Ioane 21
21
E Kaoti Iesu nakoia Reirei ake Itiman
1I mwini baikai ao E a manga kaotia Iesu nakoia ana reirei i rarikin te nama are Tiberia; ao aei arona ni kaotia: 2a botaki i rarikin te nama reirei aikai, Timon Betero, Toma are aranaki b'a te Bwebwee, ao Natanaera are kaaini Kana are i Kariraia, ao natin Tebetaio ake uoman, ao uoman riki ana reirei. 3#Ruka 5.5E taku Betero nakoia, “N na nako n akawa.”
A taku nakoina, “Ti na iriko.” A nako n toka n te boti; ma bon akea konaia n te tairiki arei.
4Ma ngke e nang oti taai, ao E tei Iesu i mataniwin te aba, ma a aki kinaa ana reirei b'a Iesu. 5E titirakiniia ngkanne Iesu ao E kaangai, “Ataei, e reke aromi?”
A kaeka ni kaangai, “Kai akea ae!”
6 #
Ruka 5.6
Ao E taku nakoia, “Kab'akaa te karaun i angaatain te booti, ao kam na kona iai.”
A kab'aka ngkanne te karaun iai, ao a aki kona ni katikia b'a a rangi ni m'aiti ika n reke iai.
7Ao te reirei are E tangiria Iesu e taku ngkanne nakoni Betero, “Bon te Uea!” Ma ngaia are, ngke e ongo Timon Betero b'a te Uea, ao e kabaea i aona ana kabaraaki, b'a e a tia ni buuti kunnikaina, ao e ewe nako n te nama. 8Ao a roko reirei ake raoia n te boti are uarereke, ni katika te karaun are on n te ika, b'a a aki rangi n raroa ma te aba b'a tao tebubua te miita raroaia. 9Ngke a aerake ngkanne i eta, ao a nora iai te ai ae aiana te marara ma te ika ae tinimaki iai, ao te kariki. 10E taku Iesu nakoia, “Uoti mai ika mani konami ake a tib'a reke.”
11Ma ngaia are, e toka i aon te boti Timon Betero ao e katika te karaun nako aon te aba; e on te karaun n ika aika ab'ab'aki. E ngae ngke e rangi ni bati te ika, ma e aki roko n te raeuaki te karaun. 12E taku Iesu nakoia, “Mai am'arake.” Akea irouia ana reirei ae ninikoria b'a e na titirakinna ni kaangai, “Antai Ngkoe?” b'a a kinaa b'a te Uea. 13E nako Iesu n anaa te kariki, ao E anganiia; ao ai arona naba nakon te ika.
14Aei ana katenua n tai ni kaoti Iesu nakoia ana reirei i mwin te tai are E a manga uti iai mai buakoia maate.
Iesu ao Betero
15Ngke a tia n am'arake, ao E titirakina Timon Betero Iesu ni kaangai, “Timon, ae natin Ioane, ko tangirai riki nakoia uaakai?”
E taku Timon nakoina, “Te Uea, Ko ataai b'a I tangiriko.”
E taku Iesu nakoina, “Kakaam'arakeia au tiibu aika ataei.”
16E a manga taku naba Iesu nakoina, “Timon, ae natin Ioane, ko tangirai?”
E taku Timon nakoina, “Eng, te Uea; Ko a ataai b'a I tangiriko.”
E taku Iesu nakoina, “Kakawakiniia au tiibu.” 17E a manga taku riki Iesu nakoina, “Timon, ae natin Ioane, ko tangirai?”
E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.”
E taku Iesu nakoina, “Kakaam'arakeia au tiibu. 18Bon te koaua ni koaua ae I a tuangko, b'a ngke te teei ngkoe, ao ko tataneiai ni katauraoiko, ao ko nako ike ko kan nako iai; ma ngkana ko a unimm'aane, ao ko na arori baim, ao ane e na katauraoiko temanna ao e na kairiko nako ike ko aki kan nako iai.”
19E atonga aei Iesu b'a E na kaota aroni mateni Betero, are e na neboa te Atua iai. Ngke E a tia n atonga aei, ao E taku nakoni Betero, “Ko na irai!”
Iesu ao te Reirei are E Tangiraki i rouna
20 #
Ioa 13.25
E rairaki Betero, ao e nora te reirei are E tangiria Iesu b'a e iri; ngaia ngkoa are raraa b'anib'anin Iesu ngke a am'arake n tain te Toa are te Riao, ao ngaia naba are kaangai, “Te Uea, antai ae na kam'aneko?” 21Ma ngaia are, ngke e noria Betero, ao e taku nakon Iesu, “Te Uea, e kanga aron teuaei?”
22E kaekaa Iesu ni kaangai, “Ngkana I tangiria b'a e na teimatoa ni maiu ni karokoa manga okiu, ao e aera b'a ko na katabea nanom iai? Ko na irai.”
23E a buta nako ngkanne te rongorongo i buakoia taari#21.23 taari; aomata nako ake a kakoauai ana taeka Iesu, ao a ongeaba nakoina. akekei ae e na aki mate te reirei arei; ma E aki taku Iesu nakoina b'a e na aki mate, ma E kaangai, “Ngkana nanou b'a e na teimatoa ni maiu ni karokoa manga okiu, ao e aera b'a ko na katabea nanom iai?”
24Te reirei arei boni ngaia te tia kakoaua i bukini baikai,#21.24 baikai; e a kona n nanonaki iai, b'aai ni kabane aika taekinaki i nanon te boki ae Ioane, ke baika taekinaki man te kibu 20 nakon 23, ke i nanon te m'akoro 21. E kona naba n iangoaki b'a baika taekinaki man te m'akoro 1 nakon te m'akoro 20. ao boni ngaia naba ae koroi taekaia; ao ti ataia b'a a koaua ana taeka.
25Ao iai riki b'aai aika bati ake E karaoi Iesu, ao ngkana e na toanaki teuana i mwin teuana ni koreaki taekana, ao I taku b'a e na kaonaki aonnaba ni bokiia, ao a na aki reke neni moana.
Currently Selected:
Ioane 21: KNVB
Highlight
Share
Copy
Want to have your highlights saved across all your devices? Sign up or sign in
