokudya ɀaro kwaɀo;
Ndicagutisa ʋarombo ʋaro neɀokudya.
16Ʋaprista ʋaro ndicaʋafukidza ʋo noruponeso;
Ʋatȿene ʋaro ʋacapururudza nomufaro.
17Ipapo ndicameresera Davidi runyaŋga;
Ndakagadzirira muzodzwa waŋgu mŋenje.
18Ʋaʋeŋgi ʋake ndicaʋafukidza nokunyadziswa;
Asi korona yake icapenya pamsoro pake.
Currently Selected:
Mapisarema 132: SUB1949
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1949, 2018
