Jenesis 5
5
Ol laen blong Adam, i stat long Set, i kam kasem Noa
(1 Kronikel 1.1-4)
1-2 #
Jen 1.27,28 #
Mat 19.4; Mak 10.6 Long taem ya we God i mekem man, hem i mekem we i tekem fasin blong hem, i olsem hem. Fastaem, hem i mekem tu man nomo, wan we i man mo wan we i woman, mo long dei* ya we hem i mekem tufala, hem i blesem tufala, mo i putum nem blong tufala se Man. Nao olgeta we oli kamaot biaen long fas man ya Adam, stori blong olgeta i olsem.
3Adam i gat wan handred toti yia blong hem, nao i bonem wan pikinini boe blong hem bakegen we i olsem hem, i tekem fasin blong hem, mo i putum nem blong pikinini ya se Set. 4Nao hem i stap eit handred yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 5Mo taem hem i ded, hem i gat naen handred toti yia blong hem.
6Mo Set i gat wan handred faef yia blong hem, nao i bonem Enos. 7Nao hem i stap eit handred seven yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 8Mo taem hem i ded, hem i gat naen handred twelef yia blong hem.
9Mo Enos i gat naenti yia blong hem, nao i bonem Kenan.* 10Nao hem i stap eit handred fiftin yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 11Mo taem hem i ded, hem i gat naen handred faef yia blong hem.
12Mo Kenan i gat seventi yia blong hem, nao i bonem Mahalalel. 13Nao hem i stap eit handred foti yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 14Mo taem hem i ded, hem i gat naen handred ten yia blong hem.
15Mo Mahalalel i gat sikisti faef yia blong hem, nao i bonem Jared. 16Nao hem i stap eit handred toti yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 17Mo taem hem i ded, hem i gat eit handred naenti faef yia blong hem.
18Mo Jared i gat wan handred sikisti tu yia blong hem, nao i bonem Inok. 19Nao hem i stap eit handred yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 20Mo taem hem i ded, hem i gat naen handred sikisti tu yia blong hem.
21Mo Inok i gat sikisti faef yia blong hem, nao i bonem Metusela. 22Nao hem i stap tri handred yia bakegen, we oltaem hem i stap fren gud wetem God, mo long taem ya, hem i bonem ol narafala pikinini bakegen, sam we i boe mo sam we i gel. 23-24#Hib 11.5; Jud 1.14Oltaem long laef blong hem, hem i stap fren gud wetem God, nao God i tekemaot hem long wol ya we i laef yet, mo ol man oli no moa luk hem bakegen. Long taem ya, hem i gat tri handred sikisti faef yia blong hem.
25Mo Metusela i gat wan handred eiti seven yia blong hem, nao i bonem Lamek. 26Nao hem i stap seven handred eiti tu yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 27Mo taem hem i ded, hem i gat naen handred sikisti naen yia blong hem.
28Mo Lamek i gat wan handred eiti tu yia blong hem, nao i bonem wan pikinini boe blong hem. 29Hem i talem se, “Pikinini ya bambae i givim spel long yumi, we bambae yumi spel lelebet long ol hadwok blong yumi long graon ya we Hae God i jajem finis, i mekem i kam nogud.” Nao hem i putum nem blong pikinini ya se Noa.#5.29: Noa. Long lanwis ya Hibru, nem ya klosap i olsem wan narafala tok we i talem se “Spel lelebet”. 30Nao hem i stap faef handred naenti faef yia bakegen, mo long taem ya, hem i bonem ol narafala pikinini bakegen, sam we i boe mo sam we i gel. 31Mo taem hem i ded, hem i gat seven handred seventi seven yia blong hem.
32Noa i gat faef handred yia blong hem, nao i bonem Sem, mo Ham mo Jafet.
Currently Selected:
Jenesis 5: BBR
Highlight
Share
Copy
Want to have your highlights saved across all your devices? Sign up or sign in
Bislama Revised Bible © Bible Society of the South Pacific, 2012.