Ezekieri 44

Mirairo yenɀimbo tȿene.

1Ɀino wakandidzosa nenzira yesuʋo rokunze renɀimbo tȿene, rakaŋga rakatarira kurutiʋi rwamabvazuʋa; asi rakaŋga rakapfigwa. 2Jehova akati kwandiri: Suʋo iri rinofanira kugara rakapfigwa, harifaniri kuzarurwa, ʋuye hakunomunhu unofanira kupinda naro, nokuti Jehova Mŋari waIsraeri wapinda naro; saka rinofanira kuramba rakapfigwa. 3Kana ari mucinda, iye unofanira kugara’mo ari mucinda, adye ɀokudya pamberi paJehova; unofanira kupinda nenzira yeɓiraʋira resuʋo, ndokuɓuɗa ɀe nenzira iyeyo. 4Ipapo akaenda neni nenzira yesuʋo rokurutiʋi rwokumsoro pamberi peimba; ndikatarira, ndikaʋona kubginya kwaJehova kucizadza imba yaJehova; ndikawira pasi neciso caŋgu. 5Jehova akati kwandiri: Mŋanakomana womunhu, cerekedza ɀakanaka, utarire nameso ako, unzwe nenzeʋe dzako ɀose ɀandinokuʋudza pamsoro pemitemo yose yeimba yaJehova, nemirairo yayo yose; cerekedza ɀakanaka panopindwa napo paimba, napanoɓuɗiwa napo pose panɀimbo tȿene. 6Ɀino uti kunaʋakandimukira, kuimba yaIsraeri: Ɀanzi naShe Jehova: Nhai, imi imba yaIsraeri, ciriŋganiswai neɀinonyaŋgadza ɀenyu, 7iɀo ɀokupinza kwenyu ʋatorwa, ʋanemŋoyo isino‐kudziŋgiswa nenyama isino‐kudziŋgiswa, kuti ʋaʋe munɀimbo yaŋgu, mucimhura iyo imba yaŋgu, kana mucindiʋigira ɀokudya, namafuta neropa; ʋakaputsa suŋgano yaŋgu, ʋacinyanyisa ɀinonyaŋgadza ɀenyu. 8Hamuna‐kuceŋgeta ɀinhu ɀaŋgu ɀitȿene, asi makagadza ʋatariri ʋanokuceŋgeterai imi ɀinhu ɀaŋgu munɀimbo yaŋgu tȿene. 9Ɀanzi naShe Jehova: Mutorwa unomŋoyo usino‐kudziŋgiswa nenyama isino‐kudziŋgiswa ŋgaarege kupinda munɀimbo yaŋgu tȿene, aninani waʋatorwa ʋari pakati paʋana ʋaIsraeri. 10Asi ʋaRevi, ʋakaenda kure neni paŋguʋa yokutsauka kwaIsraeri, ʋakatsauka kwandiri ʋaciteʋera ɀifananidzo ɀaʋo, iʋo ʋacaʋa nemhoȿa yeɀakaipa ɀaʋo. 11Asi ʋanofanira kuʋa ʋashumiri munɀimbo yaŋgu tȿene, naʋatariri pamasuʋo eimba, naʋanoshumira mumba; iʋo ʋanofanira kuɓayira cipiriso cinopiswa, neɀinoɓayirwa ʋanhu, nokumira pamberi paʋo kuʋashumirira. 12Ɀaʋakaʋashumirira pamberi peɀifananidzo ɀaʋo, ʋakazoʋa cigumbuso ceɀakaipa kuimba yaIsraeri; naiɀoɀo ndakaʋasimudzira ruʋoko rwaŋgu — ndiɀo ɀinotaura Jehova — ʋacaʋa nemhoȿa yeɀakaipa ɀaʋo. 13Haʋaŋgasweɗeri kwandiri, kundiitira ɓasa roʋuprista, kana kusweɗera kucinhu cipi necipi ceɀinhu ɀaŋgu ɀitȿene, kuɀinhu ɀitȿene kwaɀo; asi ʋacaʋa nemhoȿa yokunyadziswa kwaʋo, neyeɀinonyadzisa ɀaʋo ɀaʋakaita. 14Asi ndicaʋaita ʋatariri ʋanoceŋgeta imba, ʋaite ɓasa rayo rose, neɀose ɀinofanira kuitwa’mo.

15Asi ʋaprista ʋaRevi, iʋo ʋanakomana ʋaZadoki, ʋaiceŋgeta ɓasa renɀimbo yaŋgu tȿene paŋguʋa yokutsauka kwaʋana ʋaIsraeri ʋacibva kwandiri, ndiʋo ʋacasweɗera kwandiri kuzondishumira; iʋo ʋacamira pamberi paŋgu kuzondiɓayira mafuta neropa — ndiɀo ɀinotaura Ishe Jehova; 16ʋacapinda munɀimbo yaŋgu tȿene, ʋacasweɗera kutafura yaŋgu, kuti ʋandishumire, ʋuye ʋacaceŋgeta ɓasa raŋgu. 17Ɀino kana ʋacipinda pamasuʋo oruʋazhe rwomukati, ʋacafanira kufuka ŋguʋo dzemiceka; makushe ŋgaarege kuʋa pamiʋiri yaʋo, kana ʋacishumira mumasuʋo oruʋazhe rwomukati, nomukati meimba. 18Ʋacafanira kufuka ŋgowani dzemiceka pamisoro yaʋo, ʋuye ʋacafanira kuʋa namaburuku emiceka paɀiʋuno ɀaʋo; ŋgaʋarege kuɀisuŋga ciʋuno necinhu cinoɓuɗisa ziya. 19Kana ʋaciɓuɗira kuruʋazhe rwokunze, iko kuruʋazhe rwokunze kuʋanhu, ʋanofanira kubvisa ŋguʋo dzaʋo dzaʋanoshumira nadzo, ndokudziisa mumakamuri matȿene; ʋanofanira kufuka dzimŋe ŋguʋo, kuti ʋarege kuita ʋanhu ʋatȿene neŋguʋo dzaʋo. 20Ŋgaʋarege kuʋeʋura misoro yaʋo, kana kurega vudzi raʋo ricireɓa; ŋgaʋagunde cete misoro yaʋo. 21Muprista upi noupi ŋgaarege kunwa waini, kana acipinda muruʋazhe rwomukati. 22Haʋafaniri kuwana cirikadzi, kana mukadzi wakarambga nomurume; asi ʋanofanira kuwana mhandara pakati paʋana ʋeimba yaIsraeri, kana cirikadzi, iri cirikadzi yomuprista. 23Ʋanofanira kudzidzisa ʋanhu ʋaŋgu kusiyana kweɀitȿene neɀisi ɀitȿene, nokuʋadzidzisa kutsaura pakati peɀisino‐kunaka neɀakanaka. 24Kana panegakaʋa ʋanofanira kuʋa ʋatoŋgi; ʋanofanira kutoŋga nemitemo yaŋgu; ʋacafanira kuceŋgeta mirairo yaŋgu nemitemo yaŋgu pamitambo yaŋgu yose yakatarwa; masaɓata aŋgu ŋgaaʋe matȿene kwaʋari. 25Ŋgaʋarege kupinda kuneɀitunha, kuti ʋarege kuɀiȿiɓisa; asi ʋaŋgaɀiȿiɓisa nokuɗa kwaɓaɓa, kana mai, kana mŋanakomana, kana mŋanasikana, kana mukoma nomunuŋuna, kana hanɀadzi yakaŋga icigere kuwanikwa. 26Ɀino kana iye apera kunatswa, unofanira kutarirwa mazuʋa manomŋe. 27Nezuʋa raanozopinda munɀimbo tȿene, muruʋazhe rwomukati, kundoshumira munɀimbo tȿene, ucafanira kuɓayira cipiriso cake ceɀiʋi — ndiɀo ɀinotaura Ishe Jehova. 28Ʋacaʋa nenhaka; ini ndini nhaka yaʋo; hamufaniri kuʋapa fuma pakati paIsraeri, ini ndini fuma yaʋo. 29Ʋanofanira kudya cipiriso coʋupfu, necipiriso ceɀiʋi, necipiriso cemhoȿa; cinhu cipi necipi cakatsaurirwa Jehova pakati paIsraeri cicaʋa caʋo. 30Cakaiȿo‐naka paɀiɓereko ɀokutaŋga ɀeɀose, neɀipiriso ɀakatsaurwa ɀeɀose, ɀeɀipo ɀenyu ɀose, ɀinofanira kuʋa ɀaʋaprista; munofanira kupa ʋo ʋaprista ɀokutaŋga ɀoʋupfu bgenyu bgakakuyiwa, kuti mugarise ropafadzo paimba yenyu. 31Ʋaprista ŋgaʋarege kudya cinhu cipi necipi cakaŋgofa coga, kana cakabvamburanyiwa, kana iri shiri kana cipfuwo.

Currently Selected:

Ezekieri 44: SUB1949

Highlight

Copy