Taian Areru 141
141
(Ana Areru Tawita)
Tataron te Tairiki
1Te UEA, I weteiko; Ko na buokai ngkai!
Ko na ongora irou ngkana I weteiko.
2Butim'aea au tataro b'a kanga te karea ae boiarara,
ao baiu aika tabekaki rake b'a kanga te karea n te tairiki.
3Te UEA, Ko na taua aroni wiiu ke riau,
ngkana I taekina te b'ai teuana.
4Ko na tukai mani kani karaoan ae buakaka,
ao man raonakiia akana buakaka ni karaoi m'akuri aika bubuaka.
N na aki am'arake ma ngaiia n aia tai ni bootaki.
5E kona n oreai te aomata ae e raoiroi ma ni boaai i bukin nanona ni kan akoi,
Ma I bon aki kona ni kariaia karineau mairouia akana buakaka,
i bukina b'a I aki toki n tatataro b'a a na ekakinako aia m'akuri aika bubuaka.
6Ngkana a teweaki nako aia tia motiki-taeka mani b'a aika ririeta,
Ao a na kakoaua iai aomata b'a a eti au taeka.
7Aron te kai ngkana e bwenauaki ao e korokoreaki ni kauarerekeaki,
Ao ai aron naba taraan riia ni wene n uamaae ri mataniwin te ruanimate.
8Ma I teimatoa n onimakiniko, te UEA ae au Uea.
Boni nneu ni katanai Ngkoe;
Tai katukai b'a N na mate!
9Ko na kawakinai b'a N na aki m'ane n aia b'ai
ni kam'am'ane akana buakaka, akana a katauraoi ni karabai i m'aiu.
10Ke a m'ane n oin aia b'ai ni kam'am'ane,
ma N na aki m'ane iai ngkana I rikekei.
Currently Selected:
Taian Areru 141: KNVB
Highlight
Share
Copy
Want to have your highlights saved across all your devices? Sign up or sign in
