Taian Areru 146
146
Neboan Te Atua Ae Te Tia Kamaiu
1Kamoamoa te UEA!
Kamoamoa te UEA, tamneiu!
2N na kamoamoa n ua tokini bongini maiu;
N na anene ni kamoamoa Atuau n au tai ni maiu.
3Tai onimakiniia aomata aika taani kairiri;
akea te aomata ae kona ni kamaiu.
4Ngkana a mate, ao a okira te tano;
n te bong are a mate iai, ao a mauna baike a tia n iaiangoi.
5E a kab'aia te aomata ae onimakina Atuan Iakob'a b'a buokana,
ae e mwiokoa maiuna i nanoni bain te UEA ae Atuana,
6Ae karaoa karawa ma aonnaba ma marawa
ma b'aai ni kabane akana mena iai.
E korakora onimakinana.
7E kaeti raoi taekaia akana karawaawataaki,
ao E anganganiia akana baki kanaia.
E kainaomataia akana kabureaki te UEA
8Ao E kanorabaia akana mataki;
e kakorakoraia akana a mamaara nanoia;
E tangiria ana Aomata akana kakaonimaki ma n ongeaba i rouna.
9E kakawakiniia iruwa akana maeka i abara;
E buokiia aine akana a mate buia, ma ataei akana a mate tamaia;
Ma E katekebuakaia akana buakaka.
10Bon te uea n aki toki te UEA.
Tion, E na uea Atuam n aki tootoki.
Kam na kamoamoa te UEA!
Currently Selected:
Taian Areru 146: KNVB
Highlight
Share
Copy
Want to have your highlights saved across all your devices? Sign up or sign in
