Tourat 1: Foeda Nama 7
7
Duniait gozobi ban
1Ar Mabude Nuhre ḳoila, “Tumi ar tumar foribaror hoḳol aia zazo uṭbae. Ami dekiar i zomanar manshor maze tumi-u ḳali dindar. 2Tumi halal zanuar oḳol taki nor-medi milaia shat zuṛa ḳori ar haram zanuar taki eḳ zuṛa ḳori tumar loge loio. 3Asmano uṛra fakir maz taki nor-medi milaia shat zuṛa ḳori loio. Duniar maze erar bongsho basanir lagi ikan ḳorio. 4Ami shat din bade duniair ufre sallish din sallish rait eḳlagare meg dimu, ar hoḳol zandarre dunia taki kotom ḳormu.” 5Mabudor hukum mafik Nuhe hoḳol ḳam ḳorla.
6Boinna shurur shomoy Nuhor boyosh asil soy-sho boros. 7Boinna taki basar lagi Nuh, tan bibi, tan fuain ar fuaintor boure loia zazo gia uṭla. 8-9Allar hukum mafik halal-haram zanuar, faki, buke solra zandaror nor-medi milia zuṛa zuṛa oia Nuhor gese aia zazo hamaila. 10Ou shat din bade duniait boinna oilo.
11Nuhor soy-sho bosoror shomoy dusra mashor shotro tarik fatalor hoḳol fani bar oito laglo, ar asman zenu faṭi gelo. 12Sallish din sallish rait duniair ufre meg oilo. 13Zedin meg shuru oilo, idin Nuh, tan bibi, tan fuain Sham, Ham, Iafet ar tarar bou oḳol-o zazo aia uṭla. 14Tarar loge zuṛa zuṛa ḳori hoḳol zator zongli zanuar, fala heman, maṭir maze buke solra zandar, faki ar ḍaḳna-ala hoḳolta-o uṭla. 15Dom falaia base ila hoḳol zator zandar Nuhor gese aia zazo uṭsil. 16Allar hukum mafik-u nor-medir zuṛa milia tara uṭsil. Erbade Mabude zazor duar bond ḳori dila.
17Sallish din dori duniait fani baṛte-u taḳlo. Fani baṛi zaoae zazḳan maṭi taki ufre baia uṭlo. 18Bade fani kub baṛlo ar zazḳan fanir ufre solasol ḳorlo. 19Ar fani baṛte-u taḳlo. Erlagi zeno zoto boṛo boṛo faṛ asil, hokkolta buṛi gelo. 20Hoḳol faṛ-forbot buṛia fani aro fonro at ufre uṭlo. 21Ar duniait solra hoḳol zandar, mani faki, fala heman, zongli zanuar ar fal bandia gurra hoḳolta, manshor loge binash oigelo. 22Maṭir ufre zoto roḳomor zoto zandar dom falaia base ita hoḳolta-u morigelo. 23Allae ou nomunae zominor hoḳol zandar duniair ufor taki fusilaila. Ete manush, zanuar, buke solra zandar ar asmanor faki duniai taki saf oigelo. Ḳali Nuh ar tan loge zara asil, tara-u basia roila. 24Dunia deṛ-sho din fanit buṛail roilo.
Currently Selected:
Tourat 1: Foeda Nama 7: sylL
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.