Иона ААН ТЫЛ
ААН ТЫЛ
Күндү ааҕааччы!
Эн билигин Эргэ Кэс Тыл хомуурунньугар киирсэр Иона бороруок кинигэтин тутан олороҕун. Эргэ Кэс Тыл Саҥа Кэс Тыллыын иккиэн холбоон Биибилийэ диэн ааттаналлар. Улуу Биибилийэни, киһи аймах саамай күнд ү баайын, аан дойду дьоно үйэттэн үйэлэр тухары таптаан ааҕаллар.
Иона кинигэтигэр Таҥара сорудаҕын толоруон баҕарбакка куота сатаабыт бороруок туһунан кэпсэнэр. Бу быһыы-майгы биһиги эрабыт иннинээҕи VIII-с үйэҕэ буолан ааспыт. Таҥара Ионаны ол саҕана кыргыс дьайынан, муҥутуур күүһүнэн аар саарга аатырбыт Ассирия импиэрийэтин Ниневия куоратыгар баран, ол куорат олохтоохторун аньыыларын-хараларын саралаа диэн соруйар. Иона буоллаҕына Израиль кыр өстөөхтөрө, Ниневия олохтоохторо, буруйдарын билинэн Таҥараҕа бырастыы гыннарыахтарын баҕарбат. Кини, баҕар, төрөөбүт норуотун хаан өстөөҕөр барыан саллыбыт буолуон эмиэ сөп. Онон бороруок Таҥара эппит хайысхатыттан чыҥха атыны тутуһан, хараабылга олорсон Айыы Тойонтон тэск илии сатыыр. Муора дьикти быһылааныгар түбэһэ сылдьыбыт Иона бүтэр уһугар Айыы Тойоҥҥо бас бэринэр гынан баран, Таҥара Ниневия дьонун бырастыы гыммытыттан улаханнык хомойор. Ол эрээри Айыы Тойон Ионаҕа амарахтык сыһыаннаһан, аньыылаахтар өлүөхтэрин баҕарбатын, быыһаныахтарын баҕарарын көрдөрөр, Кини Израиль эрэ Таҥарата буолбатаҕын – бүтүн аан дойду, бары кыыл-сүөл, от-мас, айылҕа бүттүүнүн Таҥарата буоларын биллэрэр. Сир-халлаан барыта Кини көҥүлүн толорор, Таҥара эмиэ айбыт айымньытын айылҕаны араҥаччылыыр.
Саҥа Кэс Тылга Айыы Тойон Иисус Христос чугас үөрэнээччилэригэр өлөн баран тиллиэхтээҕин кэпсииригэр Иона бороруогу ахтан ааһар. Ону таһынан Айыы Тойон Ниневия олохтоохторо бука бары биир санаанан буруйдарын билиммиттэрин, көнө суолга үктэммиттэрин холобурдуур.
Бу кинигэҕэ сахалыы тиэк иһи кытта сэргэ нууччалыы Синодальнай уонна английскайдыы World English Bible диэн тылбаастары киллэрдибит. Британия тылбааһа кыра уларытыылаах бэриллэр. Маннык таһаарыы саха эдэр ыччата Биибилийэни ордук дириҥник өйдүүрүгэр, ону таһынан тылы үөрэтэригэр туһалыаҕа.
Кинигэ электроннай тиэкиһин биһиги институппут сайтыттан булан ааҕыахха сөп. Сайт аадырыһа ibt.org.ru диэн.
Эргэ Кэс Тыл бу кыракый кэпсээнэ саха дьонун бүтүн Биибилийэни ааҕарга көҕүлүө диэн биһиги эрэнэ саныыбыт. Итиэннэ түм үкп үт үгэр кинигэ тылбаасчытыгар, эрэдээктэрдэригэр, консультаныгар, көмөлөспүт үтүө дьоҥҥо бука барыларыгар истиҥ махталбытын тиэрдэбит.
Биибилийэ тылбааһын Москубатааҕы Института
Currently Selected:
Иона ААН ТЫЛ: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022