Ruka 9

Ʋanegumi naʋaʋiri ʋanotumŋa kuparidza nokuporesa.

(Mat 10:1–42; Mar 3:13–19; 6:7–13)

1Ɀino wakaʋuŋganidza ʋanegumi naʋaʋiri, akaʋapa simba necikuriri pamsoro pemŋeya yakaipa yose, nokuporesa kurwara. 2Akaʋatuma kuparidza ʋushe bgaMŋari nokuporesa. 3Akati kwaʋari: Musatoŋgotora ɀomunzira, kana muɗonɀo, kana homboɗo, kana ciŋgwa, kana mari; musaʋa neŋguʋo mbiri. 4Imba ipi neipi yamunopinda mairi, garai’mo, mugozobva’po. 5Ʋuye ʋose ʋasiŋgakugamuciriyi, kana mobva paguta iro, muzuze guruʋa riri patsoka dzenyu, ciʋe capupu kwaʋari. 6Ipapo ʋakabva, ʋakapota nemisha, ʋakaparidza Evaŋgeri, nokuporesa panɀimbo dzose.

Herode unokaŋganiswa pamsoro paJohane Mubapatidzi.

7Ɀino Herode, muɓati, wakanzwa ɀose ɀakaŋga ɀiciitwa; akakaŋganiswa, nokuti ʋamŋe ʋakaŋga ʋaciti, Johane wakamuka kuʋakafa; 8ʋamŋe kuti Eria waʋonekwa; naʋamŋe ɀe, kuti mumŋe waʋaprofita ʋekare wamuka. 9Herode akati: Johane ndakamugura musoro; ɀino ndianiko uyu, wandinonzwa ɀinhu ɀakaɗai pamsoro pake? Akatȿaka kumuʋona.

Ʋaneɀuru ɀishanu ʋanopiwa ɀokudya naJesu.

(Mat 14:13–21; Mar 6:30–44; Joh 6:1–14)

10Ʋaapostora ʋakati ʋadzoka, ʋakamurondedzera ɀose ɀaʋakaŋga ʋaita; akaʋatora, akaenda naʋo ʋari ʋoga kuguta rainzi Betsaida. 11Ɀino ʋanhu ʋazhinji ʋaciɀiziʋa, ʋakamuteʋera; akaʋagamucira, akaʋaʋudza ɀoʋushe bgaMŋari, akaporesa ʋakaŋga ʋaciɗa kuporeswa. 12Zuʋa rakatiroʋira, ʋanegumi naʋaʋiri ʋakaʋuya, ʋakati kwaari: Endisai ʋanhu ʋazhinji, ʋaende kumisha nokuruwa rwakapoteredza, ʋagare’ko, ʋawane ɀokudya; nokuti pano tiri murenje. 13Asi iye akati kwaʋari: Muʋapei imi, ʋadye. Ʋakati: Isu hatineɀiŋgwa ɀiŋgapfuʋura ɀishanu, nehoʋe mbiri, asi kana tikaenda kundoteŋgera ʋanhu aʋa ʋose ɀokudya. 14Nokuti ʋaiʋa ʋarume ʋaneŋge ɀuru ɀishanu. Akati kuʋadzidzi ʋake: Ʋagarisei pasi ʋaite mapoka, anaʋanhu ʋaneŋge makumi mashanu. 15Ʋakaita kuɗaro, ʋakaʋagarisa ʋose. 16Ipapo akatora ɀiŋgwaɀishanu nehoʋe mbiri, akatarira kuɗeŋga, akaʋoŋga, akaɀimeɗura, ndokupa ʋadzidzi kuti ʋaise pamberi paʋanhu ʋazhinji. 17Ʋakadya, ʋakaguta ʋose; ʋakaʋuŋganidza ɀimeɗu ɀaʋakaŋga ʋasarirwa naɀo, mateŋgu anegumi namaʋiri.

Petro unopupura kuti Jesu ndiye Kristu.

(Mat 16:13–20; Mar 8:27–30)

18Ɀino wakati acinyeŋgetera ari oga, ʋadzidzi ʋake ʋakaŋga ʋanaye; akaʋabvunza, aciti: Ʋanhu ʋazhinji ʋanoti ndini aniko? 19Ʋakapindura, ʋakati: Ʋamŋe ʋanoti: Johane Mubapatidzi; ʋamŋe Eria; ʋamŋe ɀe, kuti mumŋe waʋaprofita ʋekare wamuka. 20Akati kwaʋari: Ko imi munoti ndini ani? Ipapo Petro akapindura, akati: Ndimi Kristu waMŋari. 21Akaʋaʋudza ɀikuru, nokuʋaraira kuti ʋarege kuziʋisa munhu iɀoɀo; 22aciti: Mŋanakomana womunhu unofanira kutambudzika ɀizhinji, nokurashwa naʋakuru naʋaprista ʋakuru naʋanyori, nokuʋurawa, nokumutswa nezuʋa retatu.

Kuteʋera Jesu.

(Mat 16:24–28; Mar 8:34–38)

23Ɀino wakati kunaʋose: Kana munhu aciɗa kuʋuya shure kwaŋgu, ŋgaaɀirambe, asimudze mucinjikwa wake zuʋa rimŋe nerimŋe, anditeʋere. 24Nokuti aninani unoɗa kuponesa ʋupenyu bgake, ucarashikirwa nabgo; asi unorashikirwa noʋupenyu bgake nokuɗa kwaŋgu, ucabguponesa. 25Nokuti munhu ucaɓatsirweiko, kana awana nyika yose, akaɀirasha nokuɀitadzira? 26Nokuti aninani unonyara pamsoro paŋgu namashoko aŋgu, Mŋanakomana womunhu ucanyara ʋo pamsoro pake musi waanoʋuya nokubginya kwake nokwaƂaɓa, nokwaʋatumŋa ʋatȿene. 27Ɀirokwaɀo ndinoti kwamuri: Ʋamŋe ʋari’po kunaʋamire pano ʋasiŋgazonzwi rufu, ʋasati ʋaʋona ʋushe bgaMŋari.

Kubginya kwaJesu pagomo.

(Mat 17:1–13; Mar 9:2–13)

28Mashoko iwayo akati apera kutaurwa mazuʋa aneŋge masere, akatora Petro naJohane naJakobo, akakwira mugomo kundonyeŋgetera. 29Ɀino wakati acinyeŋgetera, mugarire weciso cake ukashanduka, ŋguʋo dzake dzikacena dzikapenya. 30Ɀino tarira, ʋarume ʋaʋiri, ʋanaMosesi naEria, ʋakaʋonekwa ʋacitaurirana naye. 31Ʋakaʋonekwa ʋacibginya, ʋakataura ɀokuenda kwake, kwaakaŋga ondopedzisa paJerusarema. 32Ɀino Petro, naʋaiʋa naye, ʋakaŋga ʋaɓatwa nehope; asi ʋakati ʋacipepuka, ʋakaʋona kubginya kwake, naʋarume ʋaʋiri ʋamire naye. 33Ɀino ʋakati ʋoparadzana naye, Petro akati kunaJesu: Tenzi, ɀakanaka ɀatiri pano; ŋgatiʋake matumba matatu, rimŋe renyu, rimŋe raMosesi, rimŋe raEria, asiŋgaziʋi ɀaanoreʋa. 34Wakati acataura iɀoɀo, gore rikaʋuya, rikaʋafukidza; ʋakatya ʋacipinda mugore. 35Ipapo inzwi rakabva mugore, riciti: Uyu Mŋanakomana waŋgu, musanaŋgurwa waŋgu, mumunzwei! 36Inzwi rakati raenda, Jesu akaʋonekwa ari oga. Ʋakanyarara, ʋakasaʋudza munhu namazuʋa iwayo cinhu cimŋe caʋakaŋga ʋaʋona.

Jesu unoporesa mukomana uneɀipusha.

(Mat 17:14–21; Mar 9:14–29)

37Nezuʋa rinoteʋera ʋakati ʋaɓuruka mugomo, ʋazhinji‐zhinji ʋakamugamucira. 38Ɀino mumŋe murume pakati paʋazhinji wakaɗana, akati: Mudzidzisi, ndinokumbira kwamuri kuti mutarire mŋanakomana waŋgu, nokuti ndiye mŋana waŋgu mumŋe woga. 39Tarirai, mŋeya unomuɓata, ɀino woridza mhere pakarepo; unomubvundisa, acipupuma furo; hauɗi kumurega, asi unomurwadzisa ɀikuru. 40Ndakakumbira kuʋadzidzi ʋenyu kuti ʋauɓuɗise, ʋakasagona. 41Jesu akapindura, akati: Haiwa! rudzi rusiŋgatendi, rwakatsauka; ndicagara nemi kuȿikira riniko, nokukuitirai mŋoyo murefu? Ʋuya pano nomŋanakomana wako. 42Akati acaʋuya, mŋeya wakaipa ukamuwisira pasi, ukamubvundisa ɀikuru. Asi Jesu wakaraira mŋeya wetȿina, akaporesa mŋana, akamudzosera kunaɓaɓa ʋake. 43Ʋose ʋakashamiswa noʋukuru bgaMŋari.

Jesu unotaura ɀorufu rwake nokumuka kwake.

(Mat 17:22–23; Mar 9:30–32)

Ɀino ʋose ʋacashamiswa neɀose ɀaakaita, akati kuʋadzidzi ʋake: 44Mashoko awa ŋgaapinde munzeʋe dzenyu; nokuti Mŋanakomana womunhu ucaiswa mumaʋoko aʋanhu. 45Asi iʋo haʋana‐kunzwisisa kutaura uku; ʋakaŋga ʋakuʋanzirwa, kuti ʋarege kukunzwisisa; ʋakatya kumubvunza pamsoro pokutaura uku.

Mukuru paʋushe bgokuɗeŋga.

(Mat 18:1–5; Mar 9:33–37)

46Ɀino nharo dzikamuka pakati paʋo, kuti ndiani mukuru kwaʋari. 47Asi Jesu, ɀaakaŋga aciziʋa kufuŋga kwemŋoyo yaʋo, akatora mŋana muɗuku, akamuisa parutiʋi rwake, 48akati kwaʋari: Aninani unogamucira mŋana uyu muɗuku muzita raŋgu, unondigamucira ini, ʋuye aninani unondigamucira ini, unogamucira wakandituma; nokuti muɗuku kwamuri mose, ndiye mukuru.

49Johane akapindura, akati: Tenzi, taʋona munhu aciɓuɗisa mŋeya yakaipa muzita renyu, tikamudziʋisa, nokuti haateʋeri nesu. 50Asi Jesu akati kwaari: Musamudziʋisa; nokuti usiŋgapesani nemi, unemi.

ƲaSamaria ʋanoramba kugamucira Jesu.

51Mazuʋa okukwidzwa kwake akati osweɗera, wakaramba akarinzira ciso cake kuenda Jerusarema, 52akatuma nhume pamberi pake. Idzo dzikaenda, dzikapinda mumusha waʋaSamaria kundomugadzirira. 53Asi haʋana‐kumugamucira, nokuti ciso cake cakaŋga cakariŋgira Jerusarema. 54Ʋadzidzi ʋake, Jakobo naJohane, ʋakati ʋaciɀiʋona, ʋakati: Ishe, munoɗa kuti titi mŋoto uɓuruke kuɗeŋga, uʋaparadze here? 55Asi iye wakatendeʋuka, akaʋaraira. 56Ipapo ʋakaenda kunomumŋe musha.

Kuteʋera Jesu.

(Mat 8:18–23)

57Ɀino ʋakati ʋacifamba munzira, mumŋe munhu akati kwaari: Ndicakuteʋerai pose pamunoenda. 58Jesu akati kwaari: Mhuŋgubge dzinemŋena, neshiri dzokuɗeŋga dzinamatendere, asi Mŋanakomana womunhu haana‐paaŋgatsamidza musoro wake. 59Akati kunomumŋe: Nditeʋere. Iye akati: Nditenderei henyu ndimbondoʋiga ɓaɓa ʋaŋgu. 60Asi iye akati kwaari: Rega, ʋakafa ŋgaʋaʋige ʋakafa ʋaʋo; asi iwe, enda undoparidza ʋushe bgaMŋari. 61Mumŋe ɀe akati: Ndicakuteʋerai Ishe, asi munditenderei henyu ndimbondowonekana naʋari mumba maŋgu. 62Asi Jesu akati kwaari: Hakunomunhu uŋgati kana aisa ruʋoko rwake paɓadza, akaceukira shure, uŋgafanirwa noʋushe bgaMŋari.

Currently Selected:

Ruka 9: SUB1949

Highlight

Copy