Genesi 43

1Ɀino nzara yakaŋga iri huru munyika iyo. 2Ɀino ʋakati ʋapedza ɀiyo, ɀaʋakaŋga ʋabva naɀo Egipita, ɓaɓa ʋaʋo ʋakati kwaʋari: Dzokai, endai ɀe mutiteŋgere ɀokudya ɀishoma. 3Juda akataura naʋo, akati: Murume uya wakatinyeʋera kwaɀo, akati: Hamuŋgatoŋgoʋoni ciso caŋgu, kana munuŋuna wenyu asati anemi. 4Kana mukatuma munuŋuna weɗu nesu, ticaɓuruka, kundoteŋga ɀokudya; 5asi kana musiŋgamutumi, hatiŋgaɓuruki; nokuti murume uya wakati kwatiri: Hamuŋgaʋoni ciso caŋgu, kana munuŋuna wenyu asati anemi. 6Israeri akati: Makandiitireiko ɀakaipa ɀakaɗai, ɀamakaʋudza murume uya kuti munomunuŋuna? 7Iʋo ʋakati: Murume uya wakatibvunzisisa pamsoro peɗu, napamsoro pehama dzeɗu, akati: Ƃaɓa ʋenyu ʋapenyu here — Munomunuŋuna here — Tikamupindura namashoko awa; taigoziʋa here kuti ucati: Ƃurukai nomunuŋuna wenyu? 8Ɀino Juda akati kunaIsraeri, ɓaɓa ʋake: Tumai henyu mukomana neni, tisimuke, tiende, tirarame, tirege kufa, isu nemi, naʋanana ʋeɗu. 9Ini ndicaʋa ruɓatso rwake; muŋgamureʋa paruʋoko rwaŋgu; kana ndikasaʋuya naye, ndikamuisa pamberi penyu, ini ndicaʋa nemhoȿa kwamuri nokusiŋgaperi. 10Nokuti ɗai tisina‐kunonoka, ɀirokwaɀo, tiŋgaɗai tadzoka ɀino rwecipiri. 11Ipapo Israeri, ɓaɓa ʋaʋo, akati kwaʋari: Kana ɀakaɗaro, itai cinhu ici: Torai micero yakanaka yenyika mumidziyo yenyu, muɓuruke necipo kumunhu uyo, cebarsami shomanene, noʋuci ʋushomanene, neɀinonhuwira, nemura, nemicero yomuti wepistakio, namaamanda; 12mutore mari yakapamhidzwa kaʋiri mumaʋoko enyu, neiya mari yakaŋga yadzoserwa mumiromo yehomo dzenyu, muende makaiɓata mumaʋoko enyu; ɀimŋe ʋakakaŋganisa. 13Nomunuŋuna wenyu mumutorei, musimuke, mudzokere kumurume uyo; 14Mŋari wamasimba ose ŋgaakupei nyasha pamberi pomurume uyo, akusunuŋgurirei mumŋe munuŋuna wenyu naBenjamini ʋo. Kana ndatorerwa ʋana ʋaŋgu, ndatorerwa haŋgu.

15Ɀino ʋarume ʋakatora cipo ico, ʋakaɓata mumaʋoko aʋo mari yakapamhidzwa kaʋiri, naBenjamini, ʋakasimuka, ʋakaɓurukira Egipita, ʋakandomira pamberi paJosefa. 16Ɀino Josefa wakati aciʋona Benjamini anaʋo, akati kumutariri weimba yake: Ʋuya naʋarume mumba, uɓaye, ugadzire; nokuti ʋarume aʋa ʋacadya neni masikati. 17Murume uyo akaita seɀaakaʋudzwa naJosefa; murume uyo akaisa ʋarume aʋo mumba maJosefa. 18Ʋarume ʋakatya, ɀaʋakaiswa mumba maJosefa, ʋakati: Tinoiswa’mo nokuɗa kwemari yakadzoserwa muhomo dzeɗu paŋguʋa yokutaŋga, kuti atȿake mhoȿa kwatiri, atiʋambe, nokutiita ʋaranda ʋake, acitora ʋo mboŋgoro dzeɗu. 19Ipapo ʋakasweɗera kumutariri weimba yaJosefa, ʋakataura naye pamukoʋa weimba; 20ʋakati: Haiwa, ishe weɗu, ɀirokwaɀo paŋguʋa yokutaŋga takaɓuruka kuzoteŋga ɀokudya; 21tikati ticiȿika patakaʋata ʋusiku, tikasunuŋgura homo dzeɗu, ʋonei mari yomumŋe nomumŋe iri mumuromo wehomo yake, mari yeɗu yose seɀayakayerwa; ɀino tadzoka nayo pamaʋoko eɗu. 22Ɀino taɓuruka tineimŋe mari ɀe mumaʋoko eɗu kuti titeŋge ɀokudya nayo; hatiziʋi kuti mari yeɗu yakaiswa muhomo dzeɗu nani. 23Iye akati: Farai henyu, musatya; Mŋari wenyu, Mŋari waɓaɓa ʋenyu, wakakupai fuma muhomo dzenyu; mari yenyu yakaȿika kwandiri. Akaʋaɓuɗisira Simeoni. 24Murume uyo akaisa ʋarume aʋo muimba yaJosefa, akaʋapa mvura, ʋakashambidza tsoka dzaʋo, akapa ʋo mboŋgoro dzaʋo ɀokudya. 25Ʋakagadzira cipo kuȿikira kuʋuya kwaJosefa masikati, nokuti ʋakaŋga ʋanzwa kuti ʋacadya ɀokudya ipapo. 26Josefa wakati aȿika kumba, ʋakapinda mumba necipo cakaŋga ciri mumaʋoko aʋo, ʋakakotamira pasi pamberi pake. 27Iye akaʋabvunza mufaro waʋo, akati: Ƃaɓa ʋenyu ʋakafara here, uya mutana wamaireʋa — Ʋaciri ʋapenyu here? 28Iʋo ʋakati: Muranda wenyu, ɓaɓa ʋeɗu, ʋakafara haʋo, ʋaciri ʋapenyu. Ʋakakotama, ʋakanamata. 29Iye akasimudza meso ake, akaʋona Benjamini, munuŋuna wake, mŋanakomana wamai ʋake, akati: Ndiye here munuŋuna wenyu muɗuku, worugotwe, wamakandiʋudza — Akati: Mŋari ŋgaaʋe nenyasha newe, mŋana waŋgu. 30Ɀino Josefa akakurumidza, nokuti mŋoyo wake wakacema munuŋuna wake, akatȿaka paaŋgacema; akapinda muimba yake yomukati, akacema’po. 31Akazoshambidza ciso cake, akaɓuɗa ɀe, akaɀidzora, akati: Pakurai ɀokudya. 32Ʋakamupakurira iye oga, naiʋo ʋoga, naʋaEgipita, ʋaisidya naye, ʋoga ʋo, nokuti ʋaEgipita haʋana‐kutenderwa kudya naʋaHeberu, nokuti ɀinonyaŋgadza kunaʋaEgipita. 33Ʋakagara pamberi pake, weɗaŋgwe paʋuɗaŋgwe bgake, nomuɗuku kunaʋose paʋuɗuku bgake; ʋarume ʋakatarirana, ʋakashamiswa. 34Akaʋagoʋera ɀokudya ɀakaŋga ɀiri pamberi pake, asi mugoʋe waBenjamini wakaenzana nowaʋashanu ʋaʋo. Ʋakanwa, ʋakafara naye.

Currently Selected:

Genesi 43: SUB1949

Highlight

Copy