I Samueri 5

Areka yaJehova panyika yaʋaFiristia.

1Ɀino ʋaFiristia ʋakatora areka yaMŋari, ʋakabva nayo Ebeni‐ezeri, ʋakaiisa Ashdodi. 2ƲaFiristia ʋakatora areka yaMŋari ʋakaiisa mumba maDagoni, ʋakaigadzika kurutiʋi rwaDagoni. 3Ɀino ʋeAshdodi ʋakati ʋacimuka maŋgwanani, ʋonei Dagoni wawira pasi neciso pamberi peareka yaJehova. Ʋakatora Dagoni, ʋakamugadzika ɀe panɀimbo yake. 4Ɀino ʋakati ʋacimuka maŋgwanani, ʋonei Dagoni wawira pasi neciso pamberi peareka yaJehova; nomusoro waDagoni neɀanza ɀamaʋoko ake ose maʋiri ɀakaŋga ɀavunika, ɀiri pacikumbaridzo comukoʋa; Dagoni wakaŋga asarirwa nomuʋiri woga. 5Saka ʋaprista ʋaDagoni, naʋose ʋanopinda mumba maDagoni, haʋatsiki pacikumbaridzo caDagoni paAshdodi kuȿikira nhasi.

6Asi ruʋoko rwaJehova rwakatambudza ʋeAshdodi, akaʋaparadza nokuʋaroʋa namamota, iʋo ʋeAshdodi nenyika yaʋo. 7Ɀino ʋarume ʋeAshdodi ʋakati ʋaciʋona kuti ndiɀo ɀaʋanoitirwa, ʋakati: Areka yaMŋari waIsraeri ŋgairege kugara pakati peɗu; nokuti ruʋoko rwake runotitambudza isu namŋari weɗu Dagoni. 8Naiɀoɀo ʋakatuma nhume kundoʋuŋganidza kwaʋari madzishe ose aʋaFiristia, ʋakati: Ticaita seiko neareka yaMŋari waIsraeri? Ʋakapindura, ʋakati: Areka yaMŋari waIsraeri ŋgaiiswe Gati. Ʋakaisa areka yaMŋari ikoko. 9Ʋakati ʋaiisa’ko, ruʋoko rwaJehova rukavundusa guta nokuvundusa kukuru; akaroʋa ʋarume ʋeguta, ʋaɗuku naʋakuru, ʋakapomerwa mamota. 10Naiɀoɀo iʋo ʋakatumira areka yaMŋari Ekroni. Ɀino areka yaMŋari yakati yaȿika Ekroni, ʋeEkroni ʋakacema kwaɀo, ʋakati: Ʋaʋuya neareka yaMŋari waIsraeri kwatiri, kuzotiʋuraya, isu naʋanhu ʋeɗu. 11Naiɀoɀo ʋakatuma nhume kundoʋuŋganidza madzishe ose aʋaFiristia, ʋakati: Tumai areka yaMŋari waIsraeri, ibve, idzoserwe kunɀimbo yayo, kuti irege kutiʋuraya, isu naʋanhu ʋeɗu; nokuti guta rose rakaŋga ravunduswa nokuvundusa kworufu; ruʋoko rwaJehova rwakaʋatambudza ɀikuru ipapo. 12Ʋarume, ʋasino‐kufa, ʋakarobga namamota, kucema kweguta kukakwira kuɗeŋga.

Currently Selected:

I Samueri 5: SUB1949

Highlight

Copy