Zechariah 9
9
Akimveluva Namtinho Chunga Thutanna
1 #
Isai 17:1-3; Jer 49:23-27; Amos 1:3-5. Israel phungho jouse banga
mihemte mit ho chun Pakai lam ahin ngat tengle;
Hadrach gamsunga Pakai thua pohgih,
chule Damascus chu akicholdona hiding ahi.
2Chule Tyrus le Zidon chu chinglheh jongle,
Hamath'in jong hichu agamgit ding ahi.
3Chule Tyrus'in ama dingin kuldet akisemin,
dangka chu leivui bangin asevumin,
sana thengsel jong khopi lamlena bonlhoh bangin asevume.
4 #
Isai 23:1-18; Ezek 26:1—28:26; Joel 3:4-8; Amos 1:9-10; Matt 11:21-22; Luk 10:13-14. Veovin, Pakaiyin amanu apaidoh ding,
chule athahatna chu twipia alehlut ding;
chule meijin akahvam ding ahi.
5 #
Isai 14:29-31; Jer 47:1-7; Ezek 25:15-17; Joel 3:4-8; Amos 1:6-8; Zeph 2:4-7. Ashkelon'in hichu amua kicha ding;
Gaza'n jong amua lunggim lheh ding,
chule Ekron'in jong; ajehchu akinepna chu kijumso ding;
lengpa chu Gaza-a kona mangthah ding,
Ashkelon chu chenna lou hiding ahitai.
6Chule Ashdod'a chu jaocha khat cheng ding;
keiman Philistine hoithona chu kasuhtan ding ahi.
7Chule akamsunga kon athisan kalahmanga,
chule aha kah-a kona thet umtah ahina chu kalahmang ding ahi.
Ahinla aumdenpa, ama tah jengjong chu i-Pathen uva ding hintin,
Judah gamsunga chu vaipipo banga umding ahin,
Ekron chu Jebus mite tobang hiding ahi.
8Galmiho jehle, ajotpa jeh le ahung kilepa jeh-a,
ka-in hi kaum kimvel ding;
chule misugenthei koiman ahin jotpa lou ding ahitai;
ajehchu tun kamit tah-in kamutai.
Ahunglhung Ding Lengpa
9 #
Matt 21:5; Jhn 12:15. Vo Zion chanu, hapan kipah-in;
Jerusalem chanu, aovin:
ven nalengpa nahenga ahunge:
ama chondihtah ahin, chule huhhingna aneije;
kineosah tah-in sangan chunga,
sangan nou chunga atouvin ahi.
10 #
Labu 27:8. Chule keiman Ephraim'a kona sakol kangtalai kasuhmanga,
Jerusalem'a kona sakol ho chu kasuh mangding,
chule gal thalpi jong kisat bongding ahi.
Chule aman Pathen hephalou ho jah-a chamna thu aseiding,
alenggam chu twipia pat twipi gei,
chule vadunga pat kolmong gei hiding ahi.
Pathen Mite Kitundoh Kitding
11 #
Pot 24:8. Nangma dingin jong,
nathisana kitepna vangin,
twi beina kokhuh-a konin nasohchangho chu kasoldohtai.
12Kinepna nei sohchang nangho kuldet lama kileuvin;
tuni tah-a hi ajatnia kapehdiu ahi tia kaphondoh ahi.
13Keiman kathalpi Judah kajebongin,
Ephraim chu thalchang bangin thal'a kadipme,
nachapate chu thoudoh-in, vo Zion,
nachapate doudingin, vo Greek,
nangma mihat ho chemjam bangin kaseme.
14Pakai chu achunguva kimuntin;
athalchang ho chu kolphe banga leng ding ahi:
Pakai Pathen'in sumkon mut intin,
lhanglam chimpeitoh kilhonding ahi.
15Janel Pakaiyin amaho ahonbit dingu;
chule amahon abahgamuva, ah songse songa ajodiu ahi,
amahon adondiu, chule lengpitwi kham banga pohchei choidiu;
amaho sumlheng ho banga dimuva,
maicham ningho bang dimdiu ahi.
16Chule hiche nikho chule a-Pathen'un
amite ganchahon banga ahuhdoh ding ahi:
ajehchu amaho alua lallukhuh chunga songho bang dingu,
agamsunga ponlap banga choisanga umdiu ahi.
17Ajehchu aphatna hi ichana lenna,
ahoina hi ichana len hitam?
changin gollhangho athanopsah ding,
lengpitwi thah-in nungah ho akipasah ding ahi.
Currently Selected:
Zechariah 9: THADBSI
Highlight
Share
Copy
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.
