Psalms 43
43
Meybil ni tay be’ ni kan chuweg ko nam rok
(Ul ul ko Psalm 42)
1Got, mu gagiyeg ngan nang ndawor gu bucheg ban’en,
ma ga ayuwegneg u pa’ e pi’in nde mich Got u wun’rad;
mu ayuwegneg rok e girdi’ ni yad ma lifith l’ugunrad ma yad ba kireb!
2Got, i gur e manaf rog,
mang ni kam pageg?
Mang nthingar ug gafgow
ko kireb nib gel ni be rin’ e pi to’ogor rog ngog?
3Mpi’ e tamilang rom nge thin rom nib riyul’ nge yib ngog,
ngar pow’iyew gag
miyow fulwegneg nga Zion, ko burey rom nib thothup,
nge ngalan e tempel rom, ko gin ga ma par riy!
4Ma aram mu gu wan nga altar rom, i gur Got,
ya gur kenggin e felfelan’ rog,
bay gu musik ko harp rog nggu tang nigem nib sorom,
I gur Got, ni gur e Got rog!
5Mangfan ni kari taganan’ug?
Mangfan ni dakir paslag lanin’ug?
Bay gu tay e pagan’ rog nga daken Got,
ma aram bayay ni bay ku gu pining e sorok ngak,
ya ir e ta’ayuw rog ma Got rog.
Currently Selected:
Psalms 43: YAP
Highlight
Share
Copy
Want to have your highlights saved across all your devices? Sign up or sign in
© 2007 Bible Society of Micronesia. Released under the Creative Commons CC-BY-SA license 4.0.