Sam 70
70
Prea we man i mekem blong God i givhan long hem
(Sam 40.13-17)
(Sing ya, Deved i wokem.)
(Tok i go long God.)
1Hae God. Yu yu God blong mi.
Plis yu sevem mi.
Yu kam kwik, yu halpem mi.
2Olgeta we oli stap traem blong kilim mi,
i gud yu daonem olgeta
we bambae oli lusum hed from.
Olgeta we oli glad
from we mi mi stap long trabol,
i gud yu mekem olgeta oli tanemraon,
oli gobak we bambae oli sem gud.
3Olgeta we oli stap laf long mi,
i gud yu mekem olgeta oli lus
we tingting blong olgeta
bambae i foldaon olgeta.
4Be olgeta we oli stap kam long yu,
i gud yu mekem olgeta oli fulap glad
we oli stap harem gud oltaem.
Olgeta ya oli stap talem tangkiu long yu
from we yu stap sevem olgeta,
mo i gud yu letem olgeta
oli stap talem oltaem se,
“!God, hem i hae we i hae!”
5Hae God, yu yu God blong mi.
Mi mi pua, mi no gat paoa.
Plis yu kam kwiktaem.
Oltaem yu yu stap sevem mi.
Plis yu kam kwik,
yu givhan long mi.
Currently Selected:
Sam 70: BBR
Highlight
Share
Copy
Want to have your highlights saved across all your devices? Sign up or sign in
Bislama Revised Bible © Bible Society of the South Pacific, 2012.
