Isaya 48

Jehova ucadzosa ʋanhu ʋake.

1Inzwai iɀi, imi imba yaJakobo, makatumidzwa zita raIsraeri, makaɓuɗa kumvura zhinji, yaJuda; imi, munopika nezita raJehova, mucirumbidza Mŋari waIsraeri, musiŋgaɀiiti neɀokwaɗi kana nokururama. 2(nokuti ʋanoɀiidza ʋeguta dɀene, ʋacisendama kunaMŋari waIsraeri; zita rake ndiJehova wehondo): 3Ndakaparidza ɀinhu ɀakare kubva pakutaŋga; ɀirokwaɀo, ɀakaɓuɗa mumuromo maŋgu, ndakaɀiziʋisa; ndakaɀiita kamŋe‐kamŋe, ɀikaitika. 4Ɀandakaziʋa kuti mŋoyo wako mukukutu, nomutsipa wako runda rweɗare, nehuma yako ndarira; 5naiɀoɀo ndakakuparidzira iɀoɀo kubva pakutaŋga; ndakakuziʋisa iɀoɀo ɀisati ɀaitika, kuti urege kuzoti: Cifananidzo caŋgu ndico cakaita iɀoɀo, mufananidzo waŋgu wakaʋezwa nomufananidzo waŋgu wakaʋumbga ndiɀo ɀakaraira iɀoɀo. 6Wakaɀinzwa; tarira iɀi ɀose; ɀino imi hamuŋgaɀiparidzi here? Ndakakuziʋisa ɀinhu ɀitȿa kubva paŋguʋa ino, ɀinhu ɀakaʋanzwa, ɀawakaŋga usiŋgaziʋi. 7Ɀasikwa ɀino, ɀakaŋga ɀisi’po kare; hauna‐kumboɀinzwa zuʋa rino risati raȿika; kuti urege kuti: Tarirai, ndaiɀiziʋa. 8Ɀirokwaɀo, hauna‐kunzwa, ɀirokwaɀo, hauna‐kuziʋa; ɀirokwaɀo, nzeʋe dzako dzakaŋga dzisina‐kudziʋurwa kubva paŋguʋa yakare; nokuti ndakaziʋa kuti wakaita nokunyeŋgera, ukanzi muɗariki kubva paciɀaro. 9Ndicanonosa kutsamŋa kwaŋgu nokuɗa kwezita raŋgu, ndicaɀidzora pamsoro pako nokuɗa kwokurumbidzwa kwaŋgu, kuti ndirege kukuparadza. 10Tarira, ndakakunatsa, asi handina‐kuɀiita senesirveri; ndakakuidza mucoto cokutambudzika. 11Nokuɗa kwaŋgu, nokuɗa kwaŋgu, ndicaɀiita; nokuti zita raŋgu riŋgamhurwa sei? Handiŋgapi mumŋe kukudzwa kwaŋgu.

12Nditerere, iwe Jakobo, newe Israeri wandakaɗana: Ndini iye, ndini wokutaŋga, ndini wokupedzisira ʋo. 13Ɀirokwaɀo, ruʋoko rwaŋgu rwakateya nheyo dzenyika, ruʋoko rwaŋgu rworudyi rwakatatamura ɗeŋga rose; kana ndiciɀiɗana, ɀinosimuka pamŋe cete. 14Ʋuŋganai imi mose, munzwe; ndianiko pakati paʋo wakaparidza ɀinhu iɀi? Iye unoɗikanwa naJehova, ucaita kuɗa kwake pamsoro peBabironi, ruʋoko rwake rucaʋa pamsoro paʋaKardea. 15Ini, iyeni, ndini ndakataura iɀoɀo; ɀirokwaɀo, ndakamuɗana, ndakamuʋuyisa, ucafambiswa panzira yakanaka. 16Sweɗerai kwandiri, munzwe cinhu ici; kubva pakutaŋga handina‐kutaura cinyararire; kubva paŋguʋa yokuʋamba kwaɀo, ndaiʋa’po; ɀino Ishe Jehova wakandituma, noMŋeya wake. 17Ɀanzi naJehova, Mudzikinuri wako, Mutȿene waIsraeri: Ndini Jehova Mŋari wako, unokudzidzisa ɀinokuɓatsira, unokutuŋgamirira panzira yaunofanira kufamba nayo. 18Haiwa! ɗai wakaterera hako mirairo yaŋgu! Rugare rwako ruŋgaɗai rwakaita sorwizi, nokururama kwako samafuŋgu eguŋgwa! 19Ʋana ʋako ʋaiʋa sejeca, neɀiɓereko ɀomuʋiri wako setsaŋga dzaro; zita rake harizaibviswa kana kuparadzwa pamberi paŋgu.

20Ibvai paBabironi, tizai ʋaKardea; paridzai nenzwi rokuimba, muziʋise iɀi, muɀireʋe kuȿikira kumigumo yenyika; muti: Jehova wakadzikinura muranda wake Jakobo. 21Haʋana‐kunzwa nyota ŋguʋa yaakaʋafambisa mumarenje; wakaʋayereresa mvura icibva paɗombo, wakatsemura ʋo ɗombo, mvura zhinji ikadzutuka. 22Ɀanzi naJehova: Ʋakaipa haʋanorugare.

Currently Selected:

Isaya 48: SUB1949

Highlight

Copy