Mareko Taekan te Boki Aei
Taekan te Boki Aei
E a moanaki te Euangkerio aei n taeka aika kangai, Moan euangkerion Iesu Kristo, are Natin te Atua. E a kaotaki bannan Iesu n te boki aei b'a te aomata Ngaia ae iai ana konab'ai; ao E aki ti tataetae, ma E m'am'akuri naba. E a noraki konab'aina n arona n reirei, ni m'akana i aoia taimonio, ao ni kab'ara aia bure aomata. E taekina arona b'a bon Natin te Aomata Ngaia, are roko b'a E na anga maiuna b'a a aonga ni kainaomataki aomata man te bure.
E a taekinaki Iesu n te boki aei n te aro ae mataata, ao e a katuruturuaki riki iai taekani baike E karaoi nakoni baike E taekin ma n reireiniia iai aomata. I mwin rongorongon Ioane are te tia B'abetito, ma rongorongon Iesu ngke E b'abetitoaki ma ni kaririaki, ao te tia korea te Euangkerio e a wakina naba taekinan ana m'akuri Iesu ni kakamaiu ma n reirei. E a taekinaki naba n te boki aei b'a i nanon ana tai Iesu ni waaki ni karaoa ana m'akuri, ao te koraki ake a iririia a moanna ni kinaa b'a antai Ngaia; ma te koraki ake a ririiba Iesu a rikirake riki aroia n riribaia. A taekinaki ni kabaneani m'akoron te boki aei baike a riki iroun Iesu n te kabanea ni wiiki are E uti iai, ai moara riki baike a riki ni kaeti ma aroni matena ao manga-utina man te mate.
Oi n iango i aon te boki aei
Moan taekan te Euangkerio 1.1-13
Ana M'akuri Iesu i Kariraia 1.14—9.50
Mai Kariraia nako Ierutarem 10.1-52
Te Kabanea ni Wiiki i Ierutarem, ao n taabo ake i rarikina 11.1—15.47
Manga-utin Iesu man te mate 16.1-8
Kaotin te Uea ma Rierakena 16.9-20
Currently Selected:
Mareko Taekan te Boki Aei: KNVB
Highlight
Share
Copy
Want to have your highlights saved across all your devices? Sign up or sign in