Tourat 1: Foeda Nama 6
6
Hozrot Nuh (a:) (6:1—10:32)
Duniait naformani baṛse
1Duniar ufre zebla manush baṛa arombo oilo, ar bout fuṛintor-o zonom oilo, 2teu gaibi shoktiala oḳole#6:2 Gaibi shoktiala oḳol: mul Hibru bashae ‘Bnei Eluhim’, mani ‘Boni Elahi’. Era asmani ba duniabi kunu bolala zat oito fare. ou fuṛintore ḳubsurot dekia, ze zare kushi taire fosond ḳori nila. 3Ita dekia Mabude ḳoila, “Amar ruhu hamesha manshor loge taḳto nae. Manush to ḳali gustor ḳaya, oḳon taki ami tarare eḳ-sho bish boros hayat diar.” 4Ou fuṛintor loge hou gaibi shoktiala oḳlor mila-mishar ḳarone ze aolador zonom oilo, tara asla furana zomanar foyluan oḳol. Hi shomoy ba tar bade-o duniait Nefili zator manush asil.
5Mabude deḳla, duniait manshor naformani kub baṛi gese, ar tarar dilor ḳaish, kial-kushi kali karafir bae. 6Ita dekia Mabude kub toklif faila, tain duniait manush foyda ḳorsila ḳori kub bezar oila. 7Ar ḳoila, “Amar foyda ḳora manshore, ar tarar loge hoḳol zator zanuar, maṭit solra huru-muru zandar ar asmanor faki-o ḳotom ḳori dimu. Itare foyda ḳoria amar dilo duk lager.” 8Oile Nuhor ufre Mabud kushi asla.
Hozrot Nuh (a:)or kishti
9Ita oilo Nuhor zindegir boyan. Nuh eḳzon kamil manush, tan amolor manshor maze tain-u asla fak-forezgar. Allar loge tanor ḳas didar asil. 10Sham, Ham ar Iafet namor tan tin fua asil.
11I shomoy Allar sokut hara duniai gunae fosi gese ar zur-zulume bori gese. 12Allae duniar bae saia deḳla, ita gunae fosi gese. Ḳaron duniar manshor ḳaislot be-fote gesegi. 13Ita dekia Allae Nuhre ḳoila, “Tamam manush zatre ami kotom ḳorilaitam ṭik korsi. Manshor lagi duniai zur-zulume bori gese. Manshor loge loge duniar hoḳolta ami shesh ḳorilitam. 14Tumi goforor toḳta dia tumar lagi ekḳan zaz banao. Er bitre alga alga kuṭa taḳbo. Ar zazor bare-bitore alḳatra lagaio. 15Zazḳan lambae tin-sho at, fashe foinchash at ar ḳaṛa-ubi tish at banaio. 16Ar salo taki eḳ at tole sairobae kiṛki raḳbae, ar duar dibae zazor ek kandat. Zazḳan titala banaio. 17Dekio, ami duniait ola boinna dimu, asmanor tole zoto zandare dom falae hoḳolta-u binash oizibo. Duniair hoḳol zandar-u morizibo. 18Ḳali tumar loge amar oada zari raḳmu. Tumi gia zazo uṭbae, ar tumar loge tumar fuain, tumar bibi ar tumar fuaintor bou-o. 19Ar zan basanir lagi tumi hoḳol zator zandaror beṭa-beṭir zuṛa milaia tumar loge zazo tulbae. 20Forteḳ zator faki, heman-zanuar ar maṭir maze buke solra zandarre basanir lagi zuṛa zuṛa ḳori tumar gese anbae. 21Ar tumi hoḳol zator lagi kanir zinish zugaṛ ḳori raḳbae. Ita tumar ar tarar ḳani oibo.” 22Nuhe Allar hukum mafik hoḳolta-u ḳorla.
Currently Selected:
Tourat 1: Foeda Nama 6: sylL
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.