Maraki 4
4
Te bong ni Motikitaeka
E taku te UEA:
1E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’ 2Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro. 3Ma ngkami aika kam buakaka, ngkana I karokoa te motikitaeka ae eti, ao kam na manatua kaanga taian mannang i aan te wae. Bon aei au taeka Ngai ae te UEA ae Moan te M'aaka!
4Kam na aki m'aninga taian tua ma taeka n reirei ake I angan Au tia m'akuri are Moote i aon te Maunga are Tinai.#4.4 Tinai: Ebera “Oreb'a.”
5I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne. 6E na kairiia ataei ma aia karo b'a a na kakorakoraa riki tangiraia i bon irouia, b'a e aonga n ae I aki karokoa te kanganga nakon te aba ngkana I roko.
Currently Selected:
Maraki 4: KNVB
Highlight
Share
Copy
Want to have your highlights saved across all your devices? Sign up or sign in
