Genesi 48

Jakobo unoropafadza ʋanakomana ʋaJosefa.

1Shure kwaiɀoɀo Josefa wakaʋudzwa, ɀicinzi: Tarira, ɓaɓa ʋako ʋanorwara; iye akatora ʋanakomana ʋake ʋaʋiri, Manase naEfraimi. 2Jakobo akaʋudzwa, ɀicinzi: Tarirai, mŋanakomana wenyu, Josefa, woʋuya kwamuri. Israeri akaɀisimbaradza, akagara paʋuʋato. 3Ɀino Jakobo akati kunaJosefa: Mŋari wamasimba ose wakaɀiratidza kwandiri paRuzi, panyika yeKanani, akandiropafadza, 4akati kwandiri: Tarira, ndicakuɓerekesa, ndicakuwanza, ndicakuita ndudzi zhinji; ndicapa ʋana ʋako ʋanokuteʋera nyika ino, iʋe yaʋo nokusiŋgaperi. 5Ɀino ʋanakomana ʋako ʋaʋiri, ʋawakaɓerekerwa panyika yeEgipita, ndisati ndaȿika kwauri paEgipita, ndaʋaŋgu; Efraimi naManase ʋacaʋa ʋaŋgu saʋanaRubeni naSimeoni. 6Asi ʋana ʋako, ʋawakaɓereka shure kwaʋo, ʋacaʋa ʋana ʋako, ʋacatumidzwa nezita raʋakuru ʋaʋo panhaka yaʋo. 7Kana ndirini, pakubva kwaŋgu paPadani, ndakafirwa naRakeri panyika yeKanani munzira ndaȿika pedyo neEfrati, ndikamuʋiga’po panzira inoenda Efrati (rimŋe zita ndiBetrehema). 8Israeri akaʋona ʋanakomana ʋaJosefa, akati: Ndiʋananiko? 9Josefa akati kunaɓaɓa ʋake: Ndiʋo ʋanakomana ʋaŋgu ʋandakapiwa pano naMŋari. Ʋakati: Ƌoʋuya naʋo kwandiri ndiʋaropafadze. 10Ɀino meso aIsraeri akaŋga oʋona madzerere nokukwegura, wakaŋga asicagoni kuʋona. Akaʋasweɗedza kwaʋari, Israeri akaʋaȿeta, akaʋambundikira. 11Israeri akati kunaJosefa: Handina‐kufuŋga kuti ndicaʋona ciso cako ɀe, ɀino tarira, Mŋari wakandiʋonesa naʋana ʋako ʋo. 12Josefa akaʋabvisa pakati pamabvi aʋo, akakotamira pasi neciso cake. 13Josefa akaʋaɓata ʋari ʋaʋiri, Efraimi norudyi rwake kuruɓoshwe rwaIsraeri, naManase noruɓoshwe rwake kurudyi rwaIsraeri, akaʋasweɗedza pedyo naye. 14Israeri akatambanudza ruʋoko rwake rworudyi, akaruisa pamusoro waEfraimi, waiʋa muɗuku, noruʋoko rwake rworuɓoshwe pamusoro waManase, akapesanisa maʋoko ake aciɀiziʋa, nokuti Manase wakaŋga ari weɗaŋgwe. 15Akaropafadza Josefa, akati: Mŋari uya, wakafamba madziɓaɓa aŋgu pamberi pake, ʋana‐Abrahama naIsaka, Mŋari wakandifudza paʋupenyu bgaŋgu bgose kuȿikira zuʋa ranhasi; 16mutumŋa wakandidzikinura paneɀakaipa ɀose, ŋgaaropafadze ʋakomana aʋa; zita raŋgu ŋgaritumidzwe kwaʋari, namazita amadziɓaɓa aŋgu, Abrahama naIsaka, ʋawande kwaɀo panyika. 17Ɀino Josefa wakati aciʋona kuti ɓaɓa ʋake ʋaisa ruʋoko rwaʋo rworudyi pamusoro waEfraimi, haɀina‐kumufadza, akaɓata ruʋoko rwaɓaɓa ʋake, kuti arubvise pamusoro waEfraimi, aruise pamusoro waManase. 18Josefa akati kunaɓaɓa ʋake: Regai kuɗaro, ɓaɓa ʋaŋgu, nokuti ndiye weɗaŋgwe, isai ruʋoko rwenyu pamusoro wake. 19Ƃaɓa ʋake ʋakaramba, ʋakati: Ndinoziʋa, mŋana waŋgu, ndinoziʋa; naiye ʋo ucaʋa rudzi, naiye ucaʋa mukuru ʋo; asi munuŋuna wake ucaʋa mukuru kwaari, ʋana ʋake ʋacaʋa ndudzi zhinji. 20Akaʋaropafadza nomusi iwoyo, akati: Newe ʋaIsraeri ʋacaropafadza, ʋaciti: Mŋari ŋgaakuite saEfraimi naManase. Akaisa Efraimi pamberi paManase. 21Ɀino Israeri akati kunaJosefa: Tarira, ndofa, asi Mŋari ucaʋa nemi, ucakudzoserai kunyika yamadziɓaɓa enyu. 22Newe ndinokupa mugoʋe mumŋe kupfuʋura ʋamŋe ʋana ʋaɓaɓa ʋako, uya wandakatorera ʋaAmori nomunondo waŋgu noʋuta bgaŋgu.

Currently Selected:

Genesi 48: SUB1949

Highlight

Copy