Senisi 36

Esao ka noti me taminemetemone amake.

1Esao ka noti me e nemetemone me amake ahi. Ino owamatamona amaka Eto tohahari. 2Esao Kanaha ka fanawi famarawa yabarawehimatamonaka. Ata toha, Oribama toha nemetemoneke. Ata Ero bitemetemone amake, Ero ka me ka owa. Oribama Ana bitemetemone amake, Sibiao ka noti tohaharo, Sibiao heti me ka owa. 3Esao Basemati iti nematamonaka, Isimayeo bite tohaharo. Isimayeo bite onemetemone amake Nebaioti toaharo. 4Ata bitimatamona amaka Erifasi. Basemati bitimatamona amaka Heoweo. 5Oribama biti memetemone me amake, Seosi toha, Saraha toha, Kora toha nari. Afa memetemone me amake, Esao biti mati, me wataha mati Kanaha ya, Esao winahari Kanaha ya.

6Manakobote Esao tokehimatamonaka yama one ya hinaka me ya tabahari, fati toharawa, biti me toha, bite toharawa, hinaka yobe ka me one toha na mati. Nisori Yako wini ya wini famamarematamonaka tokahari yama one ya. Hinaka yama nafi towakematamonaka hiwasiaro Kanaha ya, ofeya me toha, kabirita me toha, bowi me toha, yama one toha naro. 7Esao ya Yako me famaha me ka bowi me tami ka me wini famamarabone me ati nemetemoneke, yama kabani nafiri karo. Makoni Esao banehimatamonaka. 8Esao toke winehimatamonaka Sei ka yati nemeha si toni ka yama ya. Esao ino owamatamona amaka Eto tohahari.

9Esao ka noti me e nemetemone me amake ahi: Eto ka me ka itimatamona amaka Esao, me wina mati Eto ka yati nemeha si toni ka yama ya. Eto ini onemetemone amake Sei tohaharo. 10-13Esao fati Ata tohaha bitimatamona amaka Erifasi tohahari. Erifasi biti me siko nemetemoneke, Tema toha, Oma toha, Sefo toha, Kaeta toha, Kenasi toha nari. Erifasi fati one fati yokana amara bitimatamona amaka Amareki tohahari.

Esao fati one Basemati toha bitimatamona amaka Heoweo tohahari. Heoweo biti me kowato nemetemoneke, Nahati toha, Sera toha, Sama toha, Misa toha nari.

14Esao fati onemetemone amake Oribama tohaharo. Oribama Ana bitemetemone amake, Sibiao ka noti tohaharo. Oribama biti memetemone amake, Seosi toha, Saraha toha, Kora toha nari.

15-16Esao ka noti me ate inimete amake haro, Temaha toha, Oma toha, Sefo toha, Kenasi, Kora, Kaetaha, Amareki toha naro. Afa Esao biti taiti Erifasi tohe ka noti me ate inimetemone amake. Esao fati Ata tohaha ka noti memetemone me amake.

17Reoweo ka noti me ate inimetemone amake haro, Nahati toha, Sera toha, Sama toha, Misa toha naro. Afa Esao fati one Basemati tohaha ka noti memetemone me amake.

18Esao fati one Ana bite Oribama tohaha ka noti me ate inimetemone amake haro, Seosi toha, Saraha toha, Kora toha naro. 19Afa Esao ka noti me ate nafi inimetemone amake.

Sei ka noti me taminemetemone amake.

20-21Eto ya ho me wiwina tohehemetemoneke baha. Ho me ka owa inomatamona amaka Sei tohahari. Sei biti me inimetemone amake haro, Rotaha toha, Sobao toha, Sibiao toha, Ana toha, Tiso toha, Ese toha, Tisa toha nari. Afa me ka noti me ate ka me wiwina tohehemetemoneke Eto ya.

22Hori ka noti me toha, Homaha ka noti me toha na me wiwina tohehemetemoneke Eto ya. Rotaha ka noti memetemone me amake, Hori toha, Homaha toha nari.

23Arafaha ka noti me toha, Manahati ka noti me toha, Ebao ka noti me toha, Sefo ka noti me toha, Onaha ka noti me toha na me wiwina tohehemetemoneke Eto ya. Afa Sobao ka noti memetemone me amake.

24Sibiao biti me famehemetemoneke, Ayasi ya Ana me fama mati. Efe Ana faha hiwaha wasihimatamonaka yama honari ka yama ya, bati ka someto mera narifari. 25-26Ana biti inomatamona amaka Tiso tohahari. Tiso ka noti me inimetemone amake haro, Henetaha toha, Esibaha toha, Itaraha toha, Kera toha nari. Afa me ka noti me wiwina tohehemetemoneke Eto ya. Ana bite inimetemone amake Oribama tohaharo bisa.

27Ese ka noti memetemone me amake Biraha toha, Sahafa toha, Akaha toha nari. Afa me ka noti me wiwina tohehemetemoneke Eto ya.

28Tisaha ka noti memetemone me amake, Osi ya Araha me fama mati. Afa me ka noti me wiwina tohehemetemoneke Eto ya.

29-30Ho me ate inimetemone amake haro, Rotaha toha, Sobao toha, Sibiao toha, Ana toha, Tiso toha, Ese toha, Tisaha toha naro. Afa me ka noti me wiwina tohehemetemoneke Eto ya.

Eto ka towisawa me taminemetemone amake.

31-39Eto ka towisawa me e nemetemone me amake ahi, me me yoseha mati, ihayeo me ka towisawa me watari ya mata. Towisawa me tohawa nemetemone me amake.

Bera taiti tohematamonaka, Beo biti tohahari. Sitati Tinaba kamatamona amaka.

Manakobisa Sobabi tohamakehimatamonaka, Sera biti tohahari. Bosira kamatamona amaka.

Hosaha tohamaketasematamonaka, Temaha kari.

Hatati tohamakematamonaka Betati biti tohahari. Sitati Abiti kamatamona amaka. Mitiha ka mera mowa ne mera nahabimatamonaka Moabi ya.

Samara tohamakematamonaka, sitati Masereka ka tohahari.

Sao tohamake nematamonaka Heoboti ka tohahari, faha Eofarati toha witi ka Heoboti.

Bahao-Hanaha tohamake nematamonaka, Akibo biti tohahari.

Hatati tohamake nematamonaka sitati Bao kari. Efe fati inimetemone amake Metabeo tohaharo. Metabeo Matereti bitemetemone amake, Mesahabi ka noti tohaharo.

40-43Esao ka noti me ate inimetemone amake haro: Timina toha, Aofa toha, Sateti toha, Oribama toha, Era toha, Bino toha, Kenasi toha, Temaha toha, Mibisa toha, Makitieo toha, Irao toha naro. Afa ka me wiwina tohehemetemoneke Eto ya. Fara me ate ini nima Eto ka wami kote ini nemetemoneke.

Currently Selected:

Senisi 36: jaaR

Highlight

Copy